ٹیکس پالیسی آفس میں ایک ڈی جی ،5 ڈائریکٹرز تعینات کرنے کا فیصلہ
اشاعت کی تاریخ: 25th, March 2025 GMT
اسلام آباد (نمائندہ خصو صی )وزارت خزانہ نے آئی ایم ایف کے مطالبے پر قائم ٹیکس پالیسی آفس کو جلد فعال کرنے کا فیصلہ کرتے ہوئے کہا ہے کہٹیکس پالیسی آفس میں ایک ڈی جی اور 5 ڈائریکٹرز تعینات کرنے کا فیصلہ کیا گیا ہے، ڈائریکٹر جنرل کی تعیناتی اسپیشل پروفیشنل پے اسکیل ون کے تحت ہوگی۔ٹیکس پالیسی آفس میں اسپیشل پروفیشنل پے اسکیل ٹو کے تحت ڈائریکٹر اکنامک انالیسز، ڈائریکٹر بزنس ٹیکسیشن، ڈائریکٹر پرسنل ٹیکسیشن اور ڈائریکٹر انٹرنیشنل ٹیکسیشن کا تقرر بھی کیا جائے گا۔وزارت خزانہ نے مذکورہ اسامیوں کے لیے نیشنل جاب پورٹل پر 6 اپریل تک درخواستیں طلب کرلیں۔ٹیکس پالیسی آفس حکومتی اصلاحاتی ایجنڈا کی تشکیل کے لیے قائم کیا گیا ہے، جو ٹیکس پالیسیز اور تجاویز کا تجزیہ کرے گا اور براہ راست وزیر خزانہ و ریونیو کو رپورٹ کرے گا۔ڈیٹاماڈلنگ، ریونیو اور اکنامک فار کاسٹنگ کیذریعے ٹیکس پالیسیوں اور تجاویز کا تجزیہ کیا جائے گا۔ٹیکس پالیسی آفس انکم ٹیکس ،سیلز ٹیکس اور فیڈرل ایکسائز ڈیوٹی سیمتعلق پالیسی رپورٹس وزیرخزانہ کو پیش کرے گا، اس کے ذریعے ٹیکس فراڈکم کرنے کے لییخامیوں پر قابو پاکر ٹیکس کے نفاذ پر توجہ دی جائے گی۔
.ذریعہ: Nawaiwaqt
کلیدی لفظ: ٹیکس پالیسی ا فس
پڑھیں:
وفاقی حکومت کے تحت تعینات پروفیشنلز کو کتنا ڈیلی الاؤنس ملے گا؟ اہم فیصلہ کر لیا گیا
پارلیمنٹیرینز اور کابینہ ارکان کی تنخواہوں میں اضافے کے بعد ایک اور اہم فیصلہ کیا گیا ہے، وفاقی حکومت کے تحت تعینات پروفیشنلز کو اب 4920 روپے تک ڈیلی الاؤنس ملے گا۔تفصیلات کے مطابق وزارت خزانہ نے اسپیشل پروفیشنل پے اسکیل ون سے فور تک ڈیلی الاؤنس ریٹ مقرر کر دیا ہے، اس سلسلے میں ایک مراسلہ عمل درآمد کے لیے وزارتوں، ڈویژنز اور متعلقہ اداروں کو بھجوا دیا گیا ہے۔
اسپیشل اسٹیشنز کے لیے اسپیشل پروفیشنل پے اسکیل ون، ٹو کا ڈیلی الاؤنس ریٹ 4920 روپے ہوگا، جب کہ آرڈنری اسٹیشنز کے لیے ڈیلی الاؤنس ریٹ 3720 روپے ہوگا۔ اسپیشل اسٹیشنز کے لیے اسپیشل پروفیشنل پے اسکیل تھری، فور کا ڈیلی الاؤنس ریٹ 3840 روپے ہوگا، جب کہ آرڈنری اسٹیشنز کے لیے ڈیلی الاؤنس ریٹ 3 ہزار روپے ہوگا۔
کراچی، حیدر آباد اور سکھر، بہاولپور، راولپنڈی، ملتان، پشاور، گوادر، شمالی علاقہ جات، مظفر آباد، میرپور کو ڈیلی الاؤنس کے اسپیشل ریٹس کے لیے اسٹیشنز ڈکلیر کیا گیا ہے، ڈی جی خان، کوئٹہ، سرگودھا، سیالکوٹ، لاہور، گوجرانوالہ، اسلام آباد، فیصل آباد کو اسٹیشنز ڈکلیر کیا گیا ہے۔
آؤٹ اسٹیشن پر اصل راتوں کے قیام کے حساب سے ڈیلی الاؤنس کلیم کیا جا سکے گا، جب کہ رات کا قیام نہ ہونے، ہیڈکوارٹرز سے 4 گھنٹے سے زیادہ غیر موجودگی پر آدھے دن کے الاؤنس کی اجازت ہوگی، اسپیشل پروفیشنل پے اسکیل ون سے فور تک آفیشل ڈیوٹی کے لیے اکانومی کلاس پر ہوائی سفر کے حق دار ہوں گے۔
وفاقی حکومت نے اسپیشل پروفیشنل پے اسکیل ون کا پے پیکج 15 سے 20 لاکھ روپے مقرر کر رکھا ہے، پے اسکیل ٹو کا پے پیکج 10 لاکھ سے 14 لاکھ 90 ہزار روپے، پے اسکیل تھری کا پے پیکج 5 لاکھ سے 9 لاکھ 90 ہزار روپے، جب کہ پے اسکیل فور کا پے پیکج 5 لاکھ روپے تک مقرر کیا گیا ہے۔
ڈاکٹر جاوید اقبال۔۔۔ ایک شخصیت باکمال