ایک ریاستی رہنما کی ممکنہ ہتک عزت، بھارتی کمیڈین زیرعتاب
اشاعت کی تاریخ: 24th, March 2025 GMT
اسلام آباد (اُردو پوائنٹ ۔ DW اردو۔ 24 مارچ 2025ء) بھارت کے ایک مزاحیہ اداکار جو اپنے سیاسی طنز و مزاح کے لیے بہت مشہور ہیں، کے خلاف پیر کے روز ممبئی کی پولیس نے ممکنہ ہتک عزت کے الزام کے تحت تحقیقات شروع کر دیں۔ کامیڈین کنال کامرا نے ایک بھارتی ریاستی رہنما ایکھانت شنڈے ، جو وزیر اعظم نریندر مودی کے اتحادی ہیں، سے متعلق ایک خاکہ پیش کیا تھا۔
مقامی میڈیا کے مطابق کنال کامرا نے ایک اسٹینڈ اپ کامیڈی شو میں مہا راشٹر کے نائب وزیر اعلیٰ ایکناتھ شنڈے کو مذاق کا نشانہ بناتے ہوئے ایک گانے میں انہیں '' غدار ‘‘ کہا۔ اس شو کی ویڈیو سوشل میڈیا پر وائرل ہو گئی اور تب سے یہ ایک تنارعہ بن گیا جس پر لے دے ہو رہی ہے۔اس خاکے کا ایک ویڈیو کلپ کنال کامرا نے اپنے انسٹاگرام پروفائل پر اتوار کو پوسٹ کیا۔
(جاری ہے)
اس میں کامرا کو ایک پیروڈی میں شنڈے پر طنز کرتے ہوئے ان کے لیے ''غدار‘‘ کا لفظ استعمال کیا گیا۔ اس سے خاص طور سے شیو سینا پارٹی کے کارکن چراغ پا ہوئے اور انہوں نے شدید برہمی کا اظہار کرتے ہوئے اُس اسٹوڈیو میں توڑ پھوڑ کی جہاں یہ خاکہ پیش کیا گیا تھا۔ دریں اثناء پولیس نے توڑ پھوڑ کی بھی تحقیقات شروع کر دی۔’تانڈو‘ ویب سیریز: ہنگامہ ہے کیوں برپا؟
شیو سینا پارٹی کے ایک قانون ساز نریش مہاسکے نے اتوار کو کامرا کو مہا راشٹر کے نائب وزیر اعلیٰ ایکناتھ شنڈے کو طنز و مزاح کا نشانہ بنانے پر دھمکی دیتے ہوئے کہا کہ پورے ملک میں پارٹی کارکن ان کا پیچھا کریں گے۔
یہ تک کہا گیا کہ،''تم بھارت سے فرار ہونے پر مجبورہو جاؤ گے۔‘‘ نریش مہاسکے نے ایک ویڈیو پیغام میں کامرا کو یہ دھمکی دی۔شنڈے نے تا حال اس معاملے پر کوئی تبصرہ نہیں کیا ہے تاہم مہاراشٹر کے چیف منسٹر دیویندر فڑنویس نے کہا کہ کامرا کو اپنے ریمارکس کی معافی مانگنی چاہیے۔
فڑنویس کا کہنا تھا،''ہم اظہار رائے کی آزادی کا احترام کرتے ہیں، لیکن کسی قسم کی لاپرواہی برداشت نہیں کی جائے گی۔
کامرا نے تحقیقات پر کوئی تبصرہ نہیں کیا ہے، لیکن اتوار کو دیر گئے انہوں نے اپنے انسٹاگرام پر ایک تصویر شیئر کی ہے جس میں انہوں نے بھارت کے آئین کے مسودے کو تھاما ہوا ہے اور اس پر سرخی لگی ہے،''پیش رفت کا واحد راستہ۔‘‘دریں اثناء ہیبی ٹیٹ کامیڈی کلب، جہاں کامرا نے متنازعہ خاکہ پرفارم کیا تھا، نے بتایا ہے کہ توڑ پھوڑ اور تخریب کاری کے پیش نظر کلب کو بند کیا جا رہا ہے۔
پاکستانی فنکاروں پر پابندی، بالی وُڈ بٹ گیا
پیر کو اس کلب کی طرف سے ایک بیان میں کہا گیا،''حالیہ کارروائیوں سے ہم حیران، پریشان اور انتہائی دلبرداشتہ ہوئے ہیں۔ کس طرح ہمیں توڑ پھوڑ کا نشانہ بنایا جا رہا ہے۔‘‘ اس بیان میں مزید کہا گیا،''کلب اس وقت تک بند رہے گا جب تک کہ ہمیں آزادانہ اظہار کے پلیٹ فارم کی فراہمی کا بہترین طریقہ معلوم نہ ہو جائے تاکہ ہم اپنے آپ کو اور اپنی جائیداد یعنی اس کلب کو خطرے میں نہ ڈالیں ہے۔
‘‘کامیڈین کنال کامرا کو ہندو قوم پرست عناصر، گروپوں اور سیاسی جماعتوں کے غیض و غضب کا سامنا ماضی میں بھی کرنا پڑتا رہا ہے۔ خاص طور پر وزیر اعظم نریندر مودی اور ان کی بھارتیہ جنتا پارٹی کے دیگر سیاستدانوں کے بارے میں مزاحیہ خاکے پیش کرنے پر۔ جبکہ دیگر بھارتی کامیڈینز بھی سیاست دانوں کا مذاق اڑانے یا ہندو مذہب اور قومی ہیروز کے حوالے سے مزاحیہ باتیں کرنے یا خاکے پیش کرنے کی وجہ سے گرفتار ہو چکے ہیں یا ان کے شوز منسوخ کر دیے گئے ہیں۔
ک م/ ع ت(اے پی)
.ذریعہ: UrduPoint
کلیدی لفظ: تلاش کیجئے کنال کامرا کامرا نے کامرا کو توڑ پھوڑ
پڑھیں:
ایک اور ٹاک شو میں پی ٹی آئی اور لیگی رہنمالڑ پڑے
ویب ڈیسک: پی ٹی آئی رہنما شوکت بسرا نے کہا کہ نواز شریف کونسلر بننے کے اہل نہیں، جس کے بعد پی ٹی آئی رہنما شوکت بسرا اور رہنما مسلم لیگ ن ناصر بٹ میں بحث و تکرار شروع ہوگئی، ناصر بٹ نے بھی عمران خان کو چور کہہ دیا۔
نجی ٹی وی کے پروگرام میں میزبان نے دہشتگردی کے خاتمے سے متعلق پی ٹی آئی کی اے پی سی میں شرکت کے سوال پر پاکستان تحریکِ انصاف کے رہنما شوکت بسرا نے جواب دینے کی بجائے ساتھی مہمان رہنما مسلم لیگ ن ناصر بٹ کو مخاطب کیا۔
سروسز ہسپتال میں مریضوں کی زندگیاں داؤ پر لگ گئیں
شوکت بسرا نے کہا کہ کہا جاتا ہے کہ ہماری پارٹی انتشار کا شکار ہے، پارٹی ختم ہو گئی ہے، پارٹی یہ ختم ہو گئی ہے کہ شام کو 6 بجے سے لے کر رات 12 بجے تک کوئی ٹاک شو سوائے عمران خان، عمران خان، پی ٹی آئی، پی ٹی آئی کے علاوہ نہ شروع ہوتا ہے نہ ختم ہوتا ہے۔
انھوں نے میزبان کے سوال کا جواب دینے کے بجائے اپنی گفتگو جاری رکھتے ہوئے کہا کہ میں نواز شریف سے متعلق کیا بات کروں، ان کی کونسلر بننے کی حیثیت نہیں رہی۔ الیکشن ہار گئے۔
Currency Exchange Rate Monday March 24, 2025
شوکت بسرا نے مسلم لیگ ن کے رہنما ناصر بٹ کو مخاطب کرتے ہوئے پھر دوہرایا کہ یہ لوگ کون سے لیڈر کی بات کر رہے ہیں جو بیچارہ کونسلر بننے کی حیثیت نہیں رکھتا۔ انھوں نے پروگرام کے دوران ناصر بٹ کو مزاحیہ اداکار کہہ دیا۔
اس کے ساتھ ہی دونوں رہنماؤں کے درمیان بحث و تکرار شروع ہوگئی اور میزبان کا سوال وہیں رہ گیا۔
مسلم لیگ ن کے رہنما نے شوکت بسرا کی گفتگو کا جواب دیتے ہوئے کہا کہ آپ کا جو 2018 میں شور آیا تھا، اب گھروں میں بیٹھ گئے۔ ایسے بات نہیں کرتے، میں بھی آپ کے لیڈر کے بارے میں بات کروں گا۔
سونے اور چاندی کے آج کے ریٹس ۔پیر 24 مارچ, 2025
ناصر بٹ نے شوکت بسرا کو مخاطب کیا کہ آپ دائرے میں رہ کر بات کریں، آپ اپنی حالت دیکھیں، آپ کا لیڈر چوری کے کیس میں اندر ہے اور وہ چور ثابت ہو گیا ہے، آپ تمیز کے دائرے میں بات کریں گے تو بات ہوگی۔ آپ لوگ تو بھاگ گئے، اپنے گھروں سے تو نکلتے نہیں۔
اس دوران میزبان شوکت پراچہ نے شوکت بسرا سے کہا کہ میرا سوال وہیں رہ گیا اور آپ دونوں جھگڑ رہے ہیں۔ آپ بات کا جواب نہیں دے رہے، انھوں نے پی ٹی آئی کی اے پی سی میں شرکت سے متعلق سوال دوہرایا۔
آج کے گوشت اور انڈوں کے ریٹس -پیر 24 مارچ, 2025
مسلط لوگ کبھی بھی عوام کے خیر خواہ نہیں ہوسکتے، حافظ نعیم الرحمان