اقتدار کیلئے ریاست کو نقصان پہنچانے والوں کے ساتھ نہیں بیٹھ سکتے, مرتضیٰ وہاب
اشاعت کی تاریخ: 24th, March 2025 GMT
میئر کراچی کا میڈیا سے گفتگو کرتے ہوئے کہنا تھا کہ ملک ہے تو سب کچھ ہے ورنہ کچھ بھی نہیں، ملک میں سیاسی استحکام بہت ضروری ہے، ہمارے پاس وفاق میں حکومت بنانے کیلئے ووٹ نہیں، پیپلزپارٹی نے کبھی عوامی حقوق پر سمجھوتہ نہیں کیا۔ اسلام ٹائمز۔ میئر کراچی مرتضیٰ وہاب نے کہا کہ اقتدار کیلئے ریاست کو نقصان پہنچانے والوں کے ساتھ نہیں بیٹھ سکتے۔ میئر کراچی مرتضیٰ وہاب نے میڈیا سے گفتگو کرتے ہوئے کہا کہ 9 مئی والوں نے پاکستان پر حملہ کیا ہم ان کے ساتھ نہیں بیٹھ سکتے، 9 مئی کرنے والوں نے آج تک مذمت نہیں کی، کیا پی ٹی آئی کے ساتھ جا کر بیٹھ جائیں۔؟
مرتضیٰ وہاب نے کہا کہ ملک ہے تو سب کچھ ہے ورنہ کچھ بھی نہیں، ملک میں سیاسی استحکام بہت ضروری ہے، ہمارے پاس وفاق میں حکومت بنانے کیلئے ووٹ نہیں، پیپلزپارٹی نے کبھی عوامی حقوق پر سمجھوتہ نہیں کیا۔ میئر کراچی کا مزید کہنا تھا کہ نہروں کے معاملے پر پیپلزپارٹی کا مؤقف بڑا واضح ہے۔
ذریعہ: Islam Times
کلیدی لفظ: میئر کراچی کے ساتھ
پڑھیں:
گورنر سندھ کامران خان ٹیسوری کا مرتضی وہاب کے بیان پر ردعمل سامنے آ گیا
کراچی:گورنر سندھ، کامران خان ٹیسوری نے مئیر کراچی مرتضی وہاب کے بیان پر ردعمل دیتے ہوئے کہا کہ وہ رمضان کے دوران سحری اور افطار کے اوقات میں عوام کی خدمت کے لیے وقف ہیں اور ان کی پوری توجہ اس مقصد پر مرکوز ہے۔
گورنر سندھ نے کہا کہ میں سحری سے تو رمضان کے بعد ہی باہر آؤں گا، کیوں کہ میں نے خود کو اس مقدس مہینے میں لوگوں کی خدمت کے لیے وقف کر رکھا ہے۔
مزید پڑھیں: گورنر سندھ بڑے بھائی ہیں، ان کے ساتھ ملکر شہر کے لیے کام کرنا چاہتا ہوں، مرتضی وہاب
انہوں نے مزید کہا کہ آج سعودی عرب، ایران، عمان، ترکیہ، ملائشیا، روس اور بنگلادیش کے قونصل جنرلز کو افطار کرانے کا موقع مجھے ملا، اور اس کے ساتھ ساتھ دس ہزار افراد کو گورنر ہاؤس میں روز افطار کا شرف حاصل ہوا ہے۔
گورنر سندھ نے اس موقع پر کہا کہ عوام کی خدمت کرتے ہوئے مجھے ثواب حاصل کرنے کا بھی موقع مل رہا ہے، اور میں روزانہ لوگوں کو رہائشی پلاٹ، عمرہ ٹکٹ، موٹرسائیکل، اور فون دے رہا ہوں، اور مختلف مقامات پر سحری بھیج کر ثواب حاصل کر رہا ہوں۔
مزید پڑھیں: کراچی، گورنر سندھ کا عوامی انداز برقرار، خداداد کالونی میں سحری کی تقریب سے خطاب
کامران خان ٹیسوری نے کہا کہ مخالفت برائے اصلاح کریں، لیکن لوگوں کی محبت دیکھ کر مجھ سے حسد نہ کریں۔
ان کا کہنا تھا کہ اس رمضان میں انہوں نے ثابت کیا ہے کہ وہ تمام شہریوں کے لیے یکساں عزیز ہیں، اور یہ کہ مہاجر ہی نہیں، سندھی، پنجابی، بلوچ اور پٹھان سب مجھے بھائی اور بیٹا سمجھتے ہیں۔
انہوں نے اس بات پر زور دیا کہ زبانِ خلق کو دیکھ کر حسد کرنے کے بجائے خدمت کے ذریعے دل جیتنے کی کوشش کریں، کیونکہ یہی اصل کامیابی ہے۔
شہنشاہِ جذبات محمد علی کو مداحوں سے بچھڑے 19 برس بیت گئے