عید پر عمران خان کے لیے پشاوری چپل تیار، تحفہ جیل پہنچے گا کیسے؟
اشاعت کی تاریخ: 26th, March 2025 GMT
پشاور کے روایتی چیل بنانے والے چچا نورالدین نے جیل میں قید بانی چیئرمین پاکستان تحریک انصاف عمران خان کے لیے عیدالفطر کے لیے خصوصی پشاوری چپل تیار کی ہے جو وہ خود جیل جاکر اپنے لیڈر کو دینا چاہتے ہیں۔
چچا نور الدین کے مطابق وہ ہر عید پر عمران خان کے لیے خصوصی چپل تیار کرتے ہیں اور گزشتہ عید کے موقعے پر انہوں نے ’قیدی نمبر 804‘ چپل تیار کی تھی جس کو تحریک انصاف کے ورکرز نے بھی بہت پسند کیا تھا۔
یہ بھی پڑھیں: عمران خان کے لیے قیدی نمبر 804 کی خاص سینڈل تیار
چچا نور الدین جنہیں صدارتی سے بھی نوازا گیا تھا نے بتایا کہ اس بار بھی انہوں نے عمران خان کے لیے اسپیشل چیل تیار کی ہے۔ انہوں نے کہا کہ ’خان صاحب کے لیے تحفہ کے طور پر اسپیشل چپل تیار کرتا ہوں اور وہ اس کو پسند بھی کرتے ہیں‘۔
چچا نور الدین نے بتایا کہ اس بار لائٹ براؤن رنگ کی چیل تیار کی ہے اور ان کی خواہش ہے کہ وہ خود اڈیالہ جیل جا کر عمران خان کو دیں۔
مزید پڑھیے: یوم پاکستان: کپتان چپل سے مشہور ہونے والے چاچا نور دین کو سول ایوارڈ سے نواز دیا گیا
انہوں نے کہا کہ ’میری کوشش ہے کہ تحفہ عمران خان کو خود دے کر آؤں لیکن اگر یہ ممکن نہ ہوا تو علی امین گنڈاپور کے ہاتھ پہنچا دوں گا‘۔
عمران خان کے لیے کپتان چپلپشاور میں روایتی پشاوری چیل کی دکانیں ہر جگہ ہیں لیکن چچا نور الدین کی دکان پر ہر وقت رش لگا رہتا ہے۔ چند سال قبل چچا نور الدین نے کپتان چپل کے نام سے عمران خان کے لیے خصوصی چیل تیار کی تھی جس کے بعد سے وہ خاصے مقبول ہو گئے اور پورے ملک میں ان کی کپتان چیل کے چرچے ہوئے۔ اس کے بعد سے چچا نور الدین ہر عید پر عمران خان کے لیے چیل تیار کرتے ہیں۔
’عمران خان کے جیل جانے سے کاروبار پر اثر پڑا‘چچا نور الدین کے مطابق گزشتہ کچھ عرصے سے مہنگائی کے باعث مجموعی طور پر کاروبار پر منفی اثر پڑا ہے لیکن عمران خان کے جیل جانے سے بھی ان کے چیل کے کاروبار منفی اثر پڑا۔
مزید پڑھیں: خط بنام قیدی نمبر 804
انہوں نے کہا کہ ’عمران کے جیل جانے سے کاروبار پر اثر ضرور پڑا ہے لیکن اس سے زیادہ موجودہ مہنگائی سے کاربار متاثر ہوا ہے‘۔
ان دنوں چچا نور الدین کی دکان پر عید کے لیے پشاوری چپل خریدنے والوں کا رش لگا ہوا ہے۔ صوبے کے مختلف اضلاع کے علاوہ دیگر صوبوں کے خریداروں نے پشاور کا رخ کیا ہے۔ مزید جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشاور پشاوری چپل چچا نورالدین قیدی 804 چپل قیدی نمبر 804 کپتان چپل.ذریعہ: WE News
کلیدی لفظ: پشاور پشاوری چپل چچا نورالدین قیدی 804 چپل عمران خان کے لیے چچا نور الدین چیل تیار انہوں نے تیار کی
پڑھیں:
نواز الدین صدیقی کو فلم سیٹ پر جانے سے کیوں روکا گیا؟ حیران کن وجہ سامنے آگئی
ممبئی(نیوز ڈیسک) بالی وڈ کے معروف اداکار نواز الدین صدیقی نے کہا ہے کہ بھارت میں کروڑوں لوگ ان جیسے نظر آتے ہیں، جبکہ ان کے مقابلے میں ہریتھک روشن کا چہرہ غیر روایتی ہے۔
بھارتی میڈیا کے مطابق، ایک تقریب میں گفتگو کرتے ہوئے نواز الدین نے اپنے اداکاری کے ابتدائی دنوں کا ذکر کرتے ہوئے کہا کہ جب وہ آڈیشن کے لیے جاتے تھے تو لوگ انہیں دیکھ کر کہتے کہ وہ اداکار جیسے نظر نہیں آتے۔
انہوں نے مزید کہا، “یہ بات مجھے غصہ دلاتی تھی کیونکہ اگر کروڑوں بھارتی میری طرح نظر آتے ہیں تو میں غیر روایتی کیسے ہوا؟ میں تو روایتی ہوں، ہریتھک روشن غیر روایتی لگتے ہیں۔”
نواز الدین نے اپنی فلم ‘تلاش’ کے سیٹ پر پیش آئے دلچسپ واقعے کا ذکر کرتے ہوئے بتایا کہ سکیورٹی گارڈ نے انہیں سیٹ پر داخل ہونے سے روک دیا تھا۔ جب انہوں نے گارڈ کو سمجھایا کہ وہ بھی فلم میں اداکاری کر رہے ہیں تو اجازت ملی۔ انہوں نے کہا کہ ایسا ان کے ساتھ آج بھی ہوتا ہے۔
Post Views: 1
وزیراعظم شہباز شریف کی مدینہ منورہ آمد، روضہ رسولؐ کی زیارت کرینگے