سوشل میڈیا پر فیروز خان کا ہمشکل' وائرل؛ جانیے حقیقت کیا ہے؟
اشاعت کی تاریخ: 24th, March 2025 GMT
سوشل میڈیا پر ان دنوں پاکستانی اداکار فیروز خان سے ملتے جلتے ایک شخص کی ویڈیوز وائرل ہورہی ہیں، جس نے صارفین کو حیران کردیا ہے۔
مختصر ویڈیوز کی ایپ ٹک ٹاک پر ’’ہینڈسم بوائے‘‘ کے نام سے اکاؤنٹ چلانے والے اس شخص نے خود کو ’’شبیر احمد‘‘ بتایا ہے، جس کے چہرے کے خدوخال پاکستانی اداکار فیروز خان سے کافی حد تک ملتے جلتے نظر آرہے ہیں۔
ہینڈسم بوائے کے اس ٹک ٹاک اکاؤنٹ پر 21.
دلچسپ بات یہ ہے کہ فیروز خان کی مشابہت کے باعث وائرل ہونے والے اس سوشل میڈیا صارف کی خبریں پاکستان کے مختلف نیوز ویب سائٹس پر بھی پڑھنے کو مل رہی ہیں۔ تاہم، کیا یہ شخص واقعی فیروز خان کا ہمشکل ہے؟
ہماری فیکٹ چیک ٹیم نے اس بات کی تحقیقات کی کہ آیا واقعی شبیر احمد نامی یہ صارف فیروز خان کا ہمشکل ہے یا پھر یہ مصنوعی ذہانت (AI) کی ایک چال ہے؟ آئیے جانچتے ہیں۔
کیا یہ ویڈیو اصلی ہے یا AI جنریٹڈ؟
سوشل میڈیا پر موجود ویڈیوز میں دیکھا جاسکتا ہے کہ ’’شبیر احمد‘‘ کے چہرے کے تاثرات اور انداز فیروز خان سے بہت ملتے جلتے ہیں۔ تاہم، کچھ صارفین نے شکوک و شبہات کا اظہار کرتے ہوئے کہا ہے کہ یہ ویڈیوز کسی ایپ یا AI ٹول کی مدد سے بنائی گئی ہیں۔
چہرے کی مشابہت: اگرچہ ویڈیو میں نظر آنے والا شخص جسامت میں فیروز خان جیسا نہیں، لیکن چہرے کے نقوش (فیچرز) تقریباً ایک جیسے ہیں۔
صارفین کے تبصرے: کچھ صارفین کا کہنا ہے کہ یہ ویڈیو کسی فیس سویپ (Face Swap) ایپ یا AI جنریٹڈ ہے، جبکہ کچھ کا خیال ہے کہ یہ شخص قدرتی طور پر فیروز خان سے مشابہت رکھتا ہے۔
ماہرین کا کہنا: یہ AI کا کمال ہے!
ڈیجیٹل میڈیا اور AI کے ماہرین نے ان ویڈیوز کا جائزہ لینے کے بعد بتایا ہے کہ یہ ویڈیوز مصنوعی ذہانت (AI) کی مدد سے تیار کی گئی ہیں۔ خاص طور پر ڈیپ فیک (Deepfake) یا فیس جنریشن ٹیکنالوجی کا استعمال کرتے ہوئے فیروز خان کے چہرے کو کسی دوسرے شخص پر لگایا گیا ہے۔
آپ شیئر کی گئی ویڈیو میں دیکھ سکتے ہیں کہ شبیر احمد نے جتنی بھی ویڈیوز بنائی ہیں ان میں فیس فیچرز خاص طو پر پر ہیئرلائن اور ماتھے کے اوپر آپ کو الگ شیڈ نظر آئے گا جیسے تصویر یا ویڈیو کو جوڑا جاتا ہے۔ نیز جن ویڈیوز میں شبیر احمد کچھ بولتے ہوئے نظر آرہے ہیں وہاں ان کے ہلتے ہوئے ہونٹ اور دانت میچ نہیں کررہے۔
دلچسپ بات یہ ہے کہ جو ایپ یا فیچر شبیر احمد نے استعمال کیا ہے، وہی ڈیپ فیک ٹک ٹاک کے ایک اور صارف نے بھی استعمال کیا ہے جس کا نام صدام ہے۔ صدام کی ٹک ٹاک ویڈیوز پر ابھی اتنے زیادہ لائیک یا فالوورز تو نہیں لیکن اس کا بھی دعویٰ ہے کہ وہ فیروز خان کی طرح دکھائی دیتا ہے۔
نتیجہ: یہ ویڈیو اصلی نہیں، AI کی تخلیق ہے!
ہمارے فیکٹ چیک کے مطابق، سوشل میڈیا پر وائرل ہونے والا ’’فیروز خان کا ہمشکل‘‘ درحقیقت مصنوعی ذہانت (AI) کی مدد سے بنایا گیا ہے۔ اس لیے صارفین کو ایسی ویڈیوز پر یقین کرنے سے پہلے اچھی طرح تحقیق کر لینی چاہیے۔
فیروز خان کا وائرل ہونے والا ہمشکل مکمل طور پر AI کا کمال ہے! سوشل میڈیا پر دیکھی جانے والی ہر چیز پر یقین کرنے سے پہلے سوچ لیں، ورنہ آپ بھی کسی ڈیپ فیک کا شکار ہوسکتے ہیں!
ذریعہ: Express News
کلیدی لفظ: فیروز خان کا ہمشکل سوشل میڈیا پر فیروز خان سے یہ ویڈیو ہے کہ یہ ٹک ٹاک
پڑھیں:
روہت شرما کے انداز سے بیٹنگ کرنے والی 6 سالہ پاکستانی بچی کی ویڈیو وائرل
کراچی:انٹرنیٹ پر ایک 6 سالہ پاکستانی بچی کی ویڈیو تیزی سے وائرل ہورہی ہے جس کی بلے بازی کی صلاحیتوں سے دنیائے کرکٹ حیران رہ گئے۔
یہ بچی بھارتی کرکٹ ٹیم کے کپتان روہت شرما کے انداز سے شارٹ مار رہی ہے جس کی ویڈیو انگلش کرکٹ امپائر رچرڈ کیٹلبرو نے شیئر کی اور بچی کی خدا داد صلاحیتوں سے دنیا کو آگاہ کیا۔
اس بچی کا نام سونیا ہے جس کے پاور فل اسٹروک اُس کے مستقبل اور صلاحیتوں کی غمازی کررہے ہیں۔
سوشل میڈیا صارفین نے ویڈیو دیکھ کر کہا کہ یہ بچی بھارتی کرکٹ اسٹار روہت شرما کی طرح بلے بازی کررہی ہے۔
View this post on InstagramA post shared by Dialogue Pakistan (@dialoguepakistan)
ویڈیو میں دیکھا جاسکتا ہے کہ بچی نے بغیر کسی مشکل کے شاندار انداز سے شارٹ کھیلے۔
انگلش کرکٹ ٹیم کے امپائر نے ویڈیو شیئر کرتے ہوئے لکھا کہ ’اس باصلاحیت بچی کا نام سونیا اور عمر صرف 6 سال ہے اور تعلق پاکستان سے ہے، یہ بچی روہت شرما کی طرح شارٹ ماررہی ہے‘۔
مکران ڈویژن میں تھیلیسیمیا کے مرض کا روایتی ’’علاج‘‘