ہالینڈ میں یوم پاکستان کی تقریب، سفیر پاکستان نے پرچم کشائی کی
اشاعت کی تاریخ: 24th, March 2025 GMT
ہالینڈ میں بھی یوم پاکستان کی تقریب شایان شان انداز میں منائی گئی گئی اور دی ہیگ ہالینڈ میں واقع سفارتخانہ پاکستان میں 85واں یوم پاکستان روایتی جوش و جذبے کے ساتھ منایا گیا۔
پاکستان ہاؤس میں پرچم کشائی کی تقریب کا انعقاد کیا گیا جس میں نیدرلینڈز کے مختلف علاقوں سے پاکستانی کمیونٹی کے افراد نے بڑی تعداد میں شرکت کی۔
پرچم کشائی کی باقاعدہ تقریب کا آغاز تلاوت قرآن پاک سے ہوا، مولانا علامہ افتخار حسین شاہ نے تلاوت کی جبکہ اسٹیج سیکریٹری کے فرائض فرسٹ سیکریٹری محمد جنید نے ادا کیے۔
قومی ترانے کی دھن پر چارج ڈی افیئرز جمال ناصر نے پرچم کشائی کی۔ اس موقع پر صدر پاکستان آصف علی زرداری، وزیراعظم محمد شہباز شریف اور نائب وزیراعظم و وزیر خارجہ اسحاق ڈار کے خصوصی پیغامات پڑھ کر سنائے گئے۔
چارج ڈی افیئرز نے اپنے خطاب میں دن کی اہمیت پر روشنی ڈالتے ہوئے پاکستانی کمیونٹی کو مبارکباد دی۔ انہوں نے پاکستان اور نیدرلینڈز کے تعلقات کے بارے میں بھی شرکا کو آگاہ کیا اور اہم کامیابیوں پر روشنی ڈالی۔
انہوں نے کشمیریوں کو غیر قانونی بھارتی قبضے سے حق خودارادیت کےلیے ان کی منصفانہ اور جائز جدوجہد میں خراج تحسین بھی پیش کیا۔ چارج ڈی افیئرز نے پاکستانی کمیونٹی کے فعال کردار کو سراہا۔ انہوں نے کمیونٹی ممبران پر زور دیا کہ وہ پاکستان اور نیدرلینڈز کے تعلقات کے فروغ میں اپنا تعمیری کردار ادا کرتے رہیں۔
تقریب میں سیاسی سماجی اور کاروباری شخصیات سمیت بڑی تعداد میں اوورسیز کمیونٹی نے شرکت کی۔ جن میں سینیئر صحافی کشمیر پیس فورم کے جنرل سیکریٹری راجہ فاروق حیدر، محمد جاوید اقبال کھوکھر، حاجی مشتاق احمد، سہیل احمد، مسلم لیگ ن اوورسیز ہالینڈ کے چیئرمین پیر سید اقرار شاہ، چوہدری پرویز علی سندیلہ، جاوید بٹ پیارے، چوہدری فیصل منظور جنرل سیکریٹری مسلم لیگ ن ہالینڈ، سیکریٹری اطلاعت محمد جاوید اقبال کھوکھر، عبدالباسط خان، سید رضوان احمد، سید اعجاز حسین سیفی دیگر شامل تھے۔
تقریب کا اختتام پاکستان کی خوشحالی، سلامتی اور معاشی استحکام کے لیے خصوصی دعا سے ہوا جو مولانا منیب الرحمن نے کرائی ۔
.ذریعہ: Jang News
کلیدی لفظ: پرچم کشائی کی
پڑھیں:
مصر ؛ پاکستانی سفارتخانہ میں یوم پاکستان روایتی جوش و جذبے کے ساتھ منایا گیا
انور عباس : قاہرہ, مصر میں آج یومِ پاکستان روایتی جوش و جذبے کے ساتھ منایا گیا,
ترجمان پاکستانی سفارتخانہ, قاہرہ کے مطابق پاکستان کے 85ویں یومِ پاکستان کے موقع پر پاکستانی سفارتخانہ میں خصوصی تقریب کا انعقاد کیا گیا ,ناظم الامور ڈاکٹر رضا شاہد نے قومی ترانے کی دھن پر قومی پرچم لہرایا, اس موقع پر پاکستان کی خوشحالی، امن اور ترقی کے لیے خصوصی دعائیں کی گئیں,تقریب میں صدرمملکت، وزیر اعظم، اور نائب وزیر اعظم کے پیغامات بھی پڑھ کر سنائے گئے,پاکستانی سفارتخانے کے حکام اور مصر میں مقیم پاکستانی کمیونٹی کے افراد نے پرچم کشائی کی تقریب میں شرکت کی,
قبل ازیں، ایوانِ صدر کے چیمبرلین نے پاکستانی ناظم الامور سے ملاقات کی,انہوں نے عرب جمہوریہ مصر کے صدر عبدالفتاح السیسی کی جانب سے یومِ پاکستان کے موقع پر تہنیتی پیغام پہنچایا,
بلوچستان میں زلزلے کے جھٹکے
بدقسمتی سے پاکستان میں کال سینٹر انڈسٹری کے حوالے سے تربیت کا قفدان ہے