عمران خان نے میرے مؤقف کی تائید کی ہے، سلمان اکرم راجہ
اشاعت کی تاریخ: 25th, March 2025 GMT
راولپنڈی:
بیرسٹر سلمان اکرم راجہ نے دعویٰ کیا ہے کہ بانی پی ٹی آئی نے میڈیا سے گفتگو نہ کرنے سے متعلق اُن کے مؤقف کی تائید کی ہے۔
ایکسپریس نیوز کے مطابق راولپنڈی بیرسٹر سلمان اکرم راجہ، نیاز اللہ نیازی و دیگر وکلاء کی بانی پی ٹی آئی سے ملاقات ختم ہوگئی جس کے بعد بیرسٹر سلمان اکرم راجہ کی صحافیوں سے غیر رسمی گفتگو کی۔
انہوں نے مختصر اور غیر رسمی گفتگو میں کہا کہ ہماری بانی سے ملاقات ہوئی ہے،بانی کی بہنوں کو ملاقات کی اجازت نہیں ملی، بہنوں کی ملاقات نہ کرانے پر توہین عدالت کی درخواست دائر کرینگےْ
سلمان اکرم راجہ نے کہا کہ بانی کو ملاقاتوں کے حوالے سے عدالتی کاروائی سے متعلق آگاہ کیا ہے، بانی کو بتایا ہے ہمارے لئے ملاقات ضروری ہے میڈیا سے گفتگو کہیں بھی ہوسکتی ہے تو بانی نے میرے موقف کی تائید کی ہے۔
سلمان اکرم راجہ نے بابر اعوان کا نام لیے بغیر کہا کہ جیل میں کچھ ملاقاتیں اوپر سے کرائی جارہی ہیں، اس حوالے سے بانی کو آگاہ کیا کہ اس سے پارٹی کا نظم و ضبط خراب ہوتا ہے۔
.ذریعہ: Express News
کلیدی لفظ: سلمان اکرم راجہ
پڑھیں:
بابر اعوان کو عمران خان سے ملاقات کی اجازت ملنے پر پی ٹی آئی کا جیل عملے سے تنازع
پاکستان تحریک انصاف کے بانی عمران خان اور ان کی اہلیہ بشریٰ بی بی سے بابر اعوان کو ملاقات کی اجازت ملنے پر تنازع کھڑا ہوگیا۔
پی ٹی آئی کے سیکریٹری جنرل سلمان اکرم راجا نے جیل عملے کے سامنے سوال اٹھایا کہ ہم نے عمران خان سے ملاقات کے لیے جو لسٹ دی تھی اس میں بابر اعوان کو نام نہیں تھا، آپ ڈسپلن قائم کریں۔
یہ بھی پڑھیں فارم 45 کی تحقیقات کے لیے جوڈیشل کمیشن قائم کیا جائے، بابر اعوان
سلمان اکرم راجا نے کہاکہ عمران خان سے ملاقات کے لیے صرف انہی افراد کو بھیجا جائے جن کی لسٹ ہماری طرف سے دی گئی ہے۔
پی ٹی آئی سیکریٹری جنرل نے کہاکہ بشریٰ بی بی کی جانب سے سلمان صفدر اور عثمان گل کے نام شامل کیے جائیں، ملاقات کا معاملہ ہائیکورٹ میں طے ہوچکا، اس پر عمل کرنا ہوگا۔
جیل انتظامیہ نے عمران خان سے ملاقات کے لیے بابر اعوان، نیازی اللہ نیازی، سلمان اکرم راجا، ظہیر عباس چوہدری، نعیم حیدر پنجوتھا، سلمان صفدر کو ملاقات کی اجازت دی۔
جیل عملے نے کہاکہ ہماری جانب سے تمام رہنماؤں کے نام بھجوائے گئے تھے، تاہم جن کو اجازت ملی ان کے ناموں سے آگاہ کردیا۔
اس موقع پر سلمان اکرم راجا نے جیل عملے سے کہاکہ بابر اعوان کا نام تو ہم نے دیا ہی نہیں، وہ آپ نے کیسے شامل کرلیا، اگر بابر اعوان کو اندر بھیجا گیا تو میں احتجاج کروں گا۔
یہ بھی پڑھیں فیکٹ چیک: جیل میں عمران خان کو دستیاب سہولیات پر بابر اعوان کا موقف حقائق کے برخلاف کیوں؟
اس پر جیل عملے نے سلمان اکرم راجا کو جواب دیا کہ آپ پہلے جا کر ملاقات کرلیں، ہم بابر اعوان کو روک لیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل بابر اعوان بشریٰ بی بی پاکستان تحریک انصاف پی ٹی آئی تنازع سلمان اکرم راجا عمران خان ملاقات کی اجازت وی نیوز
مکران ڈویژن میں تھیلیسیمیا کے مرض کا روایتی ’’علاج‘‘