چینی کی قیمت اور حکومت کے وزرا کی تنخواہیں شہباز اسپیڈ سے بڑھ رہی ہیں: بیرسٹر سیف
اشاعت کی تاریخ: 24th, March 2025 GMT
خیبر پختونخوا کے مشیر اطلاعات بیرسٹر ڈاکٹر محمد علی سیف نے کہا ہے کہ چینی کی قیمت اور حکومت کے وزرا کی تنخواہیں شہباز اسپیڈ سے بڑھ رہی ہیں۔
اپنے بیان میں مشیر اطلاعات خیبر پختونخوا بیرسٹر ڈاکٹر محمد علی سیف نے چینی کی قیمتوں میں اضافے پر حکومت پر شدید تنقید کرتے ہوئے کہا ہے کہ چینی کی قیمتیں بڑھنے کی وجہ ہے کہ حکمران اور چینی کے کارخانوں کے مالکان ایک ہی ہیں۔
انہوں نے کہا کہ خام چینی درآمد کرنے کا شہباز شریف حکومت کا فیصلہ حکمران چینی مافیا کو ایک اور ناجائز فائدہ پہچانے کی مجرمانہ کوشش ہے ،شوگر مافیا نے ناجائز منافع سے اپنی عید میٹھی اور عوام کی عید پھیکی کر دی ہے۔
بیرسٹر سیف نے مزید کہا کہ حکومت کی جانب سے سرکولیشن سمری کے ذریعے وزراء کی تنخواہوں میں 188 فیصد اضافہ کر دیا گیا ہے جو اس بات کا ثبوت ہے کہ 20 مارچ کو وفاقی کابینہ کی طرف سے رضاکارانہ کام کرنے کا اعلان محض ایک سیاسی ڈرامہ تھا۔
ان کا کہنا تھا کہ مہنگائی کے مارے عوام کو ہر ممکن ریلیف دینا حکومت کی اولین ذمہ داری ہونی چاہیے، لیکن بدقسمتی سے وہ خود مہنگائی کو فروغ دینے والے فیصلے کر رہی ہے۔
ڈاکٹر محمد علی سیف نے سینیٹر عرفان صدیقی سے اپیل کی کہ وہ وزیراعظم شہباز شریف سے کہیں کہ تنخواہیں بڑھانے کے بجائے چینی کی قیمتیں کم کرائیں۔
.ذریعہ: Al Qamar Online
پڑھیں:
حکومتی دعویٰ دھرا کا دھرا رہ گیا، عوام 163 روپے کلو کے بجائے مہنگی چینی لینے پر مجبور
اسلام آباد (ڈیلی پاکستان آن لائن )حکومت 163روپے فی کلو چینی نہ دے سکی جس کے باعث عوام مہنگی چینی لینے پر مجبور ہیں۔
نجی ٹی وی جیو نیوز کے مطابق وفاقی وزیر قومی غذائی تحفظ رانا تنویر حسین نے دعویٰ کیاکہ ملک میں چینی 163روپے فی کلو میں دستیاب ہے، چینی کی قیمت میں مسئلہ ذخیرہ اندوزوں اور منافع خوروں کی وجہ سے ہے جبکہ چینی کے ذخائر وافر ہیں۔انہوں نے کہا کہ یقین دلاتے ہیں چینی کی قیمتوں میں غیر معمولی اضافہ نہیں ہوگا۔
وفاقی وزیر کے دعوے اپنی جگہ لیکن ملک بھر میں چینی کی قیمت کہیں زیادہ ہے، کوئٹہ میں چینی بدستور 175 سے 180 روپے اور کراچی میں 170 روپے کلو میں فروخت ہورہی ہے۔
تمیم اقبال آئی سی یو میں زیر علاج، بنگلہ دیشی کرکٹر کیلئے 24 گھنٹے اب بھی اہم قرار
مزید :
مسلط لوگ کبھی بھی عوام کے خیر خواہ نہیں ہوسکتے، حافظ نعیم الرحمان