آرمی چیف جنرل سید عاصم منیر کی والدہ ماجدہ رضائے الہٰی سے وفات پا گئیں
اشاعت کی تاریخ: 25th, March 2025 GMT
ویب ڈیسک: آرمی چیف جنرل سید عاصم منیر کی والدہ ماجدہ رضائے الہٰی سے وفات پا گئیں، ان کی وفات پر ملک بھر کے رہنماؤں نے افسوس کا اظہار کیا ہے۔
وزیراعظم شہبازشریف نے آرمی چیف کی والدہ کے انتقال پر اظہار افسوس کیا، وزیراعظم نے کہاکہ سوگوار خاندان کے دکھ میں برابر کے شریک ہیں، انہوں نے مرحومہ کے لئے بلندی درجات کی دعا کی۔
صدر مملکت آصف زرداری، وزیر داخلہ محسن نقوی اور جے یو آئی کے سربراہ مولانا فضل الرحمان نے بھی جنرل عاصم منیر اور ان کے اہل خانہ کے ساتھ تعزیت کا اظہار کیا اور کہا کہ اس دکھ کی گھڑی میں وہ آرمی چیف کے ساتھ ہیں۔
سروسز ہسپتال میں مریضوں کی زندگیاں داؤ پر لگ گئیں
وفاقی وزیر ریلوے حنیف عباسی، وزیر اعلی پنجاب مریم نواز اور گورنر پنجاب سردار سلیم حیدر خان نے بھی مرحومہ کے انتقال پر افسوس کا اظہار کیا اور لواحقین کے لیے صبر جمیل کی دعا کی۔
رہنماؤں نے اپنی تعزیت میں کہا کہ اس دکھ کی گھڑی میں وہ جنرل عاصم منیر اور ان کے خاندان کے ساتھ ہیں اور اللہ تعالی مرحومہ کو جنت الفردوس میں اعلیٰ مقام دے۔
.ذریعہ: City 42
پڑھیں:
آرمی چیف جنرل عاصم منیر کی والدہ انتقال کرگئیں
راولپنڈی ( اُردو پوائنٹ اخبارتازہ ترین۔ 25 مارچ 2025ء ) چیف آف آرمی سٹاف جنرل عاصم منیر کی والدہ انتقال کرگئیں۔ تفصیلات کے مطابق آرمی چیف کی والدہ گزشتہ شب قضائے الٰہی سے وفات پاگئیں، مرحومہ کی نماز جنازہ راولپنڈی میں ادا کی جائے گی، نماز جنازہ میں صدر، وزیراعظم ، وفاقی وزرا، ارکان پارلیمنٹ سمیت مسلح افواج کے افسران اور جنرل عاصم منیر کے خاندان کے افراد شرکت کریں گے۔ بتایا گیا ہے کہ صدر مملکت آصف علی زرداری، وزیر اعظم شہباز شریف اور دیگر اعلیٰ حکومتی شخصیات نے چیف آف آرمی اسٹاف جنرل سید عاصم منیر کی والدہ کے انتقال پر گہرے دکھ اور افسوس کا اظہار کیا، اس حوالے سے صدر مملکت نے کہا کہ میں ان کے غم میں برابر کا شریک ہوں، انہوں نے مرحومہ کے لیے بلند درجات اور سوگوار خاندان کے لیے صبر جمیل کی دعا کی۔(جاری ہے)
وزیراعظم محمد شہباز شریف نے جنرل عاصم منیر کی والدہ کے انتقال پر گہرے دکھ اور افسوس کا اظہار کیا اور کہا کہ ’سوگوار خاندان کے دکھ میں ہم برابر کے شریک ہیں اور مرحومہ کے لیے بلند درجات کی دعا ہے‘، سپیکر قومی اسمبلی سردار ایاز صادق نے بھی آرمی چیف اور ان کے اہلخانہ سے دلی تعزیت اور ہمدردی کا اظہار کیا، سپیکر نے کہا کہ ’والدین قدرت کا انمول تحفہ ہیں، ان کا بچھڑنا ایک ناقابل تلافی نقصان اور بڑا صدمہ ہے، غم اور دکھ کی اس گھڑی میں سید عاصم منیر اور ان کے اہلخانہ کے ساتھ ہیں، اللہ تعالیٰ مرحومہ کے درجات بلند فرمائے اور اہلخانہ کو صبر جمیل عطا کرے‘۔ اسی طرح وفاقی وزیر داخلہ محسن نقوی نے بھی اس غمگین موقع پر جنرل سید عاصم منیر اور ان کے خاندان کے ساتھ دلی ہمدردی کا اظہار کیا اور مرحومہ کی بلندی درجات کی دعا کی، وفاقی وزیر برائے امور کشمیر، گلگت بلتستان و سیفران انجینئر امیر مقام نے کہا کہ ’والدہ کی وفات ایک ناقابل تلافی نقصان ہے، اللہ تعالیٰ جنرل عاصم منیر اور ان کے خاندان کو صبر جمیل عطا فرمائے اور مرحومہ کو جنت الفردوس میں اعلیٰ مقام عطا کرے‘۔ علاوہ ازیں وزیر اعلی پنجاب مریم نواز شریف نے آرمی چیف کی والدہ محترمہ کے انتقال پر گہرے دکھ کا اظہار کیا اور سوگوارخاندان سے اظہار ہمدردی و تعزیت کی جب کہ جنرل عاصم منیر کی والدہ کے انتقال پر گورنر سندھ کامران خان ٹیسوری نے اظہار تعزیت کی اور کہا کہ ’اللہ تعالیٰ مرحومہ کو جنت الفردوس میں اعلیٰ مقام عطا فرمائے اور لواحقین کو صبر جمیل دے، دکھ کی اس گھڑی میں جنرل سید عاصم منیر اور ان کے اہل خانہ کے ساتھ ہیں‘۔
مکران ڈویژن میں تھیلیسیمیا کے مرض کا روایتی ’’علاج‘‘