خیبرپختونخوا میں کتنے افغان شہری موجود ہیں
اشاعت کی تاریخ: 25th, March 2025 GMT
وفاقی وزرات داخلہ نے خیبرپختونخوا میں افغان شہریوں کی موجودگی سے متعلق کے پی حکومت سے تفصیلات طلب کرلی ہیں۔ذرائع کے مطابق کتنی تعداد میں کے پی سے افغان شہریوں کو واپس بھیجا گیا؟ اور افغان شہریوں کے انخلا سے متعلق اقدامات کی بھی رپورٹ طلب کرلی گئی ہے۔اس کے علاوہ افغان باشندوں کی تعداد اور ان کے تازہ ترین اسٹیٹس سے متعلق بھی تفصیلات مانگی گئی ہیں۔ذرائع نے مزید بتایا کہ 31 مارچ سے افغان سیٹیزن کارڈ ہولڈرز بھی غیرقانونی تصور کیے جائیں گے.
ذریعہ: Nawaiwaqt
پڑھیں:
افغان مہاجرین کو واپسی کی مہلت میں 6 روز باقی، وزارت داخلہ نے کے پی میں زیرتعلیم افغان طلبہ کا ریکارڈ طلب کرلیا
پاکستان میں قانونی اور غیرقانونی طور پر رہائش پذیر افغان مہاجرین کو واپسی کے لیے 31 مارچ تک کی مہلت دی گئی ہے، جس میں 6 روز باقی ہے اور اب وفاقی وزارت داخلہ نے خیبرپختونخوا حکومت سے افغان طلبہ کا ریکارڈ بھی طلب کرلیا ہے۔
یہ بھی پڑھیں طالبان حکومت افغان طالبات کو پاکستان میں تعلیم حاصل کرنے کی مشروط اجازت دینے پر رضامند
میڈیا رپورٹس کے مطابق وفاقی وزارت داخلہ کے فارن نیشنل سیکیورٹی سیل نے سیکریٹری داخلہ خیبرپختونخوا کو خط لکھا ہے، جس میں کہا گیا ہے کہ افغان طلبا کا ریکارڈ فراہم کیا جائے۔
وفاقی وزارت داخلہ نے خط میں لکھا ہے کہ فارن نیشنل سیکیورٹی سیل کی جانب سے غیرملکیوں سے متعلق ڈیش بورڈ کو اپ ڈیٹ کیا جارہا ہے، لہٰذا صوبے میں زیرتعلیم تمام افغان طلبہ کا ریکارڈ 27 مارچ تک فراہم کیا جائے۔
واضح رہے کہ حکومت پاکستان نے تمام افغان مہاجرین کو ہدایت کررکھی ہے کہ وہ 31 مارچ تک پاکستان چھوڑ دیں۔
وفاقی وزارت داخلہ نے افغان مہاجرین کے علاوہ غیرقانونی طور پر مقیم تمام غیرملکیوں کو ہدایت کی ہے کہ وہ 31 مارچ تک پاکستان سے نکل جائیں ورنہ ملک بدر کردیا جائےگا۔
یہ بھی پڑھیں افغان سرحد پر وہ اقدامات نہیں کیے گئے جو کرنے چاہییں تھے، وزیراعلیٰ خیبرپختونخوا
یہاں یہ بھی واضح رہے کہ جو افغان بیرون ملک جانے کے منتظر ہیں، اور ان کا ویزا پراسیس میں ہے وہ جون تک پاکستان میں رہ سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغان طلبا افغان مہاجرین پاکستان حکومت پاکستان خیبرپختونخوا ریکارڈ طلب ملک بدری واپسی وزارت داخلہ وی نیوز
مکران ڈویژن میں تھیلیسیمیا کے مرض کا روایتی ’’علاج‘‘