کراچی: ٹینکر کی موٹرسائیکل کو ٹکر، حاملہ خاتون شوہر سمیت جاں بحق، پیدا ہونے والا نومولود بھی چل بسا
اشاعت کی تاریخ: 24th, March 2025 GMT
کراچی میں تیز رفتار واٹر ٹینکر نے موٹرسائیکل کو ٹکر مار دی جس کے نتیجے میں حاملہ خاتون شوہر سمیت جاں بحق ہوگئی، جبکہ پیدا ہونے والا نومولود بھی چل بسا۔
حادثہ کراچی کے علاقے ملیر ہالٹ کے قریب ہوا، جہاں واٹر ٹینکر موٹرسائیکل سوار میاں بیوی پر چڑھ دوڑا۔
یہ بھی پڑھیں کراچی میں بڑھتے ٹریفک حادثات کیخلاف جماعت اسلامی کی سندھ ہائیکورٹ میں درخواست
پولیس نے بتایا کہ خاتون حاملہ تھی، جس نے زخمی حالت میں ہی بچے کو جنم دیا تاہم دونوں دم توڑ گئے۔
پولیس کے مطابق ڈرائیور کو گرفتار کرکے واٹر ٹینکر کو بھی تحویل میں لے لیا گیا ہے۔
پولیس کے مطابق واٹر ٹینکر ہائی وے کی جانب جارہا تھا، ملیر ہالٹ پل کے نیچے سے تیزی سے شارع فیصل کی طرف آیا اور موٹرسائیکل سوار میاں بیوی کو کچل دیا۔
پولیس کے مطابق موقع پر مشتعل عوام نے واٹر ٹینکر کو آگ لگانے کی کوشش کی تاہم سیکیورٹی نے موقع پر پہنچ کر ٹینکر کو نقصان پہنچانے سے بچا لیا۔
یہ بھی پڑھیں کراچی: 24 گھنٹوں کے دوران مختلف ٹریفک حادثات میں 9 افراد کیسے جان بحق ہوئے ؟
ایس ایس پی کورنگی طارق نواز کے مطابق ڈرائیور کے ساتھ ہیلپر کو بھی گرفتار کیا گیا ہے، اور مقدمہ درج کیا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پولیس ٹینکر آگ جاں بحق حاملہ خاتون ڈرائیور گرفتار کراچی موٹرسائیکل ٹکر نومولود واٹر ٹینکر وی نیوز.ذریعہ: WE News
کلیدی لفظ: پولیس ٹینکر آگ حاملہ خاتون ڈرائیور گرفتار کراچی موٹرسائیکل ٹکر نومولود واٹر ٹینکر وی نیوز واٹر ٹینکر کے مطابق
پڑھیں:
بھارتی خاتون باکسر نے پولیس اسٹیشن میں شوہر کو کوٹ ڈالا
دہلی (نیوز ڈیسک)دہلی سے متصل بھارت کی ریاست ہریانہ کے پولیس اسٹیشن میں بھارتی خاتون باکسر سویتی بورا نے اپنے شوہر کی کُٹ لگانے کی ویڈیو سوشل میڈیا زیر گردش ہے۔
بھارتی میڈیا رپورٹس کے مطابق خاتون باکسر کے شوہر دیپک نواس ہڈا کبڈی کھلاڑی ہیں جن کے لڑنے کی ویڈیو کیمرے کی آنکھ نے قید کرلی۔ یہ واقعہ 15 مارچ کو پیش آیا تھا لیکن ویڈیو منگل کو منظر عام پر آئی۔
رپورٹس میں کہا گیا ہے کہ سویتی بورا نے طلاق کی درخواست کی تھی اور دعویٰ کیا تھا کہ ہڈا اسے پیسوں کے لیے ہراساں کر رہا تھا اور ان کے ساتھ جسمانی زیادتی کر رہا تھا۔
وائرل ویڈیو میں سویتی بورا اپنے شوہر دیپک نواس ہڈا پر حملہ کرتے ہوئے دکھایا گیا ہے، وہ شوہر کا گلا پکڑ کر لڑتے ہوئے نظر آرہی ہے۔ لڑائی کرنے پر اہلخانہ بیچ بچاؤ کراتے ہیں۔
سویتی بورا کا کہنا تھا انہوں نے 11 مارچ کو حصار پولیس چیف کو بتایا کہ وہ اپنے شوہر دیپک نواس ہڈا کے ساتھ مزید نہیں رہنا چاہتی۔ بورا صرف طلاق اور اپنا سارا سامان واپس چاہتی ہیں۔
رپورٹ کے مطابق خاتون باکسر کے شوہر دیپک نواس ہڈا نے بتایا کہ انہیں 15 مارچ کو حصار پولیس اسٹیشن بلایا گیا تھا جب پوچھ گچھ کے دوران ان پر حملہ کر دیا گیا۔
بورا اور ہڈا کی شادی 2022 میں ہوئی تھی اور دونوں کھلاڑی باوقار ارجن ایوارڈ کے وصول کنندہ ہیں۔ بورا مڈل ویٹ کلاس میں سابق عالمی چیمپئن ہیں جبکہ ہڈا پرو کبڈی لیگ میں اپنے کارناموں کے لیے جانے جاتے ہیں۔
مزیدپڑھیں:عید کے موقع پر نیا کرنسی نوٹ جاری
مسلط لوگ کبھی بھی عوام کے خیر خواہ نہیں ہوسکتے، حافظ نعیم الرحمان