یوم پاکستان، حریت کانفرنس آزاد کشمیر شاخ کیطرف سے کانفرنس کا انعقاد
اشاعت کی تاریخ: 24th, March 2025 GMT
کانفرنس کی صدارت حریت کانفرنس آزاد کشمیر شاخ کے سینئر رہنما محمد فاروق رحمانی نے کی جبکہ مہمان خصوصی سابق سنیٹر فرحت اللہ بابر تھے۔ اسلام ٹائمز۔ کل جماعتی حریت کانفرنس آزاد جموں وکشمیر شاخ نے ”یوم پاکستان“ کی مناسبت سے اسلام آبادمیں اپنے دفتر میں ایک کانفرنس کا انعقاد کیا۔ ذرائع کے مطابق کانفرنس کی صدارت حریت کانفرنس آزاد کشمیر شاخ کے سینئر رہنما محمد فاروق رحمانی نے کی جبکہ مہمان خصوصی سابق سنیٹر فرحت اللہ بابر تھے۔ کانفرنس کے مقررین نے کہا کہ 23 مارچ 1940ء کو لاہور کے منٹو پارک میں پیش کی گئی قرارداد نے مسلمانوں کے لیے ایک نئی راہ متعین کی۔ انہوں نے کہا کہ ہمیں ان تمام عظیم قربانیوں کو یاد رکھنا چاہیے جو ایک آزاد وطن کے حصول کے لیے دی گئی ہیں۔ مقررین نے کہا کہ پاکستان میں شمولیت کا کشمیریوں کا خواب ایک دن ضرور پورا ہو گا۔ مقررین نے کہا کہ ہم قائداعظم محمد علی جناح کی ولولہ انگیز قیادت اور علامہ اقبال کے بصیرت افروز نظریات کو خراج تحسین پیش کرتے ہیں۔ انہوں نے کہا کہ قائداعظم نے علامہ اقبال کے خواب کو حقیقت میں بدلنے کے لیے انتھک محنت کی۔مقررین نے کہا کہ ایک مضبوط اور مستحکم پاکستان تحریک آزادی کشمیر کی کامیابی کے لیے ضروری ہے۔ انہوں نے کہا کہ پاکستان کی مضبوط معیشت، مستحکم سیاسی نظام اور مضبوط دفاعی صلاحیت کشمیری عوام کے حق خودارادیت کے حصول میں مدد فراہم کرنے کے لئے انتہائی ضروری ہے۔
انہوں نے کہا کہ پاکستان اپنی مشکلات کے باوجود کشمیری عوام کی بھرپور اخلاقی، سیاسی اور سفارتی حمایت کر رہا ہے۔ انہوں نے بھارت کی طرف سے مقبوضہ جموں و کشمیر میں آبادی کے تناسب کو تبدیل کرنے کی کوششوں کی مذمت کرتے ہوئے اقوام متحدہ اور انسانی حقوق کی تنظیموں پر زور دیا کہ وہ بھارت کو غیر قانونی و غیر آئینی اقدامات اٹھانے سے باز رکھے۔ کانفرنس میں ریٹائرڈ جنرل عبدالقیوم، برگیڈیر ارشد محمود، عبداللہ گل، غلام رضا نقوی، چوہدری یسین، رضوان صیفی، ،مشتاق احمد بٹ، محمود احمد ساغر، سید یوسف نسیم، سید گلشن، میر طاہر مسعود، الطاف احمد بٹ، ثناءاللہ ڈار، سید اعجاز رحمانی، حسن بنا، امتیاز وانی، داواد یوسف زئی، حاجی سلطان بٹ، جاوید جہانگیر، چوہدری شاہین اقبال، میاں مظفر، نزیر کرناہی، عدیل مشتاق، شیخ عبدالماجد، عبدالمجید لون، منظور احمد ڈار، محمد اشرف ڈار، عبدالحمید لون، راجہ پرویز، غلام نبی بٹ، خالد شبیر، آفسر خان، محمد زین العابدین اور دیگر لوگ شریک تھے۔
ذریعہ: Islam Times
کلیدی لفظ: حریت کانفرنس آزاد مقررین نے کہا کہ انہوں نے کہا کہ کے لیے
پڑھیں:
بی این پی کا بلوچستان کے مسائل پر اے پی ایس کے انعقاد کا اعلان
کوئٹہ میں پریس کانفرنس کرتے ہوئے بی این پی رہنماؤں نے اعلان کیا کہ ماہ رنگ بلوچ و دیگر کی گرفتاری و خواتین پر تشدد پر آل پارٹیز کانفرنس منعقد کیا جائیگا۔ اسلام ٹائمز۔ بلوچستان نیشنل پارٹی نے بلوچ یکجہتی کمیٹی کی رہنماء ماہ رنگ بلوچ کی گرفتاری اور خواتین پر تشدد کے مسائل پر آل پارٹیز کانفرنس طلب کر لیا۔ کوئٹہ میں پریس کانفرنس کرتے ہوئے بی این پی کے مرکزی ڈپٹی سیکرٹری جنرل ملک نصیر شاہوانی، مرکری سیکرٹری اطلاعات آغا حسن بلوچ، سابق گورنر ملک ولی، غلام نبی مری، ثناء بلوچ و دیگر نے کہا کہ بلوچ یکجہتی کمیٹی پرامن جدوجہد کر رہی ہے۔ ماہ رنگ بلوچ متعدد خواتین جیلوں، جبکہ 200 کے قریب مظاہرین مختلف تھانوں میں بند ہیں۔ بی این پی نے ان اقدامات کی مذمت کرتے ہوئے مطالبہ کیا کہ بی وائی سی کے رہنماؤں کو رہا اور پرامن احتجاج پر حملے اور کریک ڈاؤن کے احلامات دینے والوں کے خلاف مقدمہ درج کیا جائے۔
بی این پی رہنماؤں نے بلوچستان کی موجودہ صورتحال اور مسائل کا ذمہ دار حکومت کو قرار دیا۔ انہوں نے کہا کہ بلوچستان کی تمام سیاسی جماعتوں، طلباء تنظیموں، تاجر برادری، علماء اور صحافیوں سمیت انسانی حقوق کی تنظیموں کو یکجا کرکے بلوچستان کے مسائل کے حل کا فیصلہ کیا جائے۔ بی این پی نے تین روز کیلئے سوگ کا بھی اعلان کیا۔ انہوں نے اعلان کیا کہ عید الفطر کے فوری بعد صوبائی سطح پر کانفرنس کا انعقاد کریں گے۔ اسکے ساتھ ساتھ بلوچستان نیشنل پارٹی کے رہنماؤں نے بلوچستان کے مختلف طبقات سے تعلق رکھنے والے افراد کی بڑی تعداد کے نام فورتھ شیڈول میں ڈالنے کی بھی مذمت کی۔
بدقسمتی سے پاکستان میں کال سینٹر انڈسٹری کے حوالے سے تربیت کا قفدان ہے