پیپلز پارٹی سندھ کے مفادات پر کسی بھی قسم کا سمجھوتہ نہیں کرے گی، شرجیل میمن
اشاعت کی تاریخ: 24th, March 2025 GMT
ایک بیان میں سینئر وزیر سندھ نے وفاقی حکومت اور دیگر متعلقہ اداروں سے مطالبہ کیا کہ وہ سندھ کے پانی کے حقوق کو یقینی بنائیں اور ایسی کسی بھی اسکیم یا منصوبے سے باز رہیں جو صوبے کے عوام کے حقوق پر ڈاکہ ڈالنے کے مترادف ہو۔ اسلام ٹائمز۔ سندھ کے سینئر وزیر شرجیل انعام میمن نے واضح کیا ہے کہ پیپلز پارٹی سندھ کے مفادات پر کسی بھی قسم کا سمجھوتہ نہیں کرے گی اور کسی بھی صورت میں متنازعہ کینالز کی تعمیر کی اجازت نہیں دے گی۔ اپنے ایک بیان میں شرجیل انعام میمن نے کہا کہ پیپلز پارٹی صوبے کے پانی کے حقوق کی محافظ ہے اور سندھ کے عوام کی امنگوں کے مطابق ہر اس اقدام کے خلاف کھڑی ہوگی جو صوبے کے وسائل کو نقصان پہنچانے کا سبب بنے۔ انہوں نے کہا کہ پیپلز پارٹی نے ہمیشہ پانی کے مسئلے پر دوٹوک موقف اختیار کیا ہے اور اس سلسلے میں کسی دبا یا مصلحت کو خاطر میں نہیں لائے گی۔
شرجیل انعام میمن نے کہا کہ صدر آصف علی زرداری، چیئرمین بلاول بھٹو زرداری، وزیر اعلی سندھ اور سندھ حکومت نے واضح پیغام دیا ہے کہ کسی بھی غیر قانونی کینال کی تعمیر کو قبول نہیں کیا جائے گا، سندھ اسمبلی نے بھی اس حوالے سے قرارداد منظور کرلی ہے، جو عوامی امنگوں کی عکاسی کرتی ہے۔ انہوں نے مزید کہا کہ پانی سندھ کے عوام کا بنیادی حق ہے اور ہم کسی بھی ایسی کوشش کو کامیاب نہیں ہونے دیں گے جو سندھ کے پانی پر ڈاکہ ڈالنے کے مترادف ہو، پیپلز پارٹی ہمیشہ حق اور سچ کی بات کرتی رہی ہے اور آئندہ بھی کرتی رہے گی۔
ذریعہ: Islam Times
کلیدی لفظ: پیپلز پارٹی سندھ کے کسی بھی کہا کہ ہے اور
پڑھیں:
نئی کینالز کی تعمیر کیخلاف پیپلز پارٹی کے سندھ کے مختلف شہروں میں احتجاجی مظاہرے
نئی کینالز کی تعمیر کیخلاف پیپلز پارٹی کے سندھ کے مختلف شہروں میں احتجاجی مظاہرے WhatsAppFacebookTwitter 0 25 March, 2025 سب نیوز
کراچی (سب نیوز)نئی کینالز کی تعمیر کے خلاف پیپلز پارٹی کے سندھ کے مختلف شہروں میں احتجاجی مظاہرے جاری ہیں، احتجاج کے دوران گھوٹکی، تھرپارکر، شکارپور، قمبر شہدادکوٹ و دیگر شہروں میں وفاقی حکومت کے خلاف نعرے بازی کی گئی۔
جیکب آباد میں دریائے سندھ سے نئے کینال نکالنے کیخلاف پیپلز پارٹی کی جانب سے ریلی نکال کر پریس کے سامنے نعرے بازی کی گئی۔ جیکب آباد سٹی صدر شوکت گھنیو کی سربراہی میں نکالی گئی ریلی پیپلز سیکریٹریٹ سے لیکر پریس کلب پہنچی، ریلی کے شرکا نے نئے کینال نامنظور کے نارے بلند کئے،مظاہرین کا کہنا تھا کہ دریائے سندھ سے 6کینال نکالنے کا عوام دشمن منصوبہ فوری بند کیا جائے، ان کا کہنا تھا کہ چولستان کو زرخیز بنانے کیلئے سندھ کو بنجر کرنے کی شازش کی جارہی ہے۔
مظاہرین نے مطالبہ کیا کہ ارسا ایکٹ کے تحت سندھ کو حصے کا پانی نہیں دیا جائے، ان کا کہنا تھا کہ کینال نکالنے والے فیصلے کو واپس لیکرعوام کی بے چینی دورکی جائے۔دریائے سندھ: کوٹری ڈان اسٹریم میں پانی کی شدیدقلت سے انسانی اور آبی حیات متاثر، سیکڑوں لوگ نقل مکانی پر مجبور ہیں ۔
نواب شاہ میں بھی پیپلزپارٹی کی جانب سے کینالوں کی تعمیر کے خلاف احتجاج کیا گیا۔ پیپلزسیکریٹریٹ سے پریس کلب تک احتجاجی ریلی نکالی گئی۔کارکنان نے مطاہرے کے دوران پریس کلب کے سامنے نئے کینال بنانے کے خلاف نعرے بازی کی۔لاڑکانہ میں پیپلز پارٹی کی جانب سے کینال منصوبہ کے خلاف ریلی نکال کراحتجاجی مظاہرہ کیا۔ ریلی کے شرکا نے مختلف راستوں کا گشت کر کے جناح باغ چوک پردھرنا دیا۔ایم پی اے جمیل سومرو کا کہنا تھا کہ کینالز کے خلاف ساری سندھ سراپا احتجاج ہے۔
تھرپارکر میں بھی دریائے سندھ سے کئنال نکالنے کے خلاف پی پی پی کی جانب سے مٹھی میں احتجاجی ریلی نکالی گئی۔ صادق فقیرچوک سے کشمیر چوک تک نکالی گئی ریلی میں مقامی رہنماں نے شرکت کی۔رہنماوں کا کہنا تھا کہ سندھ کے وسائل پر کوئی سمجھوتہ نہیں کریں گے، صدر زرداری مشترکہ پارلیمنٹ میں کینال منصوبوں پر واضح موقف دے چکے ہیں، بلاول بھٹو 4 اپریل کے بعد ہر ضلع ہیڈ کوارٹر میں جا کرجلسے کریں گا۔
گھوٹکی میں سندھ دریا سے کینال نکالے جانے کے خلاف پیپلز پارٹی کی جانب سے احتجاج کیا گیا، ضلعی ہیڈ کوارٹر میرپور ماتھیلو میں گھنٹہ گھر سے بھٹائی چوک تک احتجاجی ریلی نکالی گئی۔ریلی کی قیادت پی پی پی کے ضلعی جنرل سیکرٹری سکندر علی لاکھو نے کی، ریلی کے شرکا نے وفاقی حکومت کے خلاف سخت نعرے بازی کی۔
دریاوں میں پانی کے بہا میں خطرناک حد تک گراوٹ، بارشوں کی کمی نے خطرے کی گھنٹی بجا دی۔قمبرشہدادکوٹ میں دریائے سندھ پر کنالز بنانے کے خلاف پیپلز پارٹی نے احتجاجی ریلی نکالی۔ پیپلزپارٹی کارکنان نے ضلعی صدر قمرالدین گوپانگ کی زیرقیادت ریلی نکالی۔ریلی میں کاشتکاروں اور دکانداروں نے بھی شرکت کی۔ ریلی کے شرکا نے مرکزی بھٹوچوک پردھرنا دے کر ٹریفک معطل کر دی۔
ترجمان سندھ حکومت اور ایم پی اے سعدیہ جاوید نے بیان میں کہا کہ پی پی کا 6 کینال منصوبے کیخلاف احتجاج، عوام کی آواز ہے، پی پی ہمیشہ سندھ کے پانی کے مسئلے پر جدوجہد کرتی آئی ہے۔ترجمان سندھ حکومت کا کہنا تھا کہ ہم نے پہلے بھی کالاباغ ڈیم کیخلاف جنگ لڑی، آج کے احتجاج سے وفاق کو دستبردار ہونے پر مجبور کرینگے۔
مکران ڈویژن میں تھیلیسیمیا کے مرض کا روایتی ’’علاج‘‘