شوبز اور میڈیا شخصیات کی کراچی ٹینکر حادثے کی شدید مذمت
اشاعت کی تاریخ: 26th, March 2025 GMT
پاکستانی شوبز اور میڈیا شخصیات نے کراچی ٹینکر حادثے کی شدید مذمت کی ہے اور حکومت سے اس پر فوری ایکشن لینے کا مطالبہ کیا ہے۔
کراچی میں افسوسناک ٹریفک حادثے میں ایک نوجوان جوڑے اور نومولود کی جان چلی گئی، یہ جوڑا موٹر سائیکل پر اسپتال سے واپس جا رہا تھا جب ایک تیز رفتار ٹینکر نے انہیں ٹکر مار دی، حادثہ اتنا ہولناک تھا کہ میاں بیوی موقع پر ہی جاں بحق ہو گئے، پولیس کے مطابق خاتون حاملہ تھیں اور حادثے کے دوران ہی انہوں نے ایک بیٹی کو جنم دیا، لیکن بدقسمتی سے نومولود بچی بھی زندہ نہ رہ سکی۔
واقعے نے پورے پاکستان میں غم و غصے کی لہر دوڑا دی ہے، عوام سڑکوں پر بڑھتے ہوئے حادثات اور بے قابو ٹینکر ڈرائیورز کی لاپروائی پر شدید احتجاج کر رہے ہیں۔
اس سانحے پر پاکستانی اداکاروں اور میزبانوں نے بھی شدید افسوس کا اظہار کیا ہے اور حکومت سے مطالبہ کیا ہے کہ وہ سڑکوں پر ٹریفک قوانین پر سختی سے عمل درآمد یقینی بنائے۔
اداکار ومیزبان دانش تیمور نے سڑکوں کی ناقص صورت حال اور ڈرائیورز کی غیر ذمے داری پر تشویش کا اظہار کیا ہے۔
میزبان رابعہ انعم نے بھی حادثے پر افسوس کرتے ہوئے حکومت سے سخت ایکشن لینے کی اپیل کی ہے۔
رمضان ٹرانسمیشن میں اداکارہ و میزبان جویریہ سعود انتہائی جذباتی ہو گئیں اور حادثے کے متاثرین کو یاد کرتے ہوئے رو پڑیں۔
ٹی وی اینکر و میزبان وسیم بادامی نے حکام کو تنقید کا نشانہ بناتے ہوئے کہا ہے کہ ہر بار ایسے حادثے کے بعد بات کی جاتی ہے، مگر عملی اقدامات کبھی نہیں کیے جاتے۔
سماجی کارکن سید ظفر عباس بھی جوڑے اور نومولود کی موت پر انتہائی افسردہ نظر آئے اور انہوں نے عوام سے اپیل کی کہ وہ اس ظلم کے خلاف آواز بلند کریں۔
یہ حادثہ سوشل میڈیا پر بھی شدید غم و غصے کا باعث بنا ہے، صارفین کا کہنا ہے کہ بھاری گاڑیوں کے ڈرائیورز کی لاپروائی اور ٹریفک قوانین کی خلاف ورزیوں پر کوئی چیک اینڈ بیلنس نہیں۔
صارفین نے مطالبہ کیا ہے کہ حکومت کو بھاری گاڑیوں کے لیے الگ روٹ بنانے چاہئیں تاکہ شہریوں کی زندگیاں محفوظ رہیں، ٹینکر مافیا کے خلاف فوری ایکشن لیا جائے اور حادثے کے ذمے داروں کو سخت سزا دی جائے۔
یہ المناک حادثہ پاکستان میں ٹریفک قوانین پر عمل درآمد اور سڑکوں کی حفاظت کے حوالے سے ایک بڑا سوالیہ نشان چھوڑ گیا ہے۔
Post Views: 1.ذریعہ: Daily Mumtaz
پڑھیں:
شانگلہ ؛گاڑی گہری کھائی میں گرگئی ،5 افراد جاں بحق 3 زخمی
سبحان اللہ خان : شانگلہ تحصیل الپوری ملک خیل کوٹکے کے مقام پر گاڑی حادثے کا شکار ہوگئی
جیپ گاڑی ڈرائيور سے بے قابو ہوکر گہری کہائی میں گر گئی تھی،حادثے میں 5 افراد جان بحق جبکہ 3 افراد شدید زخمی ہوئے ،ریسکیو 1122 کے کنٹرول روم کو اطلاع ملتے ہی ریسکیو1122 کے تین ایمبولینسز اور میڈیکل ٹیم جائے حادثہ پر پہنچ گئیں ، ریسکیو میڈکل ٹیم نے زخمیوں کو موقع پر ابتدائی طبی امداد دے کر ڈسٹرکٹ ہیڈکوارٹر ہسپتال الپوری منتقل کردیا۔ جان بحق افراد کو بھی ڈی ایچ کیو منتقل کر دیاگیا ہے۔تین شدید زخمیوں کو مزید علاج معالجے کیلے سیدو ٹیچنگ ہسپتال سوات منتقل کر د یا گیا
موسم کے حوالے سے خبر آگئی
ڈی آئی خان: ماں نے شوہر کے ساتھ ملکر بیٹے کو قتل کرنے کا اعتراف کرلیا، پولیس