زرعی گریجویٹ کو زرعی شعبے میں کام کیلئے سازگار ماحول فراہم کرنا ہے، وزیراعظم شہباز شریف
اشاعت کی تاریخ: 24th, March 2025 GMT
وزیراعظم شہباز شریف کا کہنا ہے کہ زرعی گریجویٹ کو زرعی شعبے میں کام کیلئے سازگار ماحول فراہم کرنا ہے، ہمیں زراعت کا ملکی معیشت میں حصہ بڑھانا ہے۔
اسلام آباد میں تقریب سے خطاب کرتے ہوئے وزیر اعظم شہباز شریف نے کہا کہ
پاکستان ایگریکلچرل ریسرچ کونسل (پی اے آر سی) میں زرعی ترقی کیلئے کام ہورہا ہے۔
وزیر اعظم نے کہا کہ یقین ہے آپ کی محنت کی بدولت زراعت ترقی کرے گی، آلو کے بیج سے متعلق ادارے کے قیام پر جمہوریہ کوریا کے مشکور ہیں، بہترین بیج، کھاد اور معیاری ادویات کی بروقت فراہمی سے زرعی انقلاب آئے گا۔
شہباز شریف کا کہنا ہے کہ ہمارا کسان محنتی اور قابل ہے، بہترین بیج کی فراہمی سے پیداوار میں اضافہ ہوگا، جمہوریہ کوریا کے تعاون سے آلو کے بیج کی پیداوار کا شاندار منصوبہ لگایا گیا ہے، منصوبے سے کسانوں کو بہترین پیداواری صلاحیت کا حامل معیاری بیج فراہم ہوگا۔
.ذریعہ: Jang News
کلیدی لفظ: شہباز شریف
پڑھیں:
آذربائیجان کے صدر الہام علیوف کا خط وزیراعظم شہباز شریف کو مل گیا، متن بھی سامنے آگیا
آذربائیجان کے صدر الہام علیوف نے وزیراعظم شہباز شریف کو ایک خط لکھا ہے جس میں انہوں نے کہا ہے کہ وہ آذر بائیجان کے عوام اور اپنی طرف سے انہیں اور پاکستانی عوام کو پاکستان کے قومی دن کے موقع پر دل کی اتھاہ گہرائیوں سے مبارکباد پیش کرتے ہیں اور ان کے لیے نیک تمناؤں کا اظہار کرتے ہیں۔
صدر الہام علیوف نے اپنے خط میں دونوں ممالک کے مابین سٹریٹیجک پارٹنرشپ اور باہمی تعاون کی موجودہ سطح پر اطمینان ظاہر کرتے ہوئے انہیں مزید وسعت دینے کا عزم کیا۔ انہوں نے کہا کہ معیشت، ٹرانسپورٹ، لاجسٹک، توانائی، سرمایہ کاری، دفاعی صنعت اور باہمی دلچسپی کے مختلف شعبہ جات میں ہماری کامیاب مشترکہ کاوشیں ہمارے تعلقات کے لیے کلیدی اہمیت رکھتی ہیں۔
یہ بھی پڑھیےپاکستان اور آذربائیجان کے درمیان 2 ارب ڈالر سرمایہ کاری کے معاہدے پر اتفاق
آذربائیجانی صدر نے کہا کہ عالمی امور پر ہمارا موقف اور باہمی تعاون دونوں ملکوں کے درمیان بھائی چارہ ظاہر کرتا ہے جو دونوں ممالک اور عوام کے بنیادی مفاد میں اہم کردار ادا کر رہا ہے۔
انہوں نے کہا کہ دونوں ملکوں کے تعلقات جامع ترقی سے جڑے ہیں جن کی بنیادیں باہمی ثقافتی اقدار اور یکجہتی سے مزین اور احترام اور اعتماد پر مشتمل ہیں۔ اعلیٰ سطح کے دورے، ملاقاتیں اور رابطے ہمارے تعلقات میں نمایاں بڑھوتری کا واضح اشارہ ہیں۔
صدر الہام علیوف نے کہا کہ وہ باہمی اعتماد، مفاہمت اور اخلاص پر مبنی سودمند ملاقاتوں کو سراہتے ہیں جو گزشتہ ماہ آذر بائیجان کے سرکاری دورہ کے موقع پر ہوئیں اور جن میں ہم نے تبادلہ خیال کیا۔ انہوں نے کہا کہ اس دوران ہونے والے معاہدے دونوں ممالک کے تعلقات کی سمت کا تعین کریں گے۔
یہ بھی پڑھیےوزیراعظم شہباز شریف کی آذربائیجان کے صدر سے ملاقات، اہم معاہدوں پر دستخط
آذربائیجان کے صدر کا کہنا ہے کہ انشا اللہ ہم اپنے تعلقات کو مزید وسعت دیں گے۔ انہوں نے روایتی دوستی اور تذویراتی شراکت داری پر اطمینان ظاہر کرتے ہوئے کہا کہ اس سے آزمودہ بھائی چارہ پر تعلقات اور ہمارے عوام کا اتحاد مزید مستحکم ہوگا۔
انہوں نے وزیراعظم کے لیے اچھی صحت، خوشی اور کامیابیوں کی دعا کرتے ہوئے پاکستان کے برادر عوام کے لیے امن ، خوشحالی اور بہتری کے لیے دعا کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آذربائیجان الہام علیوف پاکستان شہباز شریف
مکران ڈویژن میں تھیلیسیمیا کے مرض کا روایتی ’’علاج‘‘