آئی سی سی ایلیٹ پینل آف امپائرز میں مزید دو امپائرز شامل
اشاعت کی تاریخ: 25th, March 2025 GMT
کراچی:
آئی سی سی نے ایلیٹ پینل آف امپائرز میں مزید دو امپائرز کو شامل کرلیا۔
جنوبی افریقا کے علاءالدین پالیکر اور انگلینڈ کے ایلیکس وہارف کو مائیکل گف اور جوئیل ولسن کی جگہ ایلیٹ پینل میں شامل کیا گیا ہے، یہ تقرریاں امپائرنگ کے معیار کو مزید بہتر بنانے اور بین الاقوامی کرکٹ میں بہترین امپائرز کو مواقع فراہم کرنے کے لیے کی گئی ہیں۔
علاءالدین پالیکر جنوبی افریقا کے سابق فرسٹ کلاس کرکٹر ہیں جو اب تک 4 ٹیسٹ، 23 ون ڈے اور 67 ٹی ٹوئنٹی میچز میں امپائرنگ کے فرائض انجام دے چکے ہیں۔ اس کے علاوہ وہ 17 خواتین کے بین الاقوامی میچز میں بھی خدمات انجام دے چکے ہیں اور حالیہ ٹی 20 ورلڈ کپ 2024 اور انڈر 19 ورلڈ کپ 2024 میں بھی امپائرنگ کر چکے ہیں۔
ایلیکس وہارف نے انگلینڈ کی جانب سے 13 ون ڈے انٹرنیشنل میچز کھیلنے کے بعد امپائرنگ میں قدم رکھا۔ وہ اب تک 7 ٹیسٹ، 33 ون ڈے اور 45 ٹی ٹوئنٹی انٹرنیشنل میچز میں امپائرنگ کر چکے ہیں۔ وہ 2024 کے مردوں اور خواتین کے ورلڈ کپ، ٹی 20 ورلڈ کپ اور 2025 کی چیمپئنز ٹرافی جیسے بڑے ایونٹس میں بھی شامل رہے ہیں۔
آئی سی سی چیئرمین جے شاہ نے پالیکر اور وہارف کو مبارکباد دیتے ہوئے کہا کہ ایلیٹ پینل کا حصہ بننا ایک اعزاز کے ساتھ ساتھ بڑی ذمے داری بھی ہے، ہمیں یقین ہے کہ یہ دونوں امپائرز اپنی صلاحیتوں کا بھرپور مظاہرہ کریں گے۔
علاءالدین پالیکر نے اپنی تقرری پر خوشی کا اظہار کرتے ہوئے کہا کہ یہ ان کے کیریئر کا ایک بڑا لمحہ ہے جس پر وہ فخر محسوس کرتے ہیں۔ انہوں نے اپنی کامیابی کا سہرا اپنے والد، اساتذہ، دوستوں اور ساتھیوں کو دیا جنہوں نے ہمیشہ ان کا ساتھ دیا۔
ایلیکس وہارف نے بھی اس موقع پر آئی سی سی اور انگلینڈ کرکٹ بورڈ کا شکریہ ادا کرتے ہوئے کہا کہ انہیں اپنے ساتھیوں کی رہنمائی اور مدد کے بغیر یہ اعزاز حاصل نہ ہوتا۔
آئی سی سی کے 2025-26 کے لیے ایلیٹ پینل آف امپائرز میں پاکستان کے احسن رضا سمیت مختلف ممالک کے امپائرز شامل ہیں۔ یہ امپائرز دنیا بھر میں ہونے والے کرکٹ مقابلوں میں اپنی ذمہ داریاں نبھائیں گے۔
.ذریعہ: Express News
پڑھیں:
پاک بنگلادیش سیریز سے ون ڈے میچز غائب، مگر کیوں؟
پاکستان اور بنگلادیش کے درمیان وائٹ بال سیریز سے ون ڈے میچز غائب کردیے گئے۔
تفصیلات کے مطابق پاکستان اور بنگلادیش کرکٹ بورڈز نے آنے والی باہمی سیریز سے ون ڈے میچز کو مکمل طور پر ختم کرنے کا فیصلہ کیا ہے، جس کی تصدیق بورڈ نے بھی کردی ہے۔
اس کی جگہ دونوں بورڈز نے ٹی 20 میچز کھیلنے پر اتفاق کیا تاکہ آئندہ برس فروری میں بھارت اور سری لنکا میں شیڈول ٹی20 ورلڈکپ اور اس سے قبل رواں برس ستمبر میں بھارت کی میزبانی میں مختصر فارمیٹ کے ایشیاکپ کی تیاری ہوسکے۔
مزید پڑھیں: کیا پاکستانی ٹیم بنگلادیش کا دورہ کرے گی؟ بڑی خبر سامنے آگئی
فیوچر ٹور پروگرام کے تحت بنگلادیش کو مئی میں 3 ون ڈے اور اتنے ہی ٹی20 میچز کیلئے پاکستان کا دورہ کرنا تھا، اب ایک روزہ میچز کے بجائے بنگال ٹائیگرز اس ٹور میں 5 ٹی20 میچز کھیلیں گے۔
جولائی میں بنگلادیش کو 3 ون ڈے میچز کیلئے پاکستان کی مجوزہ طور پر میزبانی کرنا تھی مگر اب گرین شرٹس بھی بنگلادیش میں صرف ٹی20 میچز ہی کھیلیں گے۔
مزید پڑھیں: بنگلادیشی کرکٹر تمیم اقبال کو دوران میچ دل کا دورہ، اسپتال داخل
دونوں ملکوں کے درمیان یہ سیریز فیوچر ٹور پروگرام کا حصہ نہیں ہے تاہم دونوں بورڈز نے اس دستیاب ونڈو کو باہمی سیریز سے کارآمد بنانے کا فیصلہ کیا ہے۔
پا
کستان ٹیم اس وقت نیوزی لینڈ سے ٹی 20 سیریز کھیلنے میں مصروف ہے، جس کے بعد دونوں ٹیموں میں 3 ون ڈے میچز کھیلے جائیں گے۔
مزید پڑھیں: پاکستان ٹیم ٹی ٹوئنٹی کی تاریخ میں 10ویں کم ترین ٹوٹل پر آؤٹ
کیوی دیس سے واپسی کے بعد کھلاڑی پاکستان سپر لیگ (پی ایس ایل) میں حصہ لیں گے جو 11 اپریل سے 18 مئی تک شیڈول ہے، پھر گرین شرٹس بنگلادیش ٹیم کی میزبانی کریں گے۔
بدقسمتی سے پاکستان میں کال سینٹر انڈسٹری کے حوالے سے تربیت کا قفدان ہے