آرمی چیف جنرل عاصم منیر کی والدہ قضائے الٰہی سے وفات پاگئیں
اشاعت کی تاریخ: 25th, March 2025 GMT
راولپنڈی(نیوز ڈیسک)آرمی چیف جنرل سید عاصم منیر کی والدہ ماجدہ انتقال کرگئی ہیں، اللّٰہ باری تعالیٰ مرحومہ کے درجات بلند فرمائے اور انہیں جنت میں اعلیٰ مقام عطا فرمائے،آمین۔
وزیراعظم کا آرمی چیف کی والدہ کےانتقال پر اظہار افسوس
وزیراعظم شہبازشریف نے آرمی چیف جنرل سید عاصم منیر کی والدہ کےانتقال پر اظہار افسوس کرتے ہوئے کہا کہ سوگوار خاندان کے دکھ میں برابر کے شریک ہیں۔
وزیراعظم نے مرحومہ کے لیے بلند درجات کی دعا بھی کی۔
مولانا فضل الرحمان کا آرمی چیف کی والدہ کی وفات پر اظہار افسوس
جمعیت علمائے اسلام کے سربراہ مولانا فضل الرحمان نے آرمی چیف کی والدہ کی وفات پر اظہار افسوس کرتے ہوئے کہا کہ ماں جیسی شفیق اور پیار کرنے والی ذات کی رحلت یقیناً بڑا صدمہ ہے۔
مولانا فضل الرحمان نے کہا کہ اللہ کریم مرحومہ کی کامل مغفرت فرما کر اعلیٰ علیین میں مقام عطا فرمائےا ور اللہ کریم جنرل عاصم منیر ،ان کی فیملی کو صبر جمیل عطاء فرمائے۔
اس کے علاوہ آرمی چیف جنرل عاصم منیر کی والدہ کے انتقال پر سینیٹر سلیم مانڈوی والا نے بھی اظہار تعزیت کیا۔
سلیم مانڈوی والا نے جنرل عاصم منیر اور اہل خانہ سے دلی ہمدردی و تعزیت کا اظہار کیا۔
.ذریعہ: Daily Ausaf
کلیدی لفظ: عاصم منیر کی والدہ پر اظہار افسوس ا رمی چیف جنرل
پڑھیں:
آرمی چیف جنرل عاصم منیر نے والدہ کی نماز جنازہ خود پڑھائی،صدراوروزیراعظم کی شرکت
آرمی چیف جنرل عاصم منیر نے اپنی والدہ کی نماز جنازہ خود پڑھائی، نماز جنازہ میں صدر مملکت آصف علی زرداری، وزیراعظم شہباز شریف سمیت اعلیٰ عسکری و سول حکام نے شرکت کی۔
نماز جنازہ کے موقع پر ملکی قیادت نے جنرل عاصم منیر سے تعزیت کا اظہار کیا اور ان کی والدہ کے درجات کی بلندی کے لیے دعا کی۔ جنازے میں سینئر سیاسی و عسکری شخصیات کے علاوہ عوام کی بڑی تعداد نے بھی شرکت کی
صدرآصف زرداری نے آرمی چیف جنرل عاصم منیر کی والدہ کی وفات پراظہارتعزیت کرتے ہوئے کہا کہ دکھ کی اس گھڑی میں میری ہمدردیاں لواحقین کےساتھ ہیں۔
وزیراعظم شہباز شریف نے چیف آف آرمی سٹاف جنرل سید عاصم منیر کی والِدہ کے انتقال پر اظہار افسوس کیا ہے۔ وزیراعظم آفس سے جاری ایک بیان میں انہوں نے کہا کہ سوگوار خاندان کے دکھ میں برابر کے شریک ہیں۔ وزیراعظم نے مرحومہ کے لیے بلندی درجات کی دعا کی۔
سپیکرقومی اسمبلی سردار ایاز صادق نے آرمی چیف کی والدہ کے انتقال پراظہارافسوس کرتے ہوئے ان کےاہلخانہ سے دلی تعزیت اورہمدردی کا اظہار کیا۔
سپیکر قومی اسمبلی نے کہا کہ انتقال کی خبر سن کر دلی دکھ اور افسوس ہوا، اہلخانہ کے غم اور صدمے میں برابر کا شریک ہوں۔ انھوں نے مرحومہ کے درجات کی بلندی اور اہلخانہ کیلئے صبر جمیل کی دعا کی۔
وزیرداخلہ محسن نقوی نے آرمی چیف کی والدہ کے انتقال پرسوگوارخاندان سے دلی ہمدردی و اظہار تعزیت کیا۔ محسن نقوی نے مرحومہ کی بلندی درجات اور سوگوارخاندان کے لئے صبرجمیل کی دعا کی۔
سینیٹر شیری رحمان، خورشید شاہ، گورنر پنجاب، وزیراعلیٰ پنجاب مریم نواز، وزیر ریلوے حنیف عباسی اور دیگر رہنماؤں نے بھی اپنے تعزیتی پیغام میں آرمی چیف کی والدہ کے انتقال پر اظہارِ افسوس کیا۔
ڈاکٹر جاوید اقبال۔۔۔ ایک شخصیت باکمال