نوائے وقت نے نظریہ پاکستان کاہمیشہ دفاع ،حق وسچ پر مبنی صحافت کو فروغ دیا،سیدال خان
اشاعت کی تاریخ: 24th, March 2025 GMT
اسلام آباد(رانا فرحان اسلم)ڈپٹی چیئرمین سینٹ سیدال خان ناصر نے کہا ہے کہ روزنامہ نوائے وقت ایک نظریاتی اخبار ہے مرحوم مجید نظامی ایک نڈربیباک اخبار نویس تھے ڈکٹیٹر کے سامنے بھی کلمہ حق کہنے سے نہیں ڈرے نوائے وقت کیساتھ پرانا رشتہ ہے مرحوم مجید نظامی کیساتھ لاہور میں نظریہ پاکستان ٹرسٹ کی تقریبات میں ملاقات ہوتی رہی نوائے وقت کی 85ویں سالگرہ کے موقع پر تمام انتظامیہ اور سٹاف کو مبارک بادپیش کرتا ہوں ان خیالات کا اظہارڈپٹی چیئرمین سیدال خان ناصرنے روزنامہ نوائے وقت کی 85سالہ تقریبات کے سلسلہ میں اسلام آباد میں منعقد تقریب میں کیک کاٹنے کے بعد خصوصی گفتگو کرتے ہوئے کیا سردارسیدال خان ناصر نے کہا کہ روزنامہ نوائے وقت ایک نظریاتی اخبار ہے مرحوم مجید نظامی صاحب کیساتھ جب بھی ملاقات ہوتی انکا پیغام میاں محمد نواز شریف کو پہنچاتا تھاکوئٹہ میں روزنامہ نوائے وقت دو دن بعد پہنچتا تھا اسے پڑھنے کیلئے دو دن انتظار کرتے تھے نوائے وقت نے نظریہ پاکستان کاہمیشہ دفاع کیا اور حق وسچ پر مبنی صحافت کو فروغ دیاروزنامہ نوائے وقت کے آفس آکر سالگرہ کا کیک کاٹنا میرے لئے ایک اعزاز ہے یہاں آکر مجھے بہت خوشی ہوئی میری دعا ہے کہ نوائے وقت دن دگنی رات چگنی ترقی کرے ڈپٹی چیئرمین سیدال خان ناصرنے سالگرہ کے موقع پر نوائے وقت کے تمام سٹاف کو مبارکباد پیش کی ۔
.ذریعہ: Nawaiwaqt
کلیدی لفظ: روزنامہ نوائے وقت سیدال خان
پڑھیں:
یوتھ سولیڈیریٹی افطار: ترکیہ، پاکستان اور فلسطین کے درمیان بھائی چارے کے فروغ کی ایک اور کاوش
یوتھ سولیڈیریٹی افطار: ترکیہ، پاکستان اور فلسطین کے درمیان بھائی چارے کے فروغ کی ایک اور کاوش WhatsAppFacebookTwitter 0 24 March, 2025 سب نیوز
اسلام آباد : ترکیہ تعاون و رابطہ ایجنسی (TİKA) کے زیر اہتمام اسلام آباد میں ایک شاندار یوتھ سولیڈیریٹی افطار کا انعقاد کیا گیا، جس میں ترکیہ، پاکستان اور فلسطین سے تعلق رکھنے والے 320 طلبہ اور معزز شخصیات نے شرکت کی۔ اس تقریب کا مقصد تینوں برادر ممالک کے درمیان دوستی، یکجہتی اور بھائی چارے کو فروغ دینا تھا۔
تقریب میں پاکستان میں ترکیہ کے سفیر عزت مآب ڈاکٹر عرفان نذیر اوغلو، شمالی قبرص ترک جمہوریہ کی سفیر عزت مآب دلشاد شینول سمیت مختلف جامعات کے ریکٹرز، طلبہ، اور شراکت دار اداروں کے نمائندے شریک ہوئے۔ اس موقع پر الخدمت فاؤنڈیشن، نمل، نسٹ، قائداعظم یونیورسٹی، اسلام آباد پریس کلب، اور ترکیہ المنی ایسوسی ایشن کے اراکین بھی موجود تھے۔
ٹیکا اسلام آباد کی کوآرڈینیٹر صالحہ تونا نے تقریب سے خطاب کرتے ہوئے ترکیہ، پاکستان اور فلسطین کے درمیان گہرے تعلقات پر روشنی ڈالی اور نوجوانوں کے کردار کو سراہا، جو ان تعلقات کو مزید مستحکم بنانے میں کلیدی حیثیت رکھتے ہیں۔ انہوں نے ترکیہ-فلسطین فرینڈشپ اسپتال کا بھی ذکر کیا، جو غزہ میں کینسر کے مریضوں کے لیے واحد طبی سہولت فراہم کرنے والا مرکز تھا۔ تاہم، حالیہ اسرائیلی جارحیت کے باعث یہ اسپتال تباہ ہو چکا ہے۔
پاکستان میں ترکیہ کے سفیر ڈاکٹر عرفان نذیر اوغلو نے اپنے خطاب میں پاکستان اور فلسطین کو ترکیہ کے قریبی ترین دوست قرار دیا۔ انہوں نے غزہ کے طلبہ کو یقین دلایا کہ ترکیہ کا سفارتخانہ ان کے لیے دوسرا گھر ہے۔
انہوں نے مزید کہا کہ گزشتہ 15 برسوں میں ٹیکا نے پاکستان میں تقریباً 700 ترقیاتی منصوبے مکمل کیے ہیں، اور پاکستان ٹیکا کے اہم ترین شراکت دار ممالک میں شامل ہے۔ انہوں نے اس عزم کا اظہار کیا کہ ترکیہ مستقبل میں بھی پاکستان میں ترقیاتی منصوبوں کے ذریعے تعاون جاری رکھے گا۔
غزہ سے تعلق رکھنے والی طالبہ فاطمہ النجار نے ٹیکا اور ترکیہ کی حکومت کا شکریہ ادا کرتے ہوئے کہا کہ اس باوقار تقریب میں شرکت ان کے لیے اعزاز ہے۔ انہوں نے شرکاء سے فلسطینی عوام کے لیے دعا کرنے کی اپیل کی اور کہا کہ غزہ میں جاری نسل کشی کے باعث حالات دن بہ دن بدتر ہوتے جا رہے ہیں۔
یوتھ سولیڈیریٹی افطار کا انعقاد ترکیہ، پاکستان اور فلسطین کے درمیان تعلقات کو مزید مستحکم کرنے کے عزم کی ایک اور مثال تھا۔ تقریب کا اختتام طلبہ کے درمیان محبت اور بھائی چارے کے تبادلے اور امن، انصاف اور اتحاد کے لیے اجتماعی دعا کے ساتھ ہوا۔
بدقسمتی سے پاکستان میں کال سینٹر انڈسٹری کے حوالے سے تربیت کا قفدان ہے