پارٹی کو نئے خون کی ضرورت‘ بلاول: ملاقاتیں، شکایات، تجاویز پیش
اشاعت کی تاریخ: 26th, March 2025 GMT
لاہور (نامہ نگار) پاکستان پیپلز پارٹی کے چیئرمین بلاول بھٹو زرداری سے پی پی پی کے کارکنوں نے بلاول ہاؤس بحریہ ٹاؤن لاہور میں ملاقاتیں کیں۔ جیالوں نے چیئرمین پیپلز پارٹی کو اپنی تجاویز اور شکایات پیش کیں۔ بلاول بھٹو زرداری سے بلاول ہاؤس میں راؤ بابر جمیل، تنویر جٹ، علی سانول، عفران نوید چودھری، ملک اظہر علی اعوان، سفیان گھرکی، فیصل میر، ذکی چوہدری، علی فرید کاٹھیا، خالد مصباح، سرمد شفقت چوہدری اور صہیب ذکی نے ملاقات کی۔ پنجاب کے مختلف اضلاع میں تنظیمی و سیاسی صورت حال پر بھی بات چیت ہوئی۔ علاوہ ازیں بلاول بھٹو زرداری سے پی پی 214 سے ٹکٹ ہولڈر بیرسٹر مدثر شاہ نے چوہدری ندیم کے ہمراہ بلاول ہاؤس میں ملاقات کی۔ اس موقع پر رکن قومی اسمبلی سید قاسم علی گیلانی بھی ہمراہ تھے۔ ملاقات میں ملتان کی سیاسی صورت حال پر تبادلہ خیال ہوا۔ سینئر رہنما نوید چودھری کے بیٹے عفران بھی ملے نوجوانوں کی پارٹی میں شمولیت پر تبادلہ خیال ہوا۔ بلاول بھٹو نے کہا پارٹی کو نئے فون کی ضرورت ہے۔ پارٹی کے سینئر لوگوں کو چاہئے نوجوانوں کی رہنمائی کریں۔ تعلیم یافتہ لوگوں کو پارٹی میں آمر متحرک کردار ادا کرنا چاہئے عفران نوید چودھری نے کہا کہ پی پی واحد پارٹی جس کا لیڈر جوان ہے، بلاول بھٹو زرداری سے بلاول ہاؤس لاہور میں پیپلز پارٹی کی صوبائی قیادت نے ملاقات کی۔ ملاقات کرنے والوں میں صدر پیپلز پارٹی وسطی پنجاب راجہ پرویز اشرف اور صوبائی جنرل سیکرٹری حسن مرتضیٰ اور دیگر شامل تھے۔ ملاقات میں تنظیمی امور اور اتحادی حکومت کے معاملات پر تبادلہ خیال کیا گیا۔ راجہ پرویز اشرف نے چیئرمین بلاول بھٹو زرداری سے پی ایس ایف اور پی وائی او کی تنظیمیں تحلیل کرنے کی اجازت طلب کی۔ بلاول بھٹو زرداری نے دونوں تنظیموں کو تحلیل کرنے کی اجازت دے دی۔ انہوں نے پی ایس ایف اور پی وائی او میں متحرک نوجوان شامل کرنے کی ہدایت کی۔ ذرائع کے مطابق عید کے بعد دونوں تنظیموں میں تبدیلی کے امکانات کا جائزہ لیا جائے گا۔
.ذریعہ: Nawaiwaqt
کلیدی لفظ: بلاول بھٹو زرداری سے پیپلز پارٹی
پڑھیں:
پی ٹی آئی سے مذاکرات،حکومت نے بلاول کی ثالثی کی پیشکش مان لی
حکومت نے چیئرمین پیپلز پارٹی بلاول بھٹو زرداری کی ثالثی کی پیشکش مانتے ہوئے پاکستان تحریک انصاف (پی ٹی آئی) سے بات کرنےکی ذمہ داری بھی انہی کو دے دی۔
نجی ٹی وی سے گفتگو کرتے ہوئے وزیراعظم شہباز شریف کے مشیر رانا ثنا اللہ نے کہا کہ اگر بلاول بھٹو زرداری تحریک انصاف سے اجلاس میں شرکت کی یقین دہانی حاصل کرلیں تو قومی سلامتی کمیٹی کا اجلاس دوبارہ بلانے میں کوئی حرج نہیں ہے۔
رانا ثنا کا کہنا تھا کہ بلاول بھٹو زرداری خود حکومت میں ہیں اگر پی ٹی آئی اور حکومت کے درمیان مذاکرات میں کامیاب ہوجاتے ہیں تو یہ ہماری ہی کامیابی ہوگی۔
ایک سوال پر رانا ثنا کا کہنا تھا کہ پیکا قانون کی ضرورت ہے ، اس کے غلط استعمال کی شکایت بھی جائز ہے ، اس پر بیٹھ کر بات ہونی چاہیے ۔
Post Views: 1
سفاری پارک کی ہتھنیوں میں ٹی بی، علاج کیلئے تربیتی سیشن کا انعقاد