محمد نواز جدون کی میزبانی میں دبئی میں صحافیوں کے اعزاز میں رمضان اور یومِ پاکستان کی پرنور سحری
اشاعت کی تاریخ: 24th, March 2025 GMT
دبئی(اُردو پوائنٹ اخبارتازہ ترین۔ 24 مارچ 2025ء) دبئی میں معروف بزنس مین اور سماجی شخصیت محمد نواز خان جدون کی میزبانی میں پاکستانی صحافیوں کے اعزاز میں ایک شاندار سہری کا اہتمام کیا گیا۔ تقریب دبئی کے ایک فائیو اسٹار ہوٹل کے آؤٹ ڈور ایریا میں منعقد ہوئی، جہاں رمضان المبارک کی روحانی فضا اور یومِ پاکستان کی خوشی نے تقریب کو مزید یادگار بنا دیا۔
تقریب میں دبئی میں مقیم ممتاز صحافیوں نے شرکت کی اور محمد نواز جدون کے اس خوبصورت اقدام کو سراہا۔ اس موقع پر محمد نواز جدون نے کہا کہ رمضان المبارک اخوت اور محبت کا پیغام دیتا ہے، اور یہ تقریب پاکستانی صحافی برادری کے ساتھ یکجہتی کا اظہار ہے۔ انہوں نے یومِ پاکستان کے موقع پر تمام پاکستانیوں کو مبارکباد بھی پیش کی اور یو اے ای میں بھائی چارے اور ہم آہنگی کے فروغ پر زور دیا۔(جاری ہے)
تقریب میں صدر پی ایف یو جے یو اے ای خالد ملک، پی جے ایف کی نائب صدر سعدیہ عباسی، معروف صحافی انصر اکرم، سبط عارف، سید مدثر خوشنود، محمد رضوان رانا، رانا نصیر احمد، ارشد ملک، احمد قریشی، رضا عابدی، رانا ارشد، وحید بابر، اعجاز گوندل، توقیر احمد، سہیل خاور، خالد گوندل، عارف شاہد، ناصر مغل سمیت دیگر صحافیوں نے شرکت کی۔ تقریب کا اختتام یومِ پاکستان کے حوالے سے کیک کاٹنے اور خصوصی دعا کے ساتھ کیا گیا، جس میں پاکستان کی ترقی، خوشحالی اور صحافی برادری کی کامیابی کے لیے دعا کی گئی۔.ذریعہ: UrduPoint
کلیدی لفظ: تلاش کیجئے محمد نواز
پڑھیں:
ہالینڈ میں یوم پاکستان کی تقریب، سفیر پاکستان نے پرچم کشائی کی
ہالینڈ میں بھی یوم پاکستان کی تقریب شایان شان انداز میں منائی گئی گئی اور دی ہیگ ہالینڈ میں واقع سفارتخانہ پاکستان میں 85واں یوم پاکستان روایتی جوش و جذبے کے ساتھ منایا گیا۔
پاکستان ہاؤس میں پرچم کشائی کی تقریب کا انعقاد کیا گیا جس میں نیدرلینڈز کے مختلف علاقوں سے پاکستانی کمیونٹی کے افراد نے بڑی تعداد میں شرکت کی۔
پرچم کشائی کی باقاعدہ تقریب کا آغاز تلاوت قرآن پاک سے ہوا، مولانا علامہ افتخار حسین شاہ نے تلاوت کی جبکہ اسٹیج سیکریٹری کے فرائض فرسٹ سیکریٹری محمد جنید نے ادا کیے۔
قومی ترانے کی دھن پر چارج ڈی افیئرز جمال ناصر نے پرچم کشائی کی۔ اس موقع پر صدر پاکستان آصف علی زرداری، وزیراعظم محمد شہباز شریف اور نائب وزیراعظم و وزیر خارجہ اسحاق ڈار کے خصوصی پیغامات پڑھ کر سنائے گئے۔
چارج ڈی افیئرز نے اپنے خطاب میں دن کی اہمیت پر روشنی ڈالتے ہوئے پاکستانی کمیونٹی کو مبارکباد دی۔ انہوں نے پاکستان اور نیدرلینڈز کے تعلقات کے بارے میں بھی شرکا کو آگاہ کیا اور اہم کامیابیوں پر روشنی ڈالی۔
انہوں نے کشمیریوں کو غیر قانونی بھارتی قبضے سے حق خودارادیت کےلیے ان کی منصفانہ اور جائز جدوجہد میں خراج تحسین بھی پیش کیا۔ چارج ڈی افیئرز نے پاکستانی کمیونٹی کے فعال کردار کو سراہا۔ انہوں نے کمیونٹی ممبران پر زور دیا کہ وہ پاکستان اور نیدرلینڈز کے تعلقات کے فروغ میں اپنا تعمیری کردار ادا کرتے رہیں۔
تقریب میں سیاسی سماجی اور کاروباری شخصیات سمیت بڑی تعداد میں اوورسیز کمیونٹی نے شرکت کی۔ جن میں سینیئر صحافی کشمیر پیس فورم کے جنرل سیکریٹری راجہ فاروق حیدر، محمد جاوید اقبال کھوکھر، حاجی مشتاق احمد، سہیل احمد، مسلم لیگ ن اوورسیز ہالینڈ کے چیئرمین پیر سید اقرار شاہ، چوہدری پرویز علی سندیلہ، جاوید بٹ پیارے، چوہدری فیصل منظور جنرل سیکریٹری مسلم لیگ ن ہالینڈ، سیکریٹری اطلاعت محمد جاوید اقبال کھوکھر، عبدالباسط خان، سید رضوان احمد، سید اعجاز حسین سیفی دیگر شامل تھے۔
تقریب کا اختتام پاکستان کی خوشحالی، سلامتی اور معاشی استحکام کے لیے خصوصی دعا سے ہوا جو مولانا منیب الرحمن نے کرائی ۔
ڈاکٹر جاوید اقبال۔۔۔ ایک شخصیت باکمال