پاکستانی سفیر ممتاز زہرا بلوچ کی پیرس میں پاکستانی نژاد فرانسیسی تاجروں سے ملاقات
اشاعت کی تاریخ: 23rd, March 2025 GMT
سفارتخانہ پاکستان، پیرس میں پاکستانی سفیر ممتاز زہرا بلوچ نے پاکستانی نژاد فرانسیسی تاجروں کے مختلف طبقوں سے ملاقات کی۔ اس ملاقات میں دو طرفہ تجارتی اور سرمایہ کاری کے مواقع پر تبادلہ خیال کیا گیا۔
ملاقات کے دوران سفیر پاکستان نے تاجروں کو پاکستان میں سرمایہ کاری کی ترغیب دی اور انہیں حکومت پاکستان کی جانب سے دی جانے والی مراعات سے آگاہ کیا۔
انہوں نے اس بات پر زور دیا کہ فرانس میں مقیم پاکستانی نژاد کاروباری افراد پاکستان کی معیشت میں کلیدی کردار ادا کر سکتے ہیں اور دونوں ممالک کے درمیان تجارتی تعلقات کو مزید مضبوط بنا سکتے ہیں۔
ممتاز زہرا بلوچ نے شرکاء کو یقین دلایا کہ سفارتخانہ پاکستان ان کے مسائل کے حل کے لیے ہر ممکن تعاون فراہم کرے گا اور انہیں پاکستان میں کاروبار کے مواقع تلاش کرنے میں مدد دے گا۔
انہوں نے کہا کہ پاکستان کی حکومت بیرونی سرمایہ کاروں کے لیے کاروباری ماحول کو مزید بہتر بنا رہی ہے اور مختلف شعبوں میں سرمایہ کاری کے وسیع مواقع موجود ہیں۔
اس موقع پر تاجروں نےاپنے خیالات کا اظہار کرتے ہوئے پاکستان میں سرمایہ کاری اور تجارت کے حوالے سے اپنی دلچسپی ظاہر کی اور سفارتخانے کی جانب سے فراہم کی جانے والی معاونت کو سراہا۔
یہ ملاقات سفارتخانے کی جانب سے پاکستان اور فرانس کے درمیان اقتصادی تعلقات کو فروغ دینے کی کاوشوں کا حصہ تھی، جس کا مقصد دونوں ممالک کے درمیان تجارتی حجم میں اضافہ اور سرمایہ کاری کے نئے مواقع پیدا کرنا ہے۔
سفیر ممتاز زہرا بلوچ سے ملاقات کرنے والے تاجروں میں ڈاکٹر ارشاد کمبوہ صدر پاکستان پیپلزپارٹی یورپ، تاجر رانا محمود علی خان جنرل سیکرٹری ن لیگ فرانس، تاجر نعیم چوہدری ن لیگ آزاد کشمیر ونگ، تاجر طارق شریف بھٹی، تاجر چوہدری فاروق احمد گورسی، تاجر راجہ محمد اقبال، تاجر چوہدری عارف اور تاجر چوہدری محمد سعید شامل تھے۔
.ذریعہ: Jang News
کلیدی لفظ: ممتاز زہرا بلوچ سرمایہ کاری
پڑھیں:
متحدہ عرب امارات میں پاکستانی سفارتخانے میں یوم پاکستان کی پروقار تقریب
ابوظہبی(اُردو پوائنٹ اخبارتازہ ترین۔ 23 مارچ 2025ء) متحدہ عرب امارات میں پاکستانی سفارتخانے کی جانب سے آج یوم پاکستان کی مناسبت سے ایک پروقار تقریب کا انعقاد کیا گیا، جس میں پاکستانی کمیونٹی کے افراد، خواتین، بچے اور سفارتخانے کے عملے نے اپنے اہل خانہ کے ساتھ بھرپور شرکت کی۔ تقریب کا آغاز سفیر پاکستان فیصل نیاز ترمذی نے پرچم کشائی سے کیا، جس کے بعد قومی ترانہ بجایا گیا۔ صدر، وزیر اعظم اور نائب وزیر اعظم/وزیر خارجہ پاکستان کے پیغامات بھی سنائے گئے، جن میں 23 مارچ 1940 کی تاریخی اہمیت کو اجاگر کیا گیا۔ اس موقع پر پاکستانی طلبہ کے ایک گروپ نے ملی نغمے پیش کیے، جس سے تقریب کا جوش و خروش مزید بڑھ گیا۔ اپنے خطاب میں سفیر پاکستان نے قیام پاکستان کے لیے برصغیر کے مسلمانوں کی عظیم قربانیوں اور جدوجہد کو خراج تحسین پیش کیا۔(جاری ہے)
انہوں نے اتحاد، رواداری، اور سماجی ہم آہنگی کی ضرورت پر زور دیا تاکہ معاشی چیلنجز سے نمٹ کر پاکستان کو ایک مستحکم اور خوشحال ملک بنایا جا سکے۔ انہوں نے بھارت کے غیر قانونی طور پر مقبوضہ جموں و کشمیر (IIOJK) اور فلسطین کے عوام کے حق خودارادیت کے اصولی موقف کو دہراتے ہوئے کہا کہ وہ دہائیوں سے ظلم و ستم کا شکار ہیں۔ سفیر پاکستان نے پاکستان اور متحدہ عرب امارات کے مضبوط تعلقات پر روشنی ڈالی اور پاکستانی کمیونٹی کے کردار کو سراہا۔ انہوں نے کہا کہ پاکستانیوں نے نہ صرف یو اے ای کی ترقی میں اہم کردار ادا کیا ہے بلکہ ان کی ترسیلات زر پاکستان کی معیشت کے استحکام میں بھی معاون رہی ہیں۔ مرحوم شیخ زاید بن سلطان النہیان، بانیٔ یو اے ای کو خراج تحسین پیش کرنے کے لیے، سفارتخانے نے ان کی زندگی اور کارناموں پر ایک کتاب کے اجرا کا اعلان کیا۔ یہ کتاب خان زمان اک سرور نے تحریر کی ہے، جو گزشتہ 55 سال سے یو اے ای میں مقیم ہیں۔ یہ اقدام شیخ محمد بن زاید النہیان کی جانب سے اعلان کردہ "Year of Community" کے تحت پاکستانی کمیونٹی کی جانب سے ایک خراج تحسین ہے۔ آخر میں، سفیر پاکستان نے کمیونٹی پر زور دیا کہ وہ یو اے ای کے قوانین، ضوابط اور سماجی اقدار کا احترام کرتے ہوئے ملک کے لیے ایک قیمتی اثاثہ بنے رہیں۔
وزیراعظم شہباز شریف نے وفاقی کابینہ کا اجلاس کل طلب کرلیا