دبئی میں پاکستانی قونصلیٹ میں یوم پاکستان کی پروقار تقریب
اشاعت کی تاریخ: 23rd, March 2025 GMT
دبئی(اُردو پوائنٹ اخبارتازہ ترین۔ 23 مارچ 2025ء)قونصلیٹ جنرل آف پاکستان، دبئی میں یوم پاکستان کی مناسبت سے ایک پروقار تقریب کا انعقاد کیا گیا، جس میں پاکستانی کمیونٹی کے افراد، میڈیا نمائندگان اور قونصل خانے کے افسران نے شرکت کی۔ تقریب کا آغاز قونصل جنرل حسین محمد نے قومی پرچم کشائی سے کیا۔ اس موقع پر صدر، وزیر اعظم اور نائب وزیر اعظم/وزیر خارجہ پاکستان کے پیغامات بھی پڑھ کر سنائے گئے، جن میں 23 مارچ 1940 کی تاریخی قرارداد پاکستان کی اہمیت کو اجاگر کیا گیا۔
(جاری ہے)
اپنے خطاب میں حسین محمد نے یوم پاکستان کی مبارکباد پیش کرتے ہوئے اس دن کی تاریخی حیثیت پر روشنی ڈالی، جب برصغیر کے مسلمانوں نے ایک علیحدہ وطن کے قیام کا مطالبہ کیا تھا، جو 14 اگست 1947 کو حقیقت بن گیا۔ انہوں نے قائداعظم محمد علی جناح اور تحریک پاکستان کے رہنماؤں کی قربانیوں کو خراج تحسین پیش کیا۔ انہوں نے پاکستان کی ترقی پر بات کرتے ہوئے کہا کہ ملک نے مختلف شعبوں میں نمایاں کامیابیاں حاصل کی ہیں، تاہم سماجی اور معاشی ترقی کے میدان میں مزید کام کرنے کی ضرورت ہے۔ انہوں نے کمیونٹی پر زور دیا کہ وہ اتحاد، یقین اور قربانی کے جذبے کے ساتھ ملک کی ترقی میں اپنا کردار ادا کریں۔.ذریعہ: UrduPoint
کلیدی لفظ: تلاش کیجئے پاکستان کی
پڑھیں:
علاقائی استحکام کے لئے افغانستان میں امن اور ترقی ناگزیر ہے:پاکستانی سفیر
کابل (ڈیلی پاکستان آن لائن )پاکستان کے نمائندہ خصوصی برائے افغانستان صادق خان نے کہا ہے کہ علاقائی استحکام کے لئے افغانستان میں امن اور ترقی ناگزیر ہے۔
ڈان نیوز کے مطابق یوم پاکستان کے موقع پر کابل میں پاکستانی سفارت خانے میں پرچم کشائی کی تقریب سے بطور مہمان خصوصی خطاب کرتے ہوئے صادق خان نے کہا کہ پاکستان اور افغانستان کے معاشی مفادات مضبوطی کے ساتھ ایک دوسرے سے جڑے ہوئے ہیں۔
اس سے قبل پاکستانی سفیر نے کابل میں افغانستان کے قائم مقام وزیر خارجہ مولوی امیر خان متقی سے ملاقات کی، جہاں دونوں نے اس بات پر اتفاق کیا کہ موجودہ دوطرفہ چیلنجوں، بشمول تجارت، سلامتی اور پاکستان میں افغان مہاجرین کی حیثیت کو حل کرنے کے لئے اپنی سفارتی بات چیت کو جاری رکھا جائے گا۔
انہوں نے کہاکہ پاکستان اور افغانستان کو علاقائی اقتصادی ترقی کو فروغ دینے کے لئے اپنی کوششوں کو مربوط کرنا چاہئے، انہوں نے مزید کہا کہ پڑوسی ملک ’پاکستان کے اہم ترین علاقائی شراکت داروں میں سے ایک ہے۔‘
دونوں ممالک کے تجارتی تعلقات میں ایک اہم پیش رفت 27 دن کی بندش کے بعد طورخم سرحد کا دوبارہ کھلنا ہے۔ تعمیراتی سرگرمیوں پر تنازعہ کی وجہ سے 21 فروری کو یہ کراسنگ بند کر دی گئی تھی اور جرگہ کے ذریعے ثالثی کے بعد دوبارہ کھول دی گئی۔
فی الحال طورخم سرحد 15 اپریل تک ایک عارضی انتظام کے تحت کام کر رہی ہے اور طویل مدتی حل کے لئے بات چیت جاری ہے۔ اسلام آباد نے امید ظاہر کی ہے کہ موجودہ میکانزم کی میعاد ختم ہونے سے پہلے ایک مستقل معاہدہ ہو جائے گا۔صادق خان نے زور دیتے ہوئے کہاکہ دونوں ممالک کو دوطرفہ تجارت کو بڑھانے اور علاقائی رابطے کو فروغ دینے کے لئے مل کر کام کرنا چاہئے۔‘
انہوں نے یہ بھی کہا کہ پاکستان، افغانستان کے ساتھ مضبوط اور باہمی طور پر فائدہ مند تعلقات استوار کرنے کے لئے پرعزم ہے۔
اس موقع پر پاکستان کے ہیڈ آف مشن، سفیر عبید الرحمان نظامی نے اپنے خطاب میں مسلح افواج کی قربانیوں کو خراج تحسین پیش کرنے اور ایک مضبوط اور خوشحال پاکستان کے لئے کام کرنے کے عہد کو دہرانے کا مطالبہ کیا۔
انہوں نے تمام اندرونی اور بیرونی چیلنجوں پر قابو پانے کے لئے ملک کے حوصلے کو پھر سے مضبوط کرنے کی ضرورت پر زور دیا۔
وزیر اعلیٰ کی کچے میں میرا کوش سمیت 2 ڈاکوؤں کو جہنم واصل کرنے پر پنجاب پولیس کو شاباش
مزید :
وزیر داخلہ کا قومی سلامتی کے پارلیمانی اجلاس میں شرکت نہ کرنے کا انکشاف