یوٹیوبر رجب بٹ کے خلاف پیکا ایکٹ کے تحت ایک اور مقدمہ درج
اشاعت کی تاریخ: 24th, March 2025 GMT
لاہور:
معروف یوٹیوبر رجب بٹ کے خلاف ایک اور مقدمہ درج کرلیا گیا ہے۔ مقدمہ پیکا ایکٹ کے تحت تھانہ نشتر کالونی میں درج کیا گیا جس میں جذبات کو مجروح کرنے کی دفعات بھی شامل کی گئی ہیں۔
ایکسپریس نیوز کے مطابق مقدمے میں رجب بٹ کے حالیہ پرفیوم لانچ کا بھی ذکر کیا گیا ہے جس پر مختلف حلقوں کی جانب سے شدید ردعمل سامنے آیا تھا۔ پولیس کا کہنا ہے کہ معاملے کی مکمل تحقیقات جاری ہیں اور قانون کے مطابق کارروائی عمل میں لائی جائے گی۔
واضح رہے کہ رجب بٹ اس سے قبل بھی متنازع بیانات اور مواد کی وجہ سے خبروں میں رہے ہیں اور ان کے خلاف مختلف مقدمات درج کیے جا چکے ہیں۔
.ذریعہ: Express News
پڑھیں:
ماہ رنگ بلوچ کے خلاف 3 افراد کے قتل کا مقدمہ درج
بلوچ یکجہتی کمیٹی کی آرگنائزر ماہ رنگ بلوچ سمیت دیگر رہنماؤں کے خلاف احتجاج کے دوران فائرنگ سے 3 افراد کے قتل کا مقدمہ درج کر لیا گیا ہے۔
مقدمہ کوئٹہ کے سریاب تھانے میں درج کیا گیا ہے جس میں نامزد افراد پر قتل، اقدام قتل، دہشت گردی، لوگوں کو اکسانے سمیت 16 دفعات شامل کی گئیں ہیں۔
بلوچ یکجہتی کمیٹی کے خلاف 2 مقدمات اس سے قبل بھی درج کیے جا چکے ہیں۔ پولیس کے مطابق ماہ رنگ بلوچ سمیت بی وائی سی کے مختلف رہنماؤں کے خلاف سول لائن تھانے میں بھی مقدمہ درج کیا گیا ہے۔
مقدمے کے متن میں کہا گیا ہے کہ بلوچ یکْجہتی کمیٹی کی جانب سے سول ہسپتال کوئٹہ کے مردہ خانے پر حملہ کرکے جعفر ایکسپریس میں مارنے والے دہشتگردوں کی لاشوں کو زبردستی اپنے ساتھ لے جانے ور اس دوران ہاکی چوک پر ایمبولینس کی ڈرائیو کر کو زد و کوب کرنے پر مقدمہ درج کیا گیا۔
جبکہ مغربی بائی پاس کو احتجاجاً بند کرنے پر بلوچ یکجہتی کمیٹی کے کارکنان ور رہنماؤں کے خلاف مقدمہ بروری روڈ تھانے میں درج کیا گیا ہے۔
شٹر ڈاؤن ہڑتالدوسری جانب بلوچ یکجہتی کمیٹی کی جانب سے احتجاج کا سلسلہ تیسرے روز بھی جاری ہے جبکہ قلات، مستونگ، خضدار، لسبیلہ، خاران، سمیت کئی اضلاع میں بی وائی سی کی کال پر شٹر ڈاؤن ہڑتال دوسرے روز بھی جاری رہی۔ شٹر ڈاؤن ہڑتال کے سبب ان علاقوں میں کاروباری مراکز مکمل طور پر بند رہے۔
کوئٹہ میں گزشتہ روز بلوچ یک جہتی کمیٹی کی جانب سے احتجاج مؤخر کردیا گیا تھا جس کا سلسلہ قمبرانی روڈ پر دوبارہ شروع کردیا گیا ہے۔
موبائل فون اور انٹرنیٹ سروس معطلموجودہ حالات کے پیش نظر بلوچستان کے بیشتر اضلاع میں موبائل فون اور انٹرنیٹ سروس معطل ہے، جس کی وجہ سے لوگوں کو رابطہ میں شدید دشواری کا سامنا کرنا پڑ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بولچ یکجہتی کمیٹی شٹرڈاؤن ہڑتال کوئٹہ ماہ رنگ بلوچ مقدمہ
مکران ڈویژن میں تھیلیسیمیا کے مرض کا روایتی ’’علاج‘‘