وزیراعلی مریم نواز کا جناح اسپتال کا اچانک دورہ، شکایات پر پرنسپل اور ایم ایس معطل
اشاعت کی تاریخ: 24th, March 2025 GMT
وزیراعلی مریم نواز کا جناح اسپتال کا اچانک دورہ، شکایات پر پرنسپل اور ایم ایس معطل WhatsAppFacebookTwitter 0 24 March, 2025 سب نیوز
لاہور (سب نیوز)وزیراعلی پنجاب مریم نواز شریف نے جناح اسپتال کا اچانک دورہ کیا جہاں مریضوں اور ان کے لواحقین کی جانب سے متعدد شکایات سامنے آئیں۔ وزیراعلی نے فوری ایکشن لیتے ہوئے اسپتال کے پرنسپل اور میڈیکل سپرنٹنڈنٹ (ایم ایس)کو معطل کرنے کا حکم دے دیا۔دورے کے دوران وزیراعلی مریم نواز شریف نے میڈیسن اسٹور کا معائنہ کیا اور ادویات کی دستیابی کو یقینی بنانے کے احکامات دیے۔ تاہم، انہوں نے مریضوں کو مفت ادویات فراہم نہ کیے جانے پر سخت برہمی کا اظہار کیا اور ذمہ داران کے خلاف کارروائی کی ہدایت کی۔
وزیراعلی نے ایمرجنسی وارڈ کا بھی دورہ کیا جہاں انہوں نے مریضوں اور تیمارداروں سے بات چیت کی اور ان سے سہولیات کے بارے میں دریافت کیا۔ مریضوں کی جانب سے طبی ٹیسٹ اور ادویات کی عدم دستیابی کی شکایات پر مریم نواز شریف نے شدید برہمی کا اظہار کیا اور فوری طور پر بہتری کے لیے اقدامات اٹھانے کی ہدایت دی۔
وزیراعلی نے واضح کیا کہ عوام کو معیاری اور فوری طبی سہولیات کی فراہمی حکومت کی اولین ترجیح ہے، اور غفلت برتنے والوں کے خلاف سخت کارروائی عمل میں لائی جائے گی۔
ذریعہ: Daily Sub News
کلیدی لفظ: مریم نواز
پڑھیں:
پنجاب کو قائداعظمؒ کے ویژن کے مطابق بلندیوں پر گامزن کرینگے: مریم نواز
لاہور (نوائے وقت رپورٹ) وزیراعلیٰ پنجاب مریم نواز شریف نے پوری قوم کو یوم پاکستان کی مبارکباد پیش کی ہے۔ وزیراعلیٰ مریم نواز شریف نے یوم پاکستان پر اپنے پیغام میں بانیان پاکستان کی جد وجہد اور شہداء کی قربانیو ں کو بھی خراج تحسین پیش کیا ہے۔ وزیراعلیٰ مریم نواز شریف نے کہاکہ 23 مارچ ہمیں قیام پاکستان کے سنہری اغراض و مقاصد کی یاد دہانی کراتا ہے۔ پاکسان تا قیامت شاد وآباد رہے گا، پاک سر زمین کے تقدس اور حفاظت کے تقاضوں کے عہد کا اعادہ کیا جانا چاہیے۔ وزیراعلیٰ نے کہا یوم پاکستان پر غربت میں کمی، عدم مساوات اور معاشرے کے کمزور طبقات کے تحفظ کا عہد کرتے ہیں۔ وطن عزیز کو ترقی یافتہ ممالک کی صف میں شامل کرنے کیلئے اپنی تمام تر صلاحیتیں بروئے کار لانے کا عہد کرتے ہیں۔ پنجاب کو قائد اعظم اور دیگر بانیانِ پاکستان کے ویژن کے مطابق بلندیوں پر گامزن کریں گے۔ یوم پاکستان پر تعلیم، صحت، زراعت میں جدت کا عہد کرتے ہیں۔ یوم پاکستان پرعہد کرتے ہیں۔ پنجاب کو پاکستان کی معیشت کا انجن اور ترقی کا مرکز بنا ئینگے۔ علاوہ ازیں وزیراعلیٰ مریم نوازشریف کی ہدایت پر یوم پاکستان کی مناسبت سے مینارپاکستان میں ملک کے سب سے بڑے لیزر لائٹ شو کا ا ہتمام کیا گیا ۔ پہلی مرتبہ منٹو پارک میں قرار داد پاکستان پیش کرنے والوں کو روشنیو ں سے جگمگاتا خراج تحسین پیش کیا گیا۔ رات گئے مینار پاکستان سبز اور سفید روشنیوں سے جگمگا اٹھا ۔ قرارداد پاکستان کی یاد گار مینار پاکستان قومی پرچم کا سماں پیش کرنے لگا ۔ لیز رلائٹ کی مددسے مینار پاکستان پر چاند ستارہ او رقومی پرچم کی شبیہ ابھر آئی - عوام کی بہت بڑی تعداد لیزر لائٹ شو دیکھنے کے لئے امڈ آئی۔ وزیراعلیٰ مریم نوازکی ہدایت پر شاہی قلعہ، میوزیم، پنجاب اسمبلی، جی پی او اور دیگر نجی و سرکاری قدیمی عمارتو ں پر قومی پرچم کی تھیم سبز لائٹیں روشن کی گئیں ۔ عوام نے شاندار خراج تحسین پیش کیا۔ وزیر اعلی ٰمریم نواز شریف نے کچے میں 12 پولیس اہلکاروں کی شہادت میں ملوث شاہ میر عرف میرا کوش سمیت دو ڈاکوؤں کو جہنم واصل کرنے پر پنجاب پولیس کو شاباش دی۔
ریڈ زون میں احتجاج روکنے پر 5 سالوں میں 1ارب35کروڑ 58 لاکھ روپے کے اخراجات، تفصیلات قومی اسمبلی میں پیش