پنجاب میں 100سال سے زائد عرصے سے منجمد قوانین کو اپڈیٹ کیا:سیکرٹری داخلہ نور الامین مینگل
اشاعت کی تاریخ: 26th, March 2025 GMT
سیکرٹری داخلہ نے کہا کہ گزشتہ ایک سال میں محکمہ جیل خانہ جات میں تاریخی ریفارمز کیے جن سے اسیران، اہلخانہ اور سوسائٹی سب کا فائدہ ہو رہا ہے۔ سیکرٹری داخلہ پنجاب نے پروفیشنل سروس کنڈکٹ بارے نوجوان افسران کی رہنمائی کی۔ انہوں نے کہا کہ نوجوان افسران کیریئر کی ابتداء سے ہی اپنے کام پر توجہ دیں اور اپنی سمت درست رکھیں۔ اسلام ٹائمز۔ سیکرٹری داخلہ پنجاب نورالامین مینگل سے زیرتربیت اے ایس پیز کے وفد نے سول سیکرٹریٹ میں ملاقات کی۔ محکمہ داخلہ پنجاب کا دورہ کرنیوالے 17 انڈر ٹریننگ اے ایس پیز ان دنوں تربیت کیلئے پنجاب فرانزک سائنس اتھارٹی کیساتھ منسلک ہیں۔ سیکرٹری داخلہ پنجاب نے نوجوان افسران سے گفتگو کرتے ہوئے بتایا کہ وزیراعلی پنجاب کی ہدایت پر فرانزک سائنس اتھارٹی کو جدید تقاضوں سے ہم آہنگ کر رہے ہیں۔ فرانزک سائنس اتھارٹی اب ریفرل لیب کی بجائے پروایکٹو کردار ادا کرے گی اور پوٹھوہار اور ملتان میں لیب کے قیام سے جہاں استعداد میں اضافہ ہوگا، وہیں پینڈنگ کیسز کو حل کرنے میں مدد ملے گی۔
سیکرٹری داخلہ پنجاب نے بتایا کہ محکمہ داخلہ نے گزشتہ ایک سال میں 100سال سے زائد عرصے سے منجمد قوانین کو اپڈیٹ کیا۔ قدیم قوانین کو جدید تقاضوں سے ہم آہنگ کر کے معاشرے کیلئے مفید بنا رہے ہیں۔ گزشتہ ایک سال میں محکمہ جیل خانہ جات میں تاریخی ریفارمز کیے جن سے اسیران، اہلخانہ اور سوسائٹی سب کا فائدہ ہو رہا ہے۔ سیکرٹری داخلہ پنجاب نے پروفیشنل سروس کنڈکٹ بارے نوجوان افسران کی رہنمائی کی۔ انہوں نے کہا کہ نوجوان افسران کیریئر کی ابتداء سے ہی اپنے کام پر توجہ دیں اور اپنی سمت درست رکھیں۔ افسران جذبۂ خدمت کے تحت بھرپور محنت اور لگن سے عوامی مسائل کے حل میں اپنا کردار ادا کریں۔
سیکرٹری داخلہ پنجاب نے انڈر ٹریننگ اے ایس پیز کے سوالوں کے جوابات دیئے۔ ملاقات کے اختتام پر سیکرٹری داخلہ نے انڈرٹریننگ افسران کو اعزازی شیلڈزپیش کیں۔ سپیشل سیکرٹری داخلہ فضل الرحمان، ایس ایس پی عثمان باجوہ، ڈائریکٹر ایڈمن پنجاب فرانزک سائنس اتھارٹی ولید بیگ اور متعلقہ افسران بھی اس موقع پر موجود تھے۔
ذریعہ: Islam Times
کلیدی لفظ: سیکرٹری داخلہ پنجاب نے فرانزک سائنس اتھارٹی نوجوان افسران کی
پڑھیں:
زائد کرایہ وصول کرنے والوں کی نشاندہی کی جائے: صوبائی وزیرِ ٹرانسپورٹ پنجاب
صوبائی وزیرِ ٹرانسپورٹ بلال اکبر—فائل فوٹوصوبائی وزیرِ ٹرانسپورٹ بلال اکبر نے کہا ہے کہ مسافر زائد کرایہ وصول کرنے والوں کی بروقت نشاندہی کریں۔
وزیر ٹرانسپورٹ پنجاب بلال اکبر خان نے ٹرانسپورٹ کرایوں میں کمی کے لیے حکام کو ہدایات جاری کر دیں۔
صوبائی وزیرِ ٹرانسپورٹ بلال اکبر نے عید کے موقع پر ٹرانسپورٹ کے حوالے سے بیان جاری کیا ہے۔
انہوں نے کہا ہے کہ اوور چارجنگ اور مسافروں کی دیگر شکایات سے متعلق خصوصی کنٹرول روم قائم کر دیا گیا ہے۔
بلال اکبر نے کہا ہے کہ اوور لوڈنگ اور بسوں کی چھتوں پر سفر کرانے پر بھی پابندی ہوگی۔
ریئل اسٹیٹ شعبے کے لیے بڑا ریلیف، آئی ایم ایف پراپرٹی خریداری پر عائد ود ہولڈنگ ٹیکس کی شرح کم کرنے پر راضی