پنجاب خیبرپختونخوا بارڈر پر دہشت گردوں کا 7واں حملہ ناکام بنا دیا گیا
اشاعت کی تاریخ: 22nd, March 2025 GMT
پنجاب خیبرپختونخوا بارڈر پر دہشت گردوں کا 7واں حملہ ناکام بنا دیا گیا punjab police WhatsAppFacebookTwitter 0 22 March, 2025 سب نیوز
کوٹ مبارک (آئی پی ایس )پنجاب پولیس نے خیبرپختونخوا سرحد پر خوارجی دہشت گردوں کا رواں ماہ کا ساتواں حملہ ناکام بنا دیا۔ ترجمان پنجاب پولیس کے مطابق، سرحدی علاقوں میں پولیس، سی ٹی ڈی اور ایلیٹ فورس کی ٹیمیں سرچ آپریشن پر مامور تھیں جب کوٹ مبارک کے قریب دہشت گردوں نے آئی ای ڈی سے حملہ کیا۔
حملے میں پولیس کی بکتر بند گاڑی کو معمولی نقصان پہنچا، تاہم تمام اہلکار محفوظ رہے۔ پولیس اور دہشت گردوں کے درمیان شدید فائرنگ کا تبادلہ ہوا، جس کے بعد دہشت گرد پسپا ہو گئے۔آئی جی پنجاب ڈاکٹر عثمان انور نے بہادری سے مقابلہ کرنے والے جوانوں کو خراج تحسین پیش کیا اور اس عزم کا اظہار کیا کہ ملک و قوم کے تحفظ کو ہر صورت یقینی بنایا جائے گا۔
.ذریعہ: Daily Sub News
پڑھیں:
لکی مروت: تھانہ درہ پیزو پر رواں ہفتے کا تیسرا حملہ ناکام
خیبر پختونخوا کے علاقے لکی مروت میں پولیس نے مسلح افراد کا تھانے پر ایک ہفتے میں تیسرا حملہ بھی ناکام بنا دیا۔ پولیس اور حملہ آوروں کے درمیان فائرنگ کا تبادلہ ہوا۔ پولیس کی بھر پور جوابی کارروائی سے حملہ آور فرار ہوگئے۔
پولیس کے مطابق لکی مروت میں تھانہ درہ پیزو پر نامعلوم مسلح افراد نے حملہ کر دیا۔ پولیس اور حملہ آوروں کے درمیان فائرنگ کا تبادلہ بھی ہوا۔ دونوں جانب سے بھاری ہتھیاروں اور راکٹ لانچرز کا استعمال کیا گیا۔ پولیس کی بروقت جوابی کارروائی سے حملہ آور فرار ہو گئے۔
حملے میں پولیس کا کوئی جانی نقصان نہیں ہوا۔ حملہ آوروں کی گرفتاری کے لئے علاقے میں کارروائی شروع کر دی گئی ہے۔ رواں ہفتے تھانہ درہ پیزو پر تیسرا حملہ ہے۔
یاد رہے کہ خیبر پختونخوا میں ان دنوں تھانے اور پولیس اہلکار دہشت گردوں کے نشانے پر ہیں، لکی مروت میں بھی تھانوں، پولیس اہلکاروں اور خوارج کے تواتر سے حملے جاری ہیں۔ چند روز قبل بھی پولیس موبائل پر دھماکے سے 3 پولیس اہلکار زخمی ہوئے تھے۔
دوسری جانب وفاقی وزیر داخلہ محسن نقوی نے لکی مروت میں تھانے پر دہشت گردوں کا حملہ ناکام بنانے پر پولیس کو شاباش دی ہے۔ انہوں نے کہا کہ پولیس نے دلیری کے ساتھ خوارجی دہشت گردوں کا مقابلہ کیا۔
محسن نقوی نے کہا کہ دہشت گردوں کےعزائم ناکام بنانے پر کے پی پولیس کو سلام پیش کرتے ہیں، ہمیں خیبر پختونخوا کے پولیس کے جری سپوتوں پر فخر ہے۔
Post Views: 1
افغان مہاجرین کی ملک بدری مؤخر کرنے کی درخواست پاکستان نے مسترد کر دی