ایمازون کے بانی جیف بیزوس کا دوسری شادی کا فیصلہ، دُلہن کون ؟
اشاعت کی تاریخ: 24th, March 2025 GMT
ایمازون کے بانی جیف بیزوس نے دوسری شادی کافیصلہ کرلیا، وہ اور ان کی منگیتر لورین سانچیز اس موسم گرما میں اٹلی کے شہر وینس میں شادی کے بندھن میں بندھنے جا رہے ہیں۔
یہ شادی منگنی کے دو سال بعد ہو رہی ہے دونوں نے مئی 2023 میں منگنی کی تھی ،اس سے قبل 61 سالہ بیزوس اور 55 سالہ سانچیز نے اپنی سابقہ شادیوں کا اختتام 2019 اور 2023 میں کیا تھا۔
ایک رپورٹ کے مطابق جوڑے نے شادی کے دعوت نامے بھیجنے کا عمل شروع کر دیا ہے،اگرچہ شادی کی حتمی تاریخ ابھی راز میں رکھی گئی ہے لیکن ذرائع کا کہنا ہے کہ یہ تقریب ممکنہ طور پر جون میں منعقد ہو سکتی ہے۔
زیرگردش افواہوں کے مطابق جوڑا اپنی شادی جیف بیزوس کے لگژری 500 ملین ڈالر کے سپریاٹ ”کورو“ پر کرے گا جو اٹلی کے ساحل کے قریب موجود ہو گا، اس مقام کی خاص اہمیت ہے کیونکہ یہ وہی جگہ ہے جہاں بیزوس نے سانچیز کو پروپوز کیا تھا اور بعد میں منگنی کی تقریب بھی یہیں منعقدکی تھی۔
اس شادی کی مہمانوں کی فہرست میں ٹیکنالوجی اور انٹرٹینمنٹ انڈسٹری کی کئی نامور شخصیات شامل ہونے کی توقع ہے۔
منگنی کی تقریب میں مائیکروسافٹ کے بانی بل گیٹس اور ان کی ساتھی پاؤل ہرد سمیت کئی مشہور شخصیات نے شرکت کی تھی جبکہ تقریب میں اوپرا ونفری، کرس جینر، سلمیٰ ہائیک پینالٹ، باربرا اسٹریسینڈ، مرانڈا کر، سوکی واٹر ہاؤس اور رابرٹ پیٹنسن جیسے شوبزستاروں نے بھی شرکت کی تھی۔
لورین سانچیز نے 2018 میں جیف بیزوس کے ساتھ ڈیٹنگ شروع کی تھی اورجولائی 2019 میں بیزوس کی اپنی پہلی بیوی میکنزی سکاٹ سے طلاق کے بعد اپنی محبت کا باضابطہ اعلان کیا تھا۔
ارب پتی بیزوس نے 2023 میں اپنے سپر یاٹ پر یورپ کے سفر کے دوران سانچیز کو پروپوز کیااور اگلے ہی دن سانچیز کو ایک بڑی ہیرے کی انگوٹھی پہنے دیکھا گیا، جس کی مالیت تقریباً ڈھائی ملین ڈالر تھی۔
لورین سانچیز 1969 میں امریکی شہر البوکرکی میں پیدا ہوئیں، وہ ایک سابق براڈکاسٹ جرنلسٹ ہیں جنہوں نے بطور انٹرٹینمنٹ رپورٹر اور نیوز اینکر کام کیا۔
اس سے قبل سانچیزنے ہالی ووڈ ایجنٹ پیٹرک وائٹسل سے شادی کی تھی ، جن سے ان کے دو بچے ایلا اور ایون ہیں، اس کے علاوہ سابق این ایف ایل کھلاڑی ٹونی گونزالیز سے بھی ان کا ایک 23 سالہ بیٹا بھی ہے۔
Post Views: 1.ذریعہ: Daily Mumtaz
پڑھیں:
لاہور میں 22 سالہ لڑکی کو قتل کر دیا گیا
— فائل فوٹولاہور کے علا قے شاہدرہ میں 22 سالہ لڑکی کو قتل کر دیا گیا۔
پولیس کے مطابق قتل ہونے والی لڑکی کی لاش کو پوسٹ مارٹم کے لیے بھجوا دیا گیا ہے، جبکہ قتل کی وجوہات کا علم نہیں ہوسکا ہے۔
ایف آئی آر کے مطابق ملزم لڑکی سے شادی کرنا چاہتا تھا لیکن لڑکی اور اس کی والدہ نے انکار کردیا۔
قتل کرنے کے بعد نامعلوم ملزمان جائے وقوع سے فرار ہو گئے۔
پولیس نے واقعے کا مقدمہ درج کر کے ملزمان کی تلاش شروع کر دی ہے۔
ڈاکٹر جاوید اقبال۔۔۔ ایک شخصیت باکمال