ایم ڈی اے، سابق کرپٹ افسران نیب کے نرغے میں آگئے
اشاعت کی تاریخ: 24th, March 2025 GMT
پانچ گریڈ کے میل ویکسی نیٹر عرفان بیگ نے 2025تک سرکاری زمینوں پر قبضے کیے
شاہ لطیف ٹاؤن میں سیکٹر24کی زمین کا جعلی لے آؤٹ پلان کی انکوائری بھی جاری
سابق کرپٹ افسران نیب کے نرغے میں آگئے۔اطلاعات کے مطابق قومی احتساب بیورو میں ایم ڈی اے کے افسران کے خلاف کارروائی بہت تیز رفتاری سے چل رہی ہے ۔ان جعلساز افسران میں شامل عرفان بیگ اور لئیق احمد بھی سرفہرست ہیں۔ خاص طور پر عرفان بیگ جس نے 2021 سے لیکر 2025 تک ایم ڈی اے میں لاتعداد کرپشن اور سرکاری زمینوں پر قبضے کیے ہیں اب باقاعدہ طور پر عرفان بیگ کے خلاف نیب سندھ میں کاروائی کا آغاز کیا گیا ہے ۔ جس میں محکمہ اینٹی کرپشن بھی قومی احتساب بیورو کی معاونت میں شامل ہے چونکہ عرفان بیگ کے خلاف متعدد شکایات درج ہیں جن میں پانچ گریڈ کے میل ویکسینٹر، اربوں روپے کے کمرشل پلاٹس، جعلی لے آؤٹ پلان، عوامی پلاٹس پر قبضے کرا کر من پسند لوگوں سے اربوں روپے پکڑ کر جعلی ہاؤسنگ سوسائٹی شامل ہیں۔ ذرائع کے مطابق عرفان بیگ اور لئیق احمد نے شاہ لطیف ٹاؤن میں بھی سیکڑ 24 کی زمین کا جعلی لے آؤٹ پلان پاس کر کے دیا ہے جس کی انکوائری نیب میں زیر سماعت ہے ۔ عرفان بیگ کافی عرصے تک ایم ڈی اے کے سیاہ و سفید کا مالک بنا رہاہے اور اپنے آقاؤں کی مدد سے قانون نافذ کرنے والے اداروں کو اکثر چکمہ دینے میں کامیاب بھی رہا ہے لیکن جب سے احتساب کا شکنجہ کسا گیا ہے سارے آقا جو سسٹم مافیا کے نام سے مشہور تھے سب بلوں میں چلے گئے ہیں اور اب عرفان بیگ نے لینڈ گریبنگ، جعلی لے آؤٹ پلان، سرکاری ریکارڈ میں خرد برد کر کے اربوں روپے لوٹے ہیں احتساب کے ریڈار پر آگئے ہیں۔ عرفان بیگ کے قریبی ذرائع کے مطابق اس وقت عرفان بیگ کے پاس دو ارب سے اوپر رقم موجود ہے باقی اگر پراپرٹی کی کی بات کی جائے تو عرفان بیگ کی پراپرٹی پورے پاکستان اور پاکستان سے باہر ترکی اور آذربائجان میں بھی پھیلی ہوئی ہے ۔ عرفان بیگ کا کراچی میں گھر جسکی مالیت 12 کروڑ سے اوپر ہے اس بات کا منہ بولتا ثبوت ہے کہ ایک پانچ گریڈ کا میل ویکسی نیٹر مزیدکن کن پراپرٹی کا مالک ہوگا۔ عرفان بیگ کے ساتھ لئیق احمد جو کہ سمپل ڈپلومہ ہولڈر پچھلے تین سالوں سے ڈائریکٹر ٹاؤن پلاننگ بن کر بیٹھا ہوا ہے ۔ اس کے خلاف انجینئرنگ کونسل اسلام آباد نے ایکشن بھی لیا لیکن لوکل گورنمنٹ کے آشیرباد سے لئیق احمد کا پروموشن بھی ہوگیا اور آج تک لئیق احمد اسی عہدے پر براجمان ہے۔ ذرائع کے مطابق لئیق احمد نے 2022 میں بحریہ ٹاؤن کا جو جعلی لے آؤٹ پلان پاس کیا ہے، اس کے حوالے سے نیب میں باقاعدہ شکایت درج کرا دی گئی ہے کہ باقی ایم ڈی اے افسران کے ساتھ لئیق احمد کو بھی شامل تفتیش کیا جائے ۔خیر اب دیکھنا یہ ھے کہ نیب عرفان بیگ اور لئیق احمد کے خلاف کیا کارروائی کرتی ہے یا پھر اپنی پرانی روایت کے مطابق کچھ طے توڑ کے بع ان جعلسازوں کو چھوڑ دیا جاتا ہے۔
.ذریعہ: Juraat
پڑھیں:
آئی پی ایل نے عرفان پٹھان کو کمنٹری پینل سے باہر کیوں کردیا؟ اہم وجہ سامنے آگئی
بھارت کے شہر کلکتہ میں انڈین پریمیئر لیگ (آئی پی ایل) کا آغاز ہوچکا ہے تاہم لیگ کے پہلے میچ میں انڈیا کے سابق کرکٹر اور کمنٹریٹر عرفان پٹھان کمنٹری باکس میں نظر نہیں آئے۔
عرفان پٹھان آئی پی ایل کے کمنٹری پینل میں ہمیشہ شامل ہوتے تھے تاہم اس بار انڈیا کے کرکٹ بورڈ نے ان کا نام پینل سے خارج کردیا ہے۔
میڈیا رپورٹس کے مطابق عرفان پٹھان کی کمنٹری کا اسٹائل پر بہت سارے کھلاڑیوں کو اعتراض تھا جس کے بعد انہیں پینل میں شامل نہیں کیا گیا۔
یہ بھی پڑھیے: شین واٹسن کا آئی پی ایل کمنٹری کو گرین شرٹس کی کوچنگ پر ترجیح دینے کا فیصلہ
رپورٹس میں بتایا گیا ہے کہ عرفان پٹھان کا دوران میچ تبصرہ جانبدار تھا اور وہ کمنٹری میں مخصوص کھلاڑیوں کو تنقید کا نشانہ بھی بناتے تھے۔
خصوصاً عرفان پٹھان کا بارڈر۔گواسکر ٹرافی کے دوران ویرات کوہلی کے بارے میں تبصرے اور ہرڈیک پنڈیا کے ڈومیسٹک کرکٹ میں واپسی کے فیصلے پر تنقید کی وجہ سے مذکورہ کھلاڑی ان کے خلاف ہوگئے اور انتظامیہ کو شکایت کی۔
عرفان پٹھان پر دوران کمنٹری اپنی ذاتی رائے اور پسند ناپسند کو پیشہ ورانہ تجزیے میں شامل کرنے پر اعتراض تھا۔
یہ بھی پڑھیے: آئی پی ایل نے ہیری بروکس پر 2 سال کی پابندی لگادی، وجہ کیا بنی؟
یاد رہے کہ انڈیا کے کرکٹ بورڈ نے اس سے قبل 2020 میں سنجے منجریکر کو بھی دوران کمنٹری ساتھی کمنٹریٹر ہارشا بوگھلے کے ساتھ تکرار کرنے پر پینل سے نکال دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
IPL irfan pathan آئی پی ایل عرفان پٹھان
مسلط لوگ کبھی بھی عوام کے خیر خواہ نہیں ہوسکتے، حافظ نعیم الرحمان