کریک ڈاؤن میں تیزی، یو اے ای میں وزٹ ویزہ والوں کیلئے وارننگ جاری
اشاعت کی تاریخ: 24th, March 2025 GMT
دبئی ( اُردو پوائنٹ اخبارتازہ ترین۔ 24 مارچ 2025ء ) متحدہ عرب امارات میں کریک ڈاؤن میں شدت آنے پر وزٹ ویزہ پر مقیم افراد کو ٹریول ایجنٹس نے خبردار کر دیا۔ خلیج ٹائمز کے مطابق ٹریول ایجنٹس نے دعویٰ کیا ہے کہ دبئی کے حکام نے امارات میں وزٹ ویزے پر کام کرنے والے افراد کے خلاف کریک ڈاؤن تیز کردیا ہے، اس کی وجہ سے ملک میں زیادہ قیام کرنے والے لوگوں کی تعداد میں نمایاں کمی واقع ہوئی ہے۔
سمارٹ ٹریولز کے جنرل مینیجر محفوظ محمد نے بتایا کہ "ہم نے حال ہی میں حکام کی جانب سے متعدد کمپنیوں کا معائنہ کرنے کے بارے میں سنا ہے، معائنے کی ٹیمیں پچھلے کچھ مہینوں میں کئی بار ہمارے آفس کا دورہ بھی کرچکی ہیں کیوں کہ امارات میں وزٹ ویزہ پر کام کرنا غیرقانونی ہے، حکام اب اس بات کو یقینی بنا رہے ہیں کہ ہر کوئی قوانین پر سختی سے عمل کرے، ان اقدامات نے وزٹ ویزہ سے زائد افراد کی تعداد کو نصف سے کم کرنے میں کلیدی کردار ادا کیا ہے، جنوری سے ہم نے دیکھا ہے کہ وزٹ ویزے پر زیادہ قیام کرنے والے لوگوں کی تعداد 10 فیصد سے بھی کم ہو گئی ہے"۔(جاری ہے)
بتایا گیا ہے کہ کریک ڈاؤن ایمنسٹی سکیم کے خاتمے کے بعد سے شروع کیا گیا ہے، اس سکیم کے تحت اپنے ویزوں سے زائد قیام کرنے والے یا تو اپنی حیثیت کو قانونی بنا سکتے تھے یا انہیں جرمانے کا سامنا کیے بغیر اپنے آبائی ممالک واپس جانے کی اجازت دی گئی تھی، ستمبر سے دسمبر 2024ء تک جاری رہنے والے اس پروگرام نے ہزاروں لوگوں کو اپنے ویزے کے مسائل حل کرنے میں مدد کی، تاہم ایمنسٹی سکیم کے خاتمے کے بعد حکام نے رواں برس جنوری میں معائنہ مہم کے دوران 6 ہزار سے زائد خلاف ورزی کرنے والوں کو گرفتار کیا۔ پلوٹو ٹریولز کے بھرت ایڈاسانی نے زور دے کر کہا کہ "متحدہ عرب امارات میں وزٹ ویزہ پر کام کرنا ہمیشہ سے غیر قانونی رہا ہے، اس لیے ہم اپنے صارفین کو سختی سے مشورہ دیتے ہیں کہ وہ اپنے وزٹ ویزہ کی معیاد سے زائدیو اے ای میں قیام نہ کریں کیوں کہ ایمنسٹی سکیم کے خاتمے کے بعد سے معائنے زیادہ کثرت سے ہو گئے ہیں اور سزائیں سخت ہیں، جس کا نتیجہ وزٹ ویزہ پر کام کرنے والوں کو پکڑے جانے پر ملک بدر کرنا ہے"۔ اسی طرح الہند ٹریولز بزنس سینٹر سے تعلق رکھنے والے نوشاد حسن نے بھی بتایا کہ "معافی ختم ہونے کے بعد سے کئی کمپنیوں کا معائنہ کیا گیا، ہم نے سنا ہے کہ کئی کمپنیوں کی جانچ پڑتال کی جا رہی ہے تاکہ یہ یقینی بنایا جا سکے کہ وزٹ ویزہ پر موجود کوئی بھی وہاں کام نہیں کر رہا، یہ یقینی بنانے کا ایک بہترین طریقہ ہے کہ قوانین کی پیروی کی جا رہی ہے، جس سے ہم نے وزٹ ویزہ سے زیادہ قیام کرنے والے لوگوں کی تعداد میں مسلسل کمی دیکھی ہے اس لیے اس کا واقعی مثبت اثر ہو رہا ہے"۔ یہاں قابل ذکر بات یہ ہے کہ متحدہ عرب امارات حکام کی جانب سے حال ہی میں اپنے قوانین میں ترمیم کرکے یہ شرط عائد کی گئی ہے کہ سیاحتی ویزے پر متحدہ عرب امارات آنے والے افراد کے لیے ایئر ٹکٹ، ہوٹل ریزرویشن اور ایک مخصوص رقم نقد یا اپنے بینک اکاؤنٹس میں کنفرم ہونی چاہیئے، اس طرح کے نئے قوانین اور بڑھتے ہوئے معائنے کے ساتھ وزٹ ویزوں پر ملازمین سے کام لینے والی کمپنیوں کے لیے کارکنوں کا ناجائز فائدہ اٹھانا مشکل ہوگیا۔.ذریعہ: UrduPoint
کلیدی لفظ: تلاش کیجئے متحدہ عرب امارات قیام کرنے والے وزٹ ویزہ پر امارات میں کریک ڈاؤن کی تعداد سکیم کے پر کام کے بعد
پڑھیں:
منشیات اسمگلنگ کیخلاف اے این ایف کا کریک ڈاؤن، 2 کروڑ سے زائد کی منشیات برآمد
اینٹی نارکوٹکس فورس ( اے این ایف) نے منشیات اسمگلنگ کے خلاف کریک ڈاؤن میں 2 کروڑ روپے مالیت سے زائد کی منشیات برآمد کرکے 4 ملزمان کو گرفتار کرلیا۔
ترجمان اے این ایف کے مطابق ملک کے مختلف شہروں میں کارروائیوں میں 2 کروڑ سے زائد مالیت کی 17.835 کلو گرام منشیات برآمد ہوئی۔ پشاور میں جمرود روڈ خیبر کے قریب گاڑی میں چھپائی گئی 10 کلو گرام ہیروئن برآمد کر کے ملزم کوگرفتارکر لیا گیا۔
مزید پڑھیں: سعودی عرب، دبئی، مالدیپ منشیات اسمگلنگ کی کوشش ناکام
میانوالی میں ریلوے پھاٹک کے قریب ملزم کے قبضے سے 4.5 کلو گرام آئس برآمد ہوئی۔ ایم ون موٹر وے اسلام آباد کے قریب گرفتار ملزم سے 2.590 کلو گرام افیون برآمد کی گئی۔ ایم ون موٹر وے اسلام آباد کے قریب ایک اور کاروائی میں ملزم سے 745 گرام چرس برآمد ہوئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات شروع کردی گئی ہیں۔
مکران ڈویژن میں تھیلیسیمیا کے مرض کا روایتی ’’علاج‘‘