کینیڈین انٹیلیجنس سروس کا آئندہ انتخابات میں بھارت کی جانب سے مداخلت کا الزام کیوں؟
اشاعت کی تاریخ: 25th, March 2025 GMT
کینیڈا کی انٹیلیجنس ایجنسی نے دعویٰ کیا ہے کہ بھارت اور چین 28 اپریل کو ملک میں متوقع عام انتخابات میں مداخلت کی کوشش کر سکتے ہیں، جبکہ روس اور پاکستان بھی ایسا کرنے کی صلاحیت رکھتے ہیں۔
میڈیا رپورٹس کے مطابق کینیڈین سیکیورٹی انٹیلی جنس سروس یعنی سی ایس آئی ایس نے یہ ریمارکس ایک ایسے وقت دیے ہیں جب کینیڈا اور بھارت کے دوطرفہ تعلقات ہر لحاظ سے اپنی پست سطح پر ہیں۔
یہ بھی پڑھیں:کینیڈا کے نئے وزیراعظم کی طرف سے ملک میں اچانک عام انتخابات کا اعلان، وجہ کیا بنی؟
اس نوعیت کے خراب تعلقات کے پس پردہ کینیڈین شہریت کے حامل خالصتانی سکھ رہنما ہردیپ سنگھ نجار کے قتل میں بھارت کے ملوث ہونے کے الزامات ہیں جو سابق کینیڈین وزیر اعظم جسٹن ٹروڈو کی جانب سے عائد کیے گئے تھے۔
China and India will likely try to interfere in the Canadian general election on April 28, while Russia and Pakistan have the potential to do so, the country's spy service said.
— The Japan Times (@japantimes) March 25, 2025
میڈیا رپورٹس کے مطابق کینیڈین سیکیورٹی انٹیلی جنس سروس کی ڈپٹی ڈائریکٹر وینیسا لائیڈ نے کہا کہ دشمن ریاستی عناصر انتخابات میں مداخلت کے لیے مصنوعی ذہانت کا تیزی سے فائدہ اٹھا رہے ہیں۔
وینیسا لائیڈ کے مطابق آئندہ انتخابات میں کینیڈا مخالف ریاستیں ملکی جمہوری عمل میں مداخلت کی کوششوں میں آرٹیفیشل انٹیلیجنس سے چلنے والے ٹولز کا استعمال کریں گے۔ ’ہم نے یہ بھی دیکھا ہے کہ بھارتی حکومت کینیڈین کمیونٹیز اور جمہوری عمل میں مداخلت کرنے کا ارادہ اور صلاحیت رکھتی ہے۔‘
مزید پڑھیں:بھارتی نژاد کینیڈین تاجر کے کینیڈا میں خفیہ سرگرمیوں میں ملوث ہونے کا انکشاف
جنوری میں جاری ہونے والی ایک سرکاری تحقیقاتی رپورٹ میں دعویٰ کیا گیا تھا کہ کینیڈا 2019 اور 2021 کے انتخابات کے دوران چین اور بھارت کی مداخلت کی کوششوں کا جواب دینے میں سست تھا، حالانکہ اس مداخلت سے نتائج پر کوئی اثر نہیں پڑا۔
کینیڈا اور بھارت کے درمیان تعلقات حالیہ مہینوں میں غیرمعمولی سفارتی تعطل کا شکار رہے ہیں، دونوں ممالک نے کینیڈا کی سرزمین پر سکھ علیحدگی پسندوں کیخلاف سازش میں بھارت کے ملوث ہونے کے الزامات کے بعد بشمول مشن کے سربراہان متعدد سفارت کاروں کو ملک بدر کیا ہے۔
مزید پڑھیں:کینیڈا اور انڈیا کے سفارتی تنازع میں بھارتی وزیر داخلہ امیت شاہ کا نام کیوں آیا؟
کینیڈین دارالحکومت اوٹوا میں چینی اور بھارتی سفارتی مشن نے ابھی تک کینیڈا کے الزامات کا جواب نہیں دیا ہے۔
کینیڈا میں آئندہ عام انتخابات 28 اپریل کو متوقع ہیں، کیونکہ نئے تعینات وزیر اعظم مارک کارنی نے امریکی صدر ڈونلڈ ٹرمپ کی جانب سے کینیڈا کو درپیش چیلنجوں سے نمٹنے کے لیے ایک مضبوط مینڈیٹ کی ضرورت کا حوالہ دیتے ہوئے قبل از وقت انتخابات کا اعلان کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرٹیفیشل انٹیلیجنس امریکی صدر انتخابات اوٹوا بھارت چین خالصتان دارالحکومت ڈونلڈ ٹرمپ سکھ رہنما قبل از وقت کینیڈا مداخلت مصنوعی ذہانت مینڈیٹ وزیر اعظم مارک کارنیذریعہ: WE News
کلیدی لفظ: ا رٹیفیشل انٹیلیجنس امریکی صدر انتخابات بھارت چین خالصتان دارالحکومت ڈونلڈ ٹرمپ سکھ رہنما کینیڈا مداخلت مصنوعی ذہانت مینڈیٹ وزیر اعظم مارک کارنی انتخابات میں میں مداخلت اور بھارت میں بھارت بھارت کے
پڑھیں:
ایف بی آئی کے ایجنٹ کے قتل میں ملوث ہونے کا الزام، امریکا کی تین ایرانی عہدیداروں پر پابندی
WASHINGTON:امریکا نے ایران کے تین انٹیلی جینس افسران پر پابندی عائد کردی ہے، جو مبینہ طور پر ایف بی آئی اسپیشل ایجنٹ رابرٹ لیونسن کے لاپتا ہونے میں ملوث تھے۔
خبرایجنسی رائٹرز کی رپورٹ کے مطابق امریکی خزانہ اور اسٹیٹ ڈپارٹمنٹ نے اعلامیے میں بتایا کہ ایران کے تین اہلکاروں پر ایف بی آئی ایجنٹ کو لاپتا کرنے کا الزام ہے۔
رپورٹ کے مطابق ایران کی وزارت انٹیلی جینس اور سیکیورٹی کے رضا امیری مقدم، غلام حسین محمدنیا اور تقی دانش ور پر امریکا نے پابندیاں عائد کردی ہیں اور امریکا نے ان پر الزام عائد کیا ہے کہ تینوں اہلکار ایف بی آئی کے سابق ایجنٹ کی گم شدگی میں ملوث تھے اور وہ ایران میں اغوا کے بعد دوران حراست انتقال کر گئے تھے۔
امریکی پابندیوں کے نتیجے میں امریکی حدود میں مذکورہ افراد کی کوئی جائیداد ہے تو اس کو بلاک کیا جائے گا اور امریکیوں کو ان سے تعلق رکھنے سے باز رکھا جاتا ہے اور ان سے رابطہ رکھنے والے غیرملکیوں کے بلیک لسٹ ہونے کا خطرہ ہوتا ہے۔
امریکا کے سیکریٹری خذانہ اسکاٹ بیسینٹ نے بیان میں کہا کہ لیونسن کے ساتھ روا رکھے گئے ایران کا سلوک انسانی حقوق کے حوالے سے ایران کے خراب ریکارڈ میں اضافہ ہے۔
انہوں نے کہا کہ محکمہ خزانہ حکومت کے شراکت داروں کے ساتھ مذکورہ افراد کی شناخت کے لیے مل کر کام کرے گا اور ان کے کردار سے آگاہ کردیا جائے گا۔
امریکی محکمہ خزانہ نے کہا کہ پابندیوں کے شکار تینوں افراد نے لیونسن کے اغوا، حراست اور مبینہ طور پر موت میں کردار ادا کیا ہے۔
رپورٹ کے مطابق لیونسن پرائیویٹ انوسٹی گیٹر کی حیثیت سے کام کر رہے تھے اور مارچ 2007 میں ایران کے زیر کنٹرول جزیرے کے دورے کے دوران لاپتا ہوگئے جہاں وہ سابق ایرانی صدر اکبر ہاشمی رفسجانی کے مبینہ طور پر کرپشن میں ملوث ہونے پر معلومات اکٹھے کرنے جا رہے تھے۔
مکران ڈویژن میں تھیلیسیمیا کے مرض کا روایتی ’’علاج‘‘