عالیہ بھٹ اور رنبیر کپور کے یہاں دوسرے ننھے مہمان کی آمد متوقع
اشاعت کی تاریخ: 24th, March 2025 GMT
ممبئی(شوبز ڈیسک)بالی ووڈ کے سپر اسٹار رنبیر کپور نے حال ہی میں ایک انٹرویو میں اپنے مداحوں کو خوشخبری دیتے ہوئے اپنے دوسرے بچے کی آمد کے امکانات کی طرف اشارہ کیا۔
بھارتی میڈیا کے مطابق، رنبیر کپور نے اپنے حالیہ انٹرویو میں اس بات کا انکشاف کیا کہ وہ جلد ہی اپنے جسم پر ایک اور ٹیٹو گدوانے کا ارادہ رکھتے ہیں، اور یہ ٹیٹو ممکنہ طور پر ان کے دوسرے بچے کے نام کا ہو سکتا ہے۔
رنبیر کپور نے بتایا کہ ”میرے گردن پر پہلے سے ہی میری بیٹی راہا کا نام لکھا ہوا ہے، اب میں دوسرے بچے کے نام کا ٹیٹو بنوانا چاہتا ہوں۔“ ان کے اس بیان نے فوراً ہی بھارتی میڈیا اور ان کے مداحوں کی توجہ حاصل کر لی، اور یہ قیاس آرائیاں شروع ہو گئیں کہ کیا رنبیر اور عالیہ بھٹ اپنے دوسرے بچے کی منصوبہ بندی کر رہے ہیں؟
رنبیر نے مزید کہا، ”راہا کے بعد میں نے کوئی نیا ٹیٹو نہیں بنوایا تھا لیکن امید ہے کہ جلد نیا ٹیٹو بنواؤں گا۔“ ان کا یہ بیان اس بات کی طرف اشارہ کرتا ہے کہ وہ اور عالیہ اپنے دوسرے بچے کے بارے میں سنجیدہ ہیں، اور اس کی آمد ممکن ہے۔
اس سے قبل، اداکارہ عالیہ بھٹ نے ایک انٹرویو میں بتایا تھا کہ جب وہ اور رنبیر اپنے پہلے بچے کے لیے نام منتخب کر رہے تھے، تو وہ اپنے گھر کے فیملی گروپ میں سب سے مشورے لے رہے تھے۔ عالیہ نے کہا کہ انہوں نے کئی لڑکوں اور لڑکیوں کے نام دیکھے، اور انہیں ایک لڑکے کا نام بہت پسند آیا تھا، لیکن وہ ابھی اس نام کو ظاہر نہیں کرنا چاہتی۔
یاد رہے کہ رنبیر کپور اور عالیہ بھٹ کی شادی اپریل 2022 میں ہوئی تھی، اور اسی سال ان کی بیٹی راہا کی پیدائش ہوئی تھی۔ دونوں اداکار اپنی شادی اور بیٹی راہا کے ساتھ اپنے خوشگوار زندگی کا لطف اٹھا رہے ہیں۔
40مزیدپڑھیں: روز کا انتظار ختم،ڈرائیونگ لائسنس بنانےوالوں کیلئے اچھی خبرآگئی
ذریعہ: Daily Ausaf
کلیدی لفظ: رنبیر کپور دوسرے بچے عالیہ بھٹ بچے کے
پڑھیں:
کرینہ کپور بھی راہول گاندھی کو ڈیٹ کرنے کی خواہشمند؟
ممبئی(شوبز ڈیسک)شاہد کپور سے تعلق ختم ہونے کے بعد کرینہ کپور اور سیف علی خان کے درمیان قربتیں بڑھنے لگیں، دونوں کی ملاقات ایک فلم کے سیٹ پر ہوئی، جہاں سے ان کی محبت کا آغاز ہوا۔ پھر 2012 میں کرینہ کپور اور سیف علی خان نے شادی کر لی، اور آج یہ جوڑی ایک خوبصورت اور کامیاب خاندان کی مثال بنی ہوئی ہے۔ ان کے دو بیٹے، تیمور اور جہانگیر علی خان، میڈیا کی توجہ کا مرکز رہتے ہیں۔
کرینہ کپور نہ صرف بالی ووڈ کی ایک کامیاب اداکارہ ہیں، بلکہ ایک بہترین بیوی اور ماں بھی ہیں۔ لیکن ان کی زندگی کے کچھ پہلو ایسے بھی ہیں جن سے زیادہ لوگ واقف نہیں ہیں، خاص طور پر شادی سے پہلے ان کا ایک دلچسپ انکشاف۔
کم ہی لوگوں کو علم ہے کہ کرینہ کپور، شادی سے پہلے، ایک معروف سیاستدان پر دل ہار بیٹھی تھیں۔ اس بات کا انکشاف خود کرینہ نے ایک انٹرویو کے دوران کیا۔
کرینہ کپور، جو اپنے کیریئر کے آغاز میں اس مقام تک پہنچنے کے لیے جدوجہد کر رہی تھیں، نے ایک وقت میں مشہور سیاستدان راہول گاندھی کو ڈیٹ کرنے کی خواہش ظاہر کی تھی۔
انہوں نے یہ انکشاف مشہور شو ‘رینڈوو ود سیمی گریوال‘ میں کیا، جہاں ان سے پوچھا گیا کہ اگر انہیں کسی ایک شخص کو ڈیٹ کرنے کا موقع ملے تو وہ کس کا انتخاب کریں گی؟ کرینہ نے جواب دیا، ‘یہ تھوڑا متنازعہ ہو سکتا ہے، لیکن میں راہول گاندھی کو ڈیٹ کرنا چاہوں گی۔‘
کرینہ نے مزید کہا کہ وہ راہول گاندھی کی تصویریں دیکھتی رہتی ہیں اور سوچتی ہیں کہ ان سے ملاقات کتنی دلچسپ ہو سکتی ہے۔ ‘میں ایک فلمی خاندان سے ہوں اور وہ ایک سیاسی خاندان سے، اس لیے ہمارے درمیان بات چیت بہت دلچسپ ہو سکتی ہے۔‘
تاہم، برسوں بعد جب کرینہ سے اس بات کے بارے میں دوبارہ سوال کیا گیا، تو انہوں نے اسے ایک پرانی کہانی قرار دے کر کہا کہ یہ موضوع اب ختم ہو چکا ہے۔ لیکن اس انکشاف نے اس وقت ان کے مداحوں کو حیرت میں ڈال دیا تھا۔
کرینہ کپور کی زندگی ہمیشہ میڈیا کی نظروں میں رہی ہے، اور ان کے افیئرز اور تعلقات نے ہمیشہ عوام کی توجہ کو اپنی طرف کھینچا ہے۔
مزیدپڑھیں:زکوٰۃ کی رقم ایک فرد کو دینا افضل ہے یا متعدد میں تقسیم کرنا؟
عمران خان نے قومی سلامتی کمیٹی اجلاس میں پارٹی کے نہ جانےکا فیصلہ بہتر قرار دیدیا