حسین داؤد کوتعلیم کے شعبے میں خدمات پر ہلالِ امتیاز سے نواز دیا گیا
اشاعت کی تاریخ: 23rd, March 2025 GMT
اسلام آباد:
صدر مملکت آصف علی زرداری نے معروف کاروباری شخصیت حسین داؤد کو ملک کے لیے گراں قدر خدمات کے اعتراف میں پاکستان کے اعلیٰ ترین سول اعزازات میں سے ایک ہلالِ امتیاز سے نواز دیا۔
حسین داؤد کو گراس روٹ سطح پر تعلیم کی بہتری کے لیے کوششوں میں اہم کردار ادا کرنے کے اعتراف میں ایوارڈ دیا گیا ہے۔
سائنس، تحقیق اور جدّت قومی ترقی میں ریڑھ کی ہڈی کی حیثیت رکھتی ہیں لیکن پاکستان میں ابھی تک ان شعبوں میں مضبوط بنیادیں استوار کرنے کے لیے جدوجہد کی جا رہی ہے۔
حسین داؤد نے اس خلا کو دیکھتے ہوئے ٹی ڈی ایف میگنیفائی سائنس سینٹر کا آغاز کیا تاکہ بچوں اور نوجوانوں کے لیے سائنس سیکھنے کے مواقع فراہم کیے جاسکیں۔
تعلیم کے شعبے سے ان کے خاندان کی دیرینہ وابستگی ہے، جس میں نیشنلائز کرکے یونیورسٹی کا درجہ پانے والے معروف تعلیمی ادارہ داؤد کالج آف انجینئرنگ اینڈ ٹیکنالوجی اور داؤد پبلک اسکول کا قیام شامل ہے۔
داؤد پبلک اسکول 1980کی دہائی سے لڑکیوں کو اعلیٰ معیار کی تعلیم فراہم کر رہا ہے، حال ہی میں، حسین داؤد نے کراچی اسکول آف بزنس اینڈ لیڈر شپ کے قیام میں کلیدی کردار ادا کیا، جس میں پاکستان کے نجی اور سماجی شعبوں کے لیےکردار پر مبنی قیادت پر توجہ دی جاتی ہے۔
حسین داؤد نے اینگرو کی سرمایہ کاری کے ذریعے پاکستان کے معاشی منظر نامے کی تشکیل میں بھی کلیدی کردار ادا کیا ہے۔
گزشتہ 20 برسوں میں حسین داؤد کی بورڈ سربراہی میں اینگرو نے کھاد، خوراک، توانائی، پیٹروکیمیکلز اور ٹیلی کام کے بنیادی انفرا اسٹرکچر میں پراجیکٹس قائم کیے ہیں جو ہزاروں لوگوں کو روزگار فراہم کرنے کے ساتھ ساتھ حقیقی معاشی ترقی میں حصہ ڈال رہے ہیں۔
.ذریعہ: Express News
کلیدی لفظ: کے لیے
پڑھیں:
صدرمملکت نے سنگاپور کے قونصلر جنرل امین لاکھانی کو تمغہ امتیاز سے نواز دیا
اسلام آباد:صدر مملکت آصف علی زرداری نے سنگار پور کے قونصلر جنرل امین محمد لاکھانی کو دونوں ممالک کے مابین تعلقات کے فروغ اور پاکستان کے لیےگراں قدر خدمات کے اعتراف میں تمغہ امتیاز سے نواز دیا۔
ایوان صدر اسلام آباد میں یوم پاکستان کی مناسبت سے قومی اعزازات کی تقریب میں پاکستان میں متعین سنگا پور کے اعزازی قونصلر جنرل امین احمد لاکھانی کو تمغہ امتیاز سے نوازا دیا گیا۔
امین احمدلاکھانی 35سال سے سنگارپور کے اعزازی قونصل خانے میں بطور قونصلر جنرل دونوں ممالک کے مابین تعلقات کے فروغ میں اہم کردار ادا کر رہے ہیں۔
انہوں نے اقتصادی، ثقافتی اور تعلیمی تبادلوں سمیت کئی شعبوں میں پاکستان کی نمائندگی کی، ان کی کوششوں کی بدولت باہمی تجارت اور کاروبار کو عروج حاصل ہوا اور پاکستانیوں کے لیے ویزہ کے اجراء میں آ سانیاں پیدا ہوئیں۔
امین احمد لاکھانی کی کوششوں کی بدولت دو لاکھ پاکستانیوں کو ویزوں کا اجرا کیا گیا۔
محکمہ فنانس نے قوانین کی غلط تشریح کی، مالی بے ضابطگی کی خبریں بے بنیاد ہیں، سپیکر جی بی اسمبلی