بڑی خؤشخبری ، عید الفطر پر افسران اور ملازمین کو بونس دینے کا اعلان
اشاعت کی تاریخ: 25th, March 2025 GMT
عید الفطر کے موقع پر افسران اور ملازمین کو بونس دینے کا فیصلہ کرلیا گیا ، تاہم یہ کن ملازمین کو ملے گا ، اس حوالے سے اہم خبر آگئی۔
تفصیلات کے مطابق لاہور الیکٹرک سپلائی کمپنی نے عید الفطر 2025 کے موقع پر اپنے افسران اور ملازمین کو بونس دینے کا فیصلہ کیا ہے۔
کمپنی کی جانب سے جاری کردہ نوٹیفکیشن میں کہا گیا ہے کہ بنیادی تنخواہ بطور بونس دی جائے گی، یومیہ اجرت، کنٹریکٹ اور ریگولر افسران اور ملازمین کو بونس ملے گا۔
اس میں مزید کہا گیا کہ ایف آئی اے اور قومی احتساب بیورو (نیب) میں مقدمات کا سامنا کرنے والوں کو کوئی بونس نہیں دیا جائے گا۔
بونس کا نوٹیفکیشن بورڈ آف ڈائریکٹرز کی منظوری سے جاری کر دیا گیا ہے۔
اس سے قبل وفاقی حکومت نے تمام سرکاری دفاتر کے لیے عیدالفطر کی تین چھٹیوں کا اعلان کیا تھا، ایک نوٹیفکیشن میں 31 مارچ پیر سے 2 اپریل بدھ تک تعطیلات کا اعلان کیا۔
.ذریعہ: Daily Ausaf
کلیدی لفظ: افسران اور ملازمین کو بونس
پڑھیں:
سندھ میں ملازمین کو عید کی تعطیلات کے ساتھ ایک دن کی مزید چھٹی مل گئی
کراچی ( اُردو پوائنٹ اخبارتازہ ترین۔ 24 مارچ 2025ء ) صوبہ سندھ میں ملازمین کو عیدالفطر کی تعطیلات کے ساتھ ایک دن کی مزید چھٹی مل گئی۔ تفصیلات کے مطابق پاکستان پیپلزپارٹی کی سندھ حکومت کی جانب سے سابق وزیر اعظم اور صوبے کی حکمران جماعت کے بانی ذوالفقار علی بھٹو کی برسی کے موقع پر 4 اپریل کو صوبے بھر میں عام تعطیل کا اعلان کیا گیا ہے، اس حوالے سے صوبائی حکومت نے نوٹی فکیشن بھی جاری کردیا، جس کے تحت صوبہ سندھ کے تمام سرکاری دفاتر، خود مختار ادارے اور تعلیمی ادارے 4 اپریل کو بند رہیں گے۔ بتایا گیا ہے کہ سندھ حکومت نے ملک بھر کی طرح صوبے میں عید الفطر کی تعطیلات کا بھی اعلان کردیا ہے، چیف سیکرٹری آصف حیدر شاہ کی جانب سے جاری نوٹیفکیشن میں صوبائی حکومت کا کہنا ہے کہ عید الفطر پر تین تعطیلات کا اعلان کیا گیا ہے جو پیر 31 مارچ سے بدھ 2 اپریل تک ہوں گی، اس دوران تمام سرکاری اور نیم سرکاری دفاتر بند رہیں گے، اس سے قبل وفاقی حکومت کی جانب سے بھی عید الفطر پر 3 تعطیلات کا اعلان کیا جاچکا ہے۔(جاری ہے)
علاوہ ازیں ملک میں عیدالفطر کیلئے تعلیمی اداروں میں تعطیلات کا بھی اعلان کیا گیا ہے اور اس حوالے سے باقاعدہ نوٹی فکیشن بھی جاری ہوگیا، وفاقی وزارت تعلیم کی جانب سے جاری کردہ نوٹی فکیشن میں کہا گیا ہے کہ سرکاری تعلیمی اداروں میں تعطیلات 31 مارچ سے 4 اپریل تک ہوں گی اور نئے تعلیمی سیشن کا آغاز 7 اپریل سے ہوگا، اسی طرح حکومتِ پنجاب نے بھی صوبے میں عیدالفطر کی تعطیلات کے حوالے سے نوٹی فکیشن جاری کردیا، جس کے تحت صوبے بھر کے تعلیمی ادارے عیدالفطر کے موقع پر 31 مارچ سے 2 اپریل تک 3 دن کے لیے بند رہیں گے اور پنجاب میں عید کے بعد 4 اپریل سے تعلیمی ادارے دوبارہ کھل جائیں گے۔
بدقسمتی سے پاکستان میں کال سینٹر انڈسٹری کے حوالے سے تربیت کا قفدان ہے