چینی کی ایکسپورٹ کے بارے میں خبریں حقائق سے متصادم ہیں: رانا تنویر
اشاعت کی تاریخ: 24th, March 2025 GMT
اسلام آباد (ڈیلی پاکستان آن لائن )وفاقی وزیرِ قومی غذائی تحفظ رانا تنویر حسین نے کہا ہے کہ میڈیا پر پھیلائی جانے والی افواہوں کا مقصد عوام میں بے یقینی پیدا کرنا ہے، چینی کی ایکسپورٹ کے بارے میں خبریں حقائق سے متصادم ہیں۔
روز نامہ جنگ کے مطابق میڈیا سے گفتگو کے دوران رانا تنویر حسین نے کہا ہے کہ حکومت یقین دلاتی ہے کہ چینی کی قیمتوں میں غیر معمولی اضافہ نہیں ہو گا، ملک میں چینی کا وافر ذخیرہ موجود ہے، مقامی ضروریات پوری کرنے کے لئے چینی کی وافر مقدار دستیاب ہے۔
انہوں نے کہا کہ عام آدمی کا غذائی تحفظ یقینی بنانا ہماری اولین ترجیح ہے، چینی کی قیمت میں مسئلہ ذخیرہ اندوزوں اور منافع خوروں کی وجہ سے ہے۔
وفاقی وزیر رانا تنویر حسین کا کہنا ہے کہ ملک میں چینی 153 روپے فی کلو دستیاب ہے جس سے ظاہر ہے کہ مارکیٹ میں فراہمی برقرار ہے، حکومت صوبوں کے ساتھ مل کر اس مسئلے کا جائزہ لے رہی ہے۔
رانا تنویر حسین نے کہا کہ گزشتہ سال چینی کا سٹاک 76 لاکھ ٹن تھا اور ملکی ضروریات 63 لاکھ ٹن تک محدود رہیں۔
ان کا کہنا ہے کہ سٹاک تقریباً 15 لاکھ ٹن میں تقسیم ہوتا ہے، جس میں سے آدھی سے زیادہ کو برآمد کر دیا گیا، اس سال گنے کے رقبے میں 2 فیصد اضافہ ہوا ہے۔
رانا تنویر حسین نے یہ بھی کہا کہ موسمی تبدیلیوں اور دیگر عوامل کی وجہ سے پیداوار میں معمولی کمی دیکھنے میں آئی، سٹاک کی موجودگی سے واضح ہے کہ چینی کی سپلائی میں کسی قسم کی کمی نہیں آئی۔
پاک بنگلہ دیش سیریز سے ون ڈے میچز ختم کرنے کا فیصلہ
مزید :.ذریعہ: Daily Pakistan
کلیدی لفظ: رانا تنویر حسین نے چینی کی نے کہا
پڑھیں:
عید کے بعد پی ٹی آئی سے کیسی خبریں آئیں گی؟ فیصل جاوید نے بتا دیا
فیصل جاوید— فائل فوٹوپی ٹی آئی کے رہنما فیصل جاوید نے کہا ہے کہ عید کے بعد اچھی خبریں آئیں گی، سینئر لیڈرشپ اپوزیشن جماعتوں سے رابطے میں ہے۔
پشاور میں میڈیا سے گفتگو کرتے ہوئے فیصل جاوید نے کہا کہ اپوزیشن جماعتوں کا مضبوط الائنس بن رہا ہے۔ جو جماعتیں آئین، قانون اور جمہوریت کےساتھ کھڑی ہوں گی ان کو پذیرائی ملے گی،
فیصل جاوید نے کہا کہ آئین کی بالادستی اور جمہوریت کے لیے سب کو نکلنا ہوگا، وفاقی وزراء بیرون ملک دورے کر رہے ہیں انہیں عوام کی فکر نہیں۔
ڈسٹرکٹ اینڈ سیشن کورٹ اسلام آباد نے وزیراعلیٰ خیبرپختونخوا علی امین گنڈاپور کے خلاف آڈیو لیک کیس کی سماعت بغیر کارروائی کے ملتوی کردی۔
انہوں نے کہا کہ عوام مہنگائی کی چکی میں پس رہے ہیں اور کابینہ اپنی تنخواہیں بڑھا رہی ہے، مجھے عمرہ کے لیے نہیں جانے دیا جا رہا۔
فیصل جاوید نے کہا کہ آج کے دن 1992ء میں پاکستان نے کرکٹ ورلڈ کپ جیتا تھا، پاکستان نے واحد ون ڈے ورلڈ کپ بانیٔ پی ٹی آئی کی قیادت میں جیتا۔
مسلط لوگ کبھی بھی عوام کے خیر خواہ نہیں ہوسکتے، حافظ نعیم الرحمان