افغانستان میں زیرحراست برطانوی جوڑے کا ٹرائل تاخیر کا شکار، خاندان کو صحت سے متعلق خدشات
اشاعت کی تاریخ: 24th, March 2025 GMT
افغانستان میں زیرحراست برطانوی نژاد جوڑے کا ٹرائل تاخیر کا شکار ہوگیا ہے جس کے بعد ان کے خاندان کے معمر جوڑے کی صحت سے متعلق خدشات بڑھ گئے ہیں۔
افغانستان میں تعلیمی پروگرام چلانے والے معمر جوڑے کو طالبان حکام نے گزشتہ 2 مہینوں سے قید میں رکھا ہوا ہے۔
میڈیا رپورٹس کے مطابق پیٹر رینولڈز کی عمر 79 جبکہ ان کی اہلیہ باربی کی عمر 75 سال ہے جو پچھلے 18 سالوں سے افغانستان میں مقیم تھے اور افغانستان پر طالبان کے قبضے کے بعد بھی وہیں رہے، ان کے پاس افغانستان کی شہریت بھی تھی۔
یہ بھی پڑھیے: افغانستان میں طالبان کے ہاتھوں گرفتار برطانوی جوڑا کون ہے؟
ہفتے کے روز دونوں کو ہتھکڑیوں کے ساتھ کابل کی ایک عدالت میں پیش کیا گیا تاہم مقدمہ شروع ہونے سے قبل انہیں اطلاع دی گئی کہ ان کے جج کو تبدیل کیا گیا ہے جس کے بعد ان کے کیس کی سماعت تاخیر کا شکار ہوگیا۔
ان کی بیٹی نے بین الاقوامی میڈیا کو بتایا کہ ان کے والدین کو جس سخت سیکیورٹی کی حامل جیل میں رکھا گیا ہے وہاں حالات انتہائی سخت ہیں، ان کی والدہ کی صحت خوراک کی کمی کی وجہ سے بگڑ گئی ہے اور انہیں دن میں سرف ایک بار کھانا دیا جاتا ہے۔
یہ بھی پڑھیے: افغان طالبان نے گرفتار برطانوی جوڑے کو ہائی سیکیورٹی جیل میں منتقل کردیا
ان کا کہنا تھا کہ ان کے والد کی صحت بھی تیزی سے خراب ہورہی ہے اور ان کے سر اور بائیں ہاتھ میں بھی رعشہ پیدا ہوگیا ہے، ان کے والدین کے خلاف نہ ہی کوئی الزامات ہیں اور نہ ہی کسی جرم میں ملوث ہونے کے شواہد عدالت میں جمع کیے گئے ہیں۔
میڈیا رپورٹس کے مطابق ایک مہینے سے قید پیٹر رینولڈز اور ان کی اہلیہ افغانستان میں ’ری بلڈ‘ نامی ایک تنظیم چلاتے تھے جو تعلیمی اور کاروباری شعبے اور حکومتی اداروں میں افراد کو تربیت دیتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Afghanistan arrest BRITISH COUPLE افغانستان برطانوی جوڑا.ذریعہ: WE News
کلیدی لفظ: افغانستان برطانوی جوڑا افغانستان میں
پڑھیں:
گھر سے بھاگ کر ایک ہونیوالے جوڑے کی 64 سال بعد باضابطہ شادی
ممبئی(ویب ڈیسک)بھارت میں گھر سے بھاگنے کے 64 سال بعد بزرگ جوڑے ہرش اور مرودوکی شادی کی تقریب کا شاندار اہتمام کیا گیا-
باغی ٹی وی : پسند کی شادی کے لئے گھر سے بھاگنے کے 64 سال بعد بزرگ جوڑے ہرش اور مرودوکی شادی کی تقریب کا شاندار اہتمام دیکھنے میں آیا جس میں خاندان بھر کے تمام افراد نے شرکت کی اور اس شادی کی تقریب کی تصاویر بھی سوشل میڈیا پر وائرل ہیں۔
بھارتی ڈیزائنر کانکو تھاپا نامی سوشل میڈیا اکاؤنٹ پر بزرگ جوڑے کی شادی کی تصاویر شیئر کی گئی ہیں جن میں ہرش کو سر پر پگڑی اور گلے میں ہار پہنے جب کہ مرودو کو لال خوبصورت عروسی ساڑھی میں انتہائی خوش دیکھا جاسکتا ہے۔
پوسٹ کے مطابق’ ہرش اور مرودو کا تعلق بھارت کے شہر گجرات سے ہے جن کی محبت کا آغاز 1960کی دہائی میں اس وقت ہوا جب پسند کی شادی کا تصور بھی نہیں کیا جاسکتا تھا،ہرش، ایک جین آدمی، اور مرودو، ایک ہندو عورت تھی-
پوسٹ میں بتایا گیا ہے کہ ہرش اور مرودو کی پہلی ملاقات اسکول میں ہوئی جس کے بعد دونوں کو ایک دوسرے سے محبت ہوگئی اور پھر دونوں کے درمیان خطوط کا تبادلہ ہونے لگا لیکن جب اس محبت کی اطلاع ہرش اور مرودو کے گھر والوں کو ملی تو دونوں خاندانوں نے اس محبت کی شدید مخالفت کی-
پوسٹ کے مطابق ’خاندانی دباؤ ملنے پر ہرش اور مرودو نے گھر سے بھاگ کر ہمیشہ کیلئے ایک ہوجانے کا فیصلہ کیا، اس وقت مرودو 10 روپے کی ساڑھی پہنے ہرش کی زندگی میں ہمیشہ کیلئے شامل ہوگئیں‘۔
انہوں نے اپنی زندگی کو شروع سے بنایا، یہ ثابت کیا کہ محبت تقریبات کے بارے میں نہیں ہے بلکہ ہر اونچ نیچ میں ایک دوسرے کے ساتھ کھڑے ہونے کے بارے میں ہے آہستہ آہستہ، ان کی محبت اور استقامت ان کے خاندانوں پر جیت گئی۔ ان کے بچے اور بعد میں، پوتے ان کی لچک اور لگن کی ناقابل یقین کہانی سن کر بڑے ہوئے۔
اور اس سال، ہرش اور مرودو کی شادی کی 64 ویں سالگرہ پر ان کے نواسے نواسیوں ، پوتے پوتیو ں ان کیلئے شاندار شادی کا اہتما م کیا گیا جس میں خاندان بھر کے افراد نے شرکت کی۔
مزیدپڑھیں:وفاقی حکومت کے تحت تعینات پروفیشنلز کو کتنا ڈیلی الاؤنس ملے گا؟ اہم فیصلہ کر لیا گیا
بدقسمتی سے پاکستان میں کال سینٹر انڈسٹری کے حوالے سے تربیت کا قفدان ہے