افغان مہاجرین کو واپسی کی مہلت میں 6 روز باقی، وزارت داخلہ نے کے پی میں زیرتعلیم افغان طلبہ کا ریکارڈ طلب کرلیا
اشاعت کی تاریخ: 25th, March 2025 GMT
پاکستان میں قانونی اور غیرقانونی طور پر رہائش پذیر افغان مہاجرین کو واپسی کے لیے 31 مارچ تک کی مہلت دی گئی ہے، جس میں 6 روز باقی ہے اور اب وفاقی وزارت داخلہ نے خیبرپختونخوا حکومت سے افغان طلبہ کا ریکارڈ بھی طلب کرلیا ہے۔
یہ بھی پڑھیں طالبان حکومت افغان طالبات کو پاکستان میں تعلیم حاصل کرنے کی مشروط اجازت دینے پر رضامند
میڈیا رپورٹس کے مطابق وفاقی وزارت داخلہ کے فارن نیشنل سیکیورٹی سیل نے سیکریٹری داخلہ خیبرپختونخوا کو خط لکھا ہے، جس میں کہا گیا ہے کہ افغان طلبا کا ریکارڈ فراہم کیا جائے۔
وفاقی وزارت داخلہ نے خط میں لکھا ہے کہ فارن نیشنل سیکیورٹی سیل کی جانب سے غیرملکیوں سے متعلق ڈیش بورڈ کو اپ ڈیٹ کیا جارہا ہے، لہٰذا صوبے میں زیرتعلیم تمام افغان طلبہ کا ریکارڈ 27 مارچ تک فراہم کیا جائے۔
واضح رہے کہ حکومت پاکستان نے تمام افغان مہاجرین کو ہدایت کررکھی ہے کہ وہ 31 مارچ تک پاکستان چھوڑ دیں۔
وفاقی وزارت داخلہ نے افغان مہاجرین کے علاوہ غیرقانونی طور پر مقیم تمام غیرملکیوں کو ہدایت کی ہے کہ وہ 31 مارچ تک پاکستان سے نکل جائیں ورنہ ملک بدر کردیا جائےگا۔
یہ بھی پڑھیں افغان سرحد پر وہ اقدامات نہیں کیے گئے جو کرنے چاہییں تھے، وزیراعلیٰ خیبرپختونخوا
یہاں یہ بھی واضح رہے کہ جو افغان بیرون ملک جانے کے منتظر ہیں، اور ان کا ویزا پراسیس میں ہے وہ جون تک پاکستان میں رہ سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغان طلبا افغان مہاجرین پاکستان حکومت پاکستان خیبرپختونخوا ریکارڈ طلب ملک بدری واپسی وزارت داخلہ وی نیوز.ذریعہ: WE News
کلیدی لفظ: افغان طلبا افغان مہاجرین پاکستان حکومت پاکستان خیبرپختونخوا ریکارڈ طلب ملک بدری واپسی وزارت داخلہ وی نیوز وفاقی وزارت داخلہ وزارت داخلہ نے افغان مہاجرین کا ریکارڈ مارچ تک
پڑھیں:
وزارت داخلہ نے اسٹار لنک کو کلیئرنس دے دی، لائسنس بھی جاری
وزارت داخلہ نے اسٹار لنک کو پاکستان میں کام کرنے کے لیے کلیئرنس دے دی ہے اور اسپیس ریگولیٹری بورڈ نے این او سی بھی جاری کردیا ہے۔
اسٹار لنک نے اب آخری مرحلہ پاکستان ٹیلی کمیونی کیشن اتھارٹی سے رجسٹریشن لینی ہے، پی ٹی اے کی جانب سے لائسنس کے اجرا کے بعد کمپنی پاکستان میں باقاعدہ اپنی سروسز کا آغاز کرسکے گی۔
یہ بھی پڑھیں: اسٹار لنک کو پاکستان میں عارضی این او سی مل گیا
کمپنی کو پی ٹی اے کو 6 لاکھ 40 ہزار امریکی ڈالر کی لائسنسنگ فیس ادا کرنی ہوگی، پی ٹی اے حکام کے مطابق اسٹار نے اپنے تکنیکی اور مالیاتی منصوبوں کے ساتھ پہلے ہی لائسنس کے لیے اپنی درخواست اور مطلوبہ دستاویزات جمع کروا رکھی ہیں، جن کا جائزہ لیا جارہا ہے۔
پی ی اے کے مطابق اسٹار لنک کی سروسز موجودہ نیٹ ورک میں کسی قسم کا خلل پیدا نہیں کریں گی۔
لائسنس ملنے کے بعد اسٹار لنگ پاکستانی صارفین سے اپنی انٹرنیٹ سروسز کے لیے درخواستیں وصول کرنا شروع کردے گی۔ مزید برآں، کمپنی کو ملک بھر میں اپنے آلات نصب کرنے کی اجازت ہوگی۔
یہ بھی پڑھیں: اسٹار لنک کی پاکستان میں رجسٹریشن، ایلون مسک کی معافی سے مشروط کیوں؟
اسٹار لنک پاکستان میں 2 سے 3 گراؤنڈ اسٹیشن قائم کرنے کا ارادہ رکھتی ہے تاکہ اس کے آپریشنز کو اسپورٹ مل سکے۔
کمپنی نے پاکستان میں رجسٹریشن کے حوالے سے 3 مراحل مکمل کرلیے ، پاکستان میں یکم جون 2022 میں کمپنی کی رجسٹریشن کروائی گئی تھی اورایس ای سی پی اور پاکستان سافٹ وئیر ایکسپورٹ بورڈ سے رجسٹریشن حاصل کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپیس ریگولیٹری بورڈ اسٹار لنک ایلون مسک پاکستان پی ٹی اے لائسنس وزارت داخلہ
مکران ڈویژن میں تھیلیسیمیا کے مرض کا روایتی ’’علاج‘‘