رمضان المبارک کے دوران مسجدِ نبوی کے میناروں پر سرخ روشنی کیوں جلائی جاتی ہے؟جانیں
اشاعت کی تاریخ: 25th, March 2025 GMT
رمضان المبارک کے دوران کبھی آپ مسجدِ نبوی گئے ہوں تو آپ نے مغرب کے وقت اس کے مینار پر سرخ روشنی ضرور دیکھی ہو گی۔
کیا آپ کو معلوم ہے کہ مدینہ منورہ بالخصوص مسجدِ نبوی میں جہاں ہر جانب سبز رنگ نمایاں ہے ایسے میں رمضان المبارک کے دوران مسجدِ نبوی کے میناروں پر سرخ روشنی کیوں جلائی جاتی ہے؟
اگر یہ نہیں جانتے تو پریشان نہ ہوں ہم آپ کو اس کا راز بتاتے ہیں۔یہ تو آپ جانتے ہی ہیں کہ اسلامی ممالک میں رمضان المبارک روایتی انداز میں منایا جاتا ہے۔اس ماہِ میں سحری و افطاری کے وقت سپیکروں پر سائرن کی آواز بھی آپ لازمی سنتے ہوں گے، جسے سن کر روزہ سحری و افطار کے وقت کا اندازہ لگایا جاتا ہے۔
ماضی میں ماہِ صیام میں ’توپ‘ کے ذریعے افطاری کا اعلان کیا جاتا تھا، رمضان المبارک کے دوران مسجدِ نبوی کے میناروں پر نظر آنے والی سرخ روشنی بھی اسی کا سلسلہ ہے۔
دراصل مسجدِ نبوی کے وسیع و عریض صحن اور اطراف کے محلے میں رمضان المبارک کے دوران افطار کرنے والے روزے داروں کے لئے اس روشنی اور روشنی کے ساتھ توپ داغنے کا اہتمام کیا جاتا ہے تاکہ سب کو افطار کے وقت کا درست اندازہ ہو جائے اور مغرب کا وقت ہوتے ہی روزے دار اذان کا انتظار کئے بغیر ہی افطار کر لیں۔
.ذریعہ: Daily Ausaf
کلیدی لفظ: رمضان المبارک کے دوران نبوی کے کے وقت
پڑھیں:
اندھیرے اور روشنی کی مقدار
اڑھائی گھنٹے تک سینما ہال میں بھلا کون نیند پوری کرنے جاتا ہے، اوپر سے رمضان کریم کی رحمتوں والا مہینہ ہو۔ اس کے باوجود ایک دوست کے اصرار پر فلم دیکھنے جانا پڑا۔ یہ انڈین فلم تھی جس کا ’’پنٹو پانڈو‘‘ یا شائد اس سے ملتا جلتا کوئی نام تھا اور پورے ہال میں ہم گنتی کے چار ٹوٹرو تھے۔ جو بھلے مانس مجھےسینما ہال لے کر آیا تھا، فلم کی گھن گرج کے باوجود وہ جاتے ہی خراٹے لینے لگا اور میں پوری ایمانداری کے ساتھ اپنے سیل فون پر مطالعہ کرنے میں مصروف ہو گیا۔
فلم کا وقفہ ہوا تو میں نے دیکھا کہ دوسرے دونوں(بندہ اور بندی) فلم کے وقفے کے بعد واپس نہیں مڑے۔ ابھی فلم کو دوبارہ شروع ہوئے پندرہ بیس منٹ ہی گزرے تھے جب حسین مدثر کی آنکھ کھلی تو وہ اٹھ کھڑے ہوئے اور مجھ سے مخاطب ہو کر کہا، ’’چلیں‘‘ میں تذبذب میں پڑ گیا۔ میں فلم ختم ہونے تک بیٹھا چاہتا تھا مگر پوری توجہ سے فلم کو میں بھی نہیں دیکھ رہا تھا۔ میرے مطالعہ اور فلم بینی میں آنکھ مچولی چلتی رہی تھی۔ خیر میں نے دوسری سیٹ پر پڑے اپنے دونوں موبائل فون جیب میں ٹھونسے اور ہم دونوں باہر آگئے۔
اس سینما ہال کے بڑے دروازے سے باہر آنے سے پہلے میں نے واپس مڑ کر دیکھا تو فلم چل رہی تھی اور اس کی آواز ہال سے باہر بھی آ رہی تھی مگر فلم کو دیکھنے والا کوئی فلم بین سینما ہال میں موجود نہیں تھا۔ اسی سینما میں پانچ سال پہلے بھی ہم یہ تین بجے دن والا شو دیکھنے چلے گئے تھے اور پورے ہال میں وہ فلم دیکھنے والے صرف ہم تین دوست تھے۔ اس وقت رمضان شریف کا مہینہ نہیں تھا۔ ہم فلم کی بوریت سے بچنے کے لئے پاپ کارن اور ریڈ بل پیتے رہے تھے۔ اس دفعہ اضافی تجربہ یہ ہوا کہ جب ہم دونوں سینما ہال میں داخل ہونے لگے تو ہال کے اندر گھپ اندھیرا تھا۔ اتفاق سے چھت کی دیواروں کی ہلکی ایل ای ڈی لائٹس بھی بند تھیں۔ ہم نے ہال کے مین دروازے کو جونہی کھول کر اندر داخل ہونے کی کوشش تو اندھیرا اس قدر گہرا تھا کہ ہم دونوں نے ایک انجانی سی تنہائی محسوس کی اور ڈر گئے۔ جب میں نے آگے قدم رکھنے کی کوشش تو مجھے محسوس ہوا کہ میں نے اگر دوسرا قدم بھی آگے بڑھایا تو شائد میں کسی گہرے کنویں میں گر جائوں گا۔ موبائل فونز کی لائٹیں جلا کر آگے بڑھے، ہانپتے کانپتے اپنی سیٹوں پر تو پہنچ گئے۔ لیکن شدت کا اندھیرا ابھی بھی مجھے خوفزدہ کر رہا تھا۔فطرت نے کائنات میں اندھیرے اور اجالے کی برابر مقدار پیدا کی ہے۔ اگر ہم پوری کائنات کو بھی مصنوعی روشنیوں سے بھر دیں تو تب بھی دنیا میں اندھیرے کے مقابلے میں روشنی کی مقدار بڑھ نہیں سکتی ہے۔ سائنس کے مطابق کائنات کے کچھ مقامات پر اتنا زیادہ اور گہرا اندھیرا ہے کہ وہاں ہم اس سادہ جسم اور دل کے ساتھ داخل ہوں تو ہمارے دل اندھیرے کے دبائو اور خوف کی وجہ سے پھٹ جائیں گے، لیکن اس کے برعکس اگر ہم وہاں خود کو کسی طرح زندہ رکھ سکیں تو ہم اندھیرے میں رہ کر انتہائی حد تک گہری سوچ میں غوطہ زن ہو سکتے ہیں۔اس بار فلم دیکھنے اور اس سے کچھ سیکھنے سے زیادہ اندھیرے کے بارے سوچنے میں زیادہ دلچسپی محسوس ہوئی۔ آپ نے نوٹ کیا ہو گا کہ ہم اکثر روشنی بجھا کر سوتے ہیں تو سونے سے پہلے اندھیرے کے دوران اتنے ہی گہرے اور تخلیقی خیالات دماغ میں آتے جتنا گہرا اندھیرا ہوتا ہے، اور اندھیرے ہی میں ہم زیادہ گہری نیند سوتے ہیں اور خواب بھی گہری نیند میں آتے ہیں۔ اب معلوم نہیں کہ ہمارے سوچنے کا اندھیرے سے کیا تعلق ہے اور اندھیرے میں ہمارے محسوس کرنے کی طاقت کیوں اور کیسے بڑھ جاتی ہے؟ شائد اندھیرے میں خطرہ محسوس کر کے ہمارے دماغ کے کچھ سیلز بیدار ہو جاتے ہیں۔ مقولہ مشہور ہے کہ، ’’اتنا اندھیرا تھا کہ ہاتھ کو ہاتھ دکھائی نہیں دیتا تھا۔‘‘ بعض دفعہ اندھیرا اتنا گہرا ہوتا ہے کہ ہم خود کو بھی دیکھ نہیں سکتے ہیں مگر صرف محسوس کر سکتے ہیں۔ جب اندھیرے میں ہمارا تخیل تیز تر ہو جاتا ہے تو ہمارے محسوس کرنے کی حس بھی بڑھ جاتی ہے۔ اڑھائی گھنٹے کی پوری فلم دیکھنے سے کچھ سیکھنے سے زیادہ اندھیرے میں دماغ میں ابھرنے والے یہ خیالات کئی گنا زیادہ اہم نکلے۔ہمارے معاشرے کے بہت سے لوگوں کی زندگیوں میں اندھیرا بھرا ہوا ہوتا ہے۔ وہ زندگی میں کوئی کام سوچ سمجھ کرتے ہیں اور نہ اپنے اندر پائے جانے والے اس اندھیرے سے کوئی فائدہ اٹھا کر دماغی طور پر بیدار ہوتے ہیں۔ کہا جاتا ہے کہ کچھ لوگ روشنی سے ڈرتے ہیں۔ اسی طرح کچھ لوگ اندھیرے سے بھی ڈرتے ہیں۔ لیکن میرے خیال میں فائدہ مند وہی لوگ ہیں جو اندھیرے سے ڈرتے ہوں۔ روشنی کی طرف سفر کرنے کے لئے اندھیرے سے ڈرنا چایئے۔ یاد رکھیں روشنی انہی لوگوں کی زندگیوں میں آتی ہے جو روشنی اور اندھیرے کے اس فرق کو سمجھ جاتے ہیں، کیونکہ اندھیرے میں رہنے اور اندھیرے سے ڈرنے میں کوسوں کا فرق ہے۔ ہماری زندگی کی فلم ایک اندھیری رات کی کہانی ہے۔ جو لوگ اپنی زندگیوں میں روشنی بھرنا چاہتے ہیں وہ اندھیرے کے محسوسات کو سمجھیں۔ زندگی میں روشنی وہی پاتے ہیں جو دوسروں کی زندگیوں سے اندھیرے ختم کرتے ہیں۔ اندھیرا اور اجالا غم اور خوشی کا دوسرا نام ہیں۔ شمع خود کو اندھیرے میں جلاتی ہے تو روشنی کرتی ہے۔ دنیا سے اندھیرے ختم کرنے اور انہیں کائنات کے کسی دوسرے مقامات تک دھکیلنے کے لئے قربانی دینا اور جلنا سیکھیں۔ دنیا میں روشنی اور اندھیرے کی مقدار برابر ہے۔ آپ جتنے پسماندہ ہیں اور جتنا اندھیرے میں ہیں لگن اور محنت سے کام لیں گے تو اسی مقدار کے برابر ہے آپ کی زندگی روشنی سے جگمگانے لگے گی۔
بدقسمتی سے پاکستان میں کال سینٹر انڈسٹری کے حوالے سے تربیت کا قفدان ہے