شدید ردعمل کے بعد ٹک ٹاک نے متنازع فلٹر ہٹا دیا
اشاعت کی تاریخ: 25th, March 2025 GMT
اسلام آباد(نیوز ڈیسک)ٹک ٹاک نے اپنے ایک متنازع فلٹر کو ایپلیکیشن سے ہٹا دیاجو صارفین کی تصاویر کو اس طرح تبدیل کرتا تھا کہ وہ زیادہ وزنی نظر آئیں۔
اس فلٹر کو استعمال کرنے والی زیادہ تر ویڈیوز کا انداز ایک جیسا تھا، پہلے صارف کی اصل، بغیر ترمیم کی گئی تصویر دکھائی جاتی، پھر ‘چبی فلٹر‘ آہستہ آہستہ اس کی جسمانی ساخت میں تبدیلی لاتا، اور پس منظر میں امریکی گلوکارہ ڈوچی کا گانا ‘Anxiety‘ بجتا۔
جب ان ویڈیوز کی تعداد میں اضافہ ہوا تو صارفین کی جانب سے شدید ردعمل سامنے آیا۔ بہت سے لوگوں نے اسے ‘باڈی شیمنگ‘ یعنی جسمانی ساخت پر شرمندہ کرنے کے مترادف قرار دیا۔
ایک صارف نے تبصرہ کیا، ‘یہ ٹرینڈ لوگوں کو کمتر محسوس کرانے جیسا ہے۔‘
ٹک ٹاک کی معروف صارف ‘Sadiebass16‘ نے بھی اس فلٹر پر تنقید کرتے ہوئے کہا، ‘سوچیں کہ آپ اس ایپ پر صرف موجود ہونا چاہتے ہیں، اور پھر دیکھتے ہیں کہ ہزاروں لوگ ایک ایسا فلٹر استعمال کر رہے ہیں جو آپ جیسے جسم کو منفی انداز میں ظاہر کرتا ہے۔ اور تبصرے آتے ہیں کہ ‘اوہ، یہ کیسا ہو گا؟’۔ بہت سے لوگ اس کا اندازہ کر سکتے ہیں کیونکہ وہ اسی جسم کے ساتھ جی رہے ہیں۔‘
نوجوانوں کے لیے ایک صحت و تندرستی کی ایپ ‘Luna‘ نے بھی فلٹر کو تنقید کا نشانہ بنایا اور کہا کہ یہ ‘غیر صحت مند خوبصورتی کے معیارات کو فروغ دیتا ہے۔‘
مزیدپڑھیں:شردھا کپور کی ان دیکھی جھلک صارفین کو دنگ کرگئی
ذریعہ: Daily Ausaf
پڑھیں:
شردھا کپور کی ان دیکھی جھلک صارفین کو دنگ کرگئی
ممبئی(شوبز ڈیسک)’استری 2‘ کی اداکار شردھا کپور کی ادھار کارڈ کے بعد اب ماضی کی ایسی تصویر منظر عام پر آگئی ہے جسے دیکھ کر آنکھوں پر یقین کرنا مشکل ہوجائے گا۔
بلاشبہ اداکاری میں اپنی مثال آپ شردھا کپور اپنے کیرئیر میں کئی فلموں کا حصہ بن کر انہیں کامیابی سے ہمکنار کرواچکی ہیں، شردھا کپور نے اپنی فلمی کیریئر کا آغاز 20 کی دہائی کے اوائل میں کیا تھا۔ ان کی معصوم مسکراہٹ، سادگی، اور شاندار اداکاری نے جلد ہی انہیں مداحوں کا پسندیدہ بنا دیا۔
اور پھر 2013 میں جب وہ عاشقی 2 میں “آروہی” کے کردار میں جلوہ گر ہوئیں، تو ناظرین ان پر فدا ہوگئے۔ اور پھر 10 سال بعد 2024 میں، جب وہ ’استری 2‘ میں نظر آئیں تو مداحوں نے بالکل ویسی ہی محبت کا اظہار کی جیسے ہمیشہ سے کرتے آئے تھے۔
اور صرف اداکاری تک ہی بات محدود نہیں رہی بلکہ شردھا کپور کی مقبولیت کی دوسری وجہ انکا اپنے مداحوں کے ساتھ بات چیت کرنا اور اپنے مضحکہ خیز ون لائنرز سے تفریح کا ذریعہ بننا بھی ہے۔
اور پھر سوشل میڈیا اپیئرنس بھی شردھا کی مقبولیت کا ایک بڑا ذریعہ ہے جہاں وہ مزے مزے کی پوسٹس سے اپنے مداحوں کو محظوظ کیے رکھتی ہیں۔
لیکن کیا کوئی یہ سوچ سکتا تھا کہ خوبصورتی میں اپنی مثال آپ شردھا کپور ماضی میں کیسی دکھتی ہونگی؟
اگر نہیں تو پھر سوشل میڈیا پر وائرل ایک ایسی ہی فوٹو پر نظر ڈالتے ہیں جس نے ہر دیکھنے والوں کو ورطہ حیرت میں مبتلا کردیا۔
قبل ازیں سوشل میڈیا پر اداکارہ کی ادھار کارڈ یعنی ‘شناختی کارڈ‘ کی فوٹو منظر عام پر آئی اور اب اسکول کے زمانے کی شردھا کو دیکھ کر صارفین جیسے دنگ ہی رہ گئے۔
38 سالہ اداکارہ شردھا کپور کی ریڈٹ پر ایک تصویر گردش کررہی ہے جو دیکھنے میں انکے اسکول کے زمانے کی لگتی ہے۔
یہ تصویر شاید ان کے اسکول کے آخری دن کی ہے، کیونکہ ان کے سفید یونیفارم اور چہرے پر قلم کی روشنائی کے نشانات نظر آرہے ہیں۔اور ساتھ ہی ان کے دوستوں نے ان کی یونیفارم پر کئی پیغامات لکھے، جن میں سے کچھ پڑھنا مشکل ہے، لیکن دو واضح الفاظ نظر آ رہے ہیں:’Love Sahu’ اور ’always love you‘
مداحوں کی جانب سے دلچسپ تبصرے کیے جا رہے ہیں، اور کچھ تو یہاں تک کہہ رہے ہیں کہ،’شردھا کا ڈرماٹولوجسٹ کا نمبر دے دو!’۔
صارفین کا ماننا ہے کہ شردھا آج بھی ویسے ہی نظر آتی ہیں جیسے وہ اسکول کے زمانے میں دکھتی تھیں۔
ورک فرنٹ کی بات کریں تو اداکارہ شردھا کپور نے ہارر فلم ’استری 2’ کے بعد ابھی تک اپنی اگلی فلم کا باضابطہ اعلان نہیں کیا، لیکن خبروں کے مطابق وہ جلد ’استری 3‘، ’دھوم 4‘ ، ’کِرش 4‘ اور ’ناگن‘ جیسی بڑی فلموں میں نظر آئیں گی۔
مزیدپڑھیں:بھارتی خاتون باکسر نے پولیس اسٹیشن میں شوہر کو کوٹ ڈالا
مکران ڈویژن میں تھیلیسیمیا کے مرض کا روایتی ’’علاج‘‘