پاکستان اور افغانستان کا اعلیٰ سطح روابط بڑھانے پر اتفاق
اشاعت کی تاریخ: 22nd, March 2025 GMT
پاکستان نے حالیہ دہشت گردی واقعات کے بعد افغانستان کی عبوری حکومت کی قیادت سے رابطہ کرلیا، فریقین نے دو طرفہ تعلقات کو مزید مستحکم کرنے کیلئے اعلیٰ سطح روابط بڑھانے پر اتفاق کیا۔
افغانستان کےلیے نمائندہ خصوصی محمد صادق خان نے ایک بیان میں کہا کہ
افغان عبوری حکومت کے وزیرخارجہ امیرخان متقی سےکابل میں ملاقات ہوئی ہے۔
دورے کے دوران صادق خان نے افغانستان کے قائمقام وزیر تجارت نور الدین عزیزی سے بھی ملاقات کی، جس میں دو طرفہ تجارتی و اقتصادی تعلقات پر تبادلہ خیال کیا گیا۔
صادق خان نے مزید کہا کہ پاکستان کے افغانستان کے ساتھ باہمی فائدہ مند تعلقات کے فروغ کے عزم اعادہ کیا ہے۔
اُن کا کہنا تھا کہ فریقین نے دو طرفہ تعلقات کومزیدمستحکم کرنے کےلیے اعلی سطح روابط بڑھانے پر اتفاق کیا۔
.ذریعہ: Jang News
پڑھیں:
پاکستان بے مثال قربانیوں کا ثمر، ایاز صادق، قومی مفاد اولین ترجیح: احسن اقبال
اسلام آباد (خبر نگار+ نمائندہ خصوصی) سپیکر قومی اسمبلی سردار ایاز صادق نے 23 مارچ یوم پاکستان کے موقع پر قوم کو مبارکباد پیش کرتے ہوئے بانیانِ پاکستان اور اسلاف کو زبردست خراجِ تحسین پیش کیا۔ کہا کہ پاکستان ہمارے آباؤ اجداد کی بے مثال قربانیوں اور طویل جدوجہد کا ثمر ہے، جسے ہمیں دل و جان سے سنبھالنا اور اس کی ترقی و استحکام کے لیے کام کرنا ہوگا۔ علاوہ ازیں یومِ پاکستان 23 مارچ 2025ء کے موقع پر وفاقی وزیر برائے منصوبہ بندی، ترقی و خصوصی اقدامات احسن اقبال نے خصوصی پیغام میں کہا کہ یومِ پاکستان ہمیں اْس ولولہ انگیز لمحے کی یاد دلاتا ہے جب 23 مارچ 1940ء کو برصغیر کے مسلمانوں نے ایک آزاد ریاست کے قیام کا فیصلہ کیا۔ انہوں نے کہا کہ یہ دن ہمارے قومی شعور، اجتماعی خودی اور اس عزم کی علامت ہے جس نے ہمیں پاکستان جیسی عظیم نعمت عطا کی۔ آج جب ہم 84 سال بعد اس دن کو مناتے ہیں تو ہمیں نہ صرف ماضی کی قربانیوں کو یاد رکھنا ہے بلکہ حال اور مستقبل کے لیے ایک واضح راستہ بھی متعین کرنا ہے۔ قومی مفاد اولین ترجیح ہونی چاہئے۔ دریں اثناء ڈپٹی چیئرمین سینٹ سیدال خان نے یوم پاکستان کے دن کے موقع پر کہا کہ آج کا دن ہمارے قومی تاریخ میں ایک سنگ میل کی حیثیت رکھتا ہے۔ پاکستان کو درپیش چیلنجز کا سامنا کرنے کے لیے ہمیں قومی یکجہتی، بھائی چارے اور رواداری کے جذبے کو فروغ دینا ہو گا۔ ہمیں اپنے اداروں کو مضبوط کرنا ہو گا، قانون کی حکمرانی کو یقینی بنانا ہو گا اور تعلیم و تحقیق کے میدان میں آگے بڑھ کر ملک کو ایک جدید اور خوشحال ریاست بنانا ہو گا۔ میں بطور ڈپٹی چیئرمین سینٹ، پوری قوم کو یومِ پاکستان کی دلی مبارکباد پیش کرتا ہوں۔
افغان مہاجرین کی ملک بدری مؤخر کرنے کی درخواست پاکستان نے مسترد کر دی