’میں مجاہد ہوں, پاکستان کا محافظ ہوں‘ پاک فوج کے جوانوں کا دشمنوں کو واضح پیغام
اشاعت کی تاریخ: 22nd, March 2025 GMT
سٹی 42 : ’میں مجاہد ہوں میں مجاہد ہوں، اپنی دھرتی پاکستان کا محافظ ہوں‘ یوم پاکستان کے موقع پر وطن کے محافظوں کی جانب سے دشمنوں کو واضح پیغام جاری کیا گیا۔
پاک فوج اور فرنٹیئر کور خیبرپختونخواہ نارتھ کے افسروں اور جوانوں کی جانب سے وطن کی حفاظت اور حرمت کے حوالے سے خارجیوں، انتشاریوں اور امن کے دشمنوں کو واضح پیغام جاری کیا گیا ۔
چترال، دیر، سوات، باجوڑ، مہمند، خیبر، اورکزئی اور درہ آدم خیل میں ڈیوٹیاں سرانجام دینے والے وطن کے محافظوں کی جانب سے وطن کی حفاظت کے لئے ہر قسم کے دشمنوں کو منہ توڑ جواب دینے کا عزم کیا ہے۔
حزب اللہ بھی جنگ میں کود پڑی، اسرائیل پر راکٹوں سے حملہ
چترال کے محافظوں نے اس موقع پر کہا کہ میں مجاہد ہوں ہاں میں مجاہد ہوں، اپنی دھرتی پاکستان کا محافظ ہوں۔
دیر ، سوات اور باجوڑ کے جاں بازوں نے اپنے پیغام میں کہا کہ اے میری پیاری دھرتی تیرے یہ بیٹے، تیرے یہ جاں باز ، سب دشمنوں سے تیری حفاظت کرتے رہیں گے ۔
چائنہ سے پہلی مرتبہ اسلام آباد کیلئے کارگو پروازوں کا آغاز
مہمند کے بہادر جوانوں نے دشمنوں کو للکار کر کہا کہ اے دشمن سن لو ! پاکستان کے یہ بیٹے سینوں پر گولیاں کھاتے رہیں گے، اسی طرح وطن کی حفاظت کے لیے اور بیٹے آگے آتے رہیں گے۔
خیبر کے جاں بازوں نے خارجیوں کو وارننگ دی کہ ہم ان دشمنوں کو ، ان خارجیوں کو ، اور انتشاریوں کو ہرگز نہیں چھوڑیں گے ۔
دبئی: عمرہ اور حج ویزے کے نام پر عوام کو لوٹنے والا گروہ گرفتار
آخر میں اورکزئی اور درہ آدم خیل کے بہادر جوانوں نے وطنِ عزیر کیلئے اپنے پیغام میں کہا کہ اے پاکستان تو سلامت رہے گا ہمیشہ، کیونکہ تیرے یہ بیٹے تیرے یہ غازی قربان ہوجائیں گے لیکن تجھ پر کبھی آنچ نہیں آنے دیں گے، انشااللہ !
نوجوان کھلاڑیوں کی طرف سے زور دار تھپڑ رسید کیا گیا : احمد شہزاد
.ذریعہ: City 42
کلیدی لفظ: میں مجاہد ہوں دشمنوں کو تیرے یہ کہا کہ
پڑھیں:
صدر مملکت آصف علی زرداری کا ارتھ آور اور عالمی یوم آب 2025 پر پیغام
اسلام آباد(نیوز ڈیسک) صدر مملکت آصف علی زرداری نے ارتھ آور اور عالمی یوم آب 2025 کے موقع پر اپنے پیغام میں پاکستان کے توانائی کے تحفظ، ماحولیاتی استحکام اور موسمیاتی اقدامات کے عزم کی تجدید کی ہے۔
انہوں نے کہا کہ ارتھ آور پر غیر ضروری لائٹس بند کرنا توانائی کے استعمال اور کاربن فٹ پرنٹ کم کرنے کے عزم کی علامت ہے۔
صدر مملکت نے مزید کہا کہ ایندھن کی بڑھتی قیمتوں اور توانائی کے شعبے کے مسائل سے پاکستان کی معیشت اور ماحول کو شدید خطرات لاحق ہیں، اور توانائی کے محفوظ مستقبل کے لیے بجلی، ایندھن کی بچت اور قابل تجدید توانائی کے فروغ کی ضرورت ہے۔
انہوں نے اس بات پر بھی زور دیا کہ بجلی بچانے، توانائی اور ایندھن بچانے والے آلات کے استعمال اور پبلک ٹرانسپورٹ کے فروغ کی ضرورت ہے۔
صدر مملکت نے کہا کہ رواں سال ارتھ آور عالمی یوم آب 2025 کے ساتھ منایا جا رہا ہے، جو پانی کے تحفظ اور ماحولیاتی تبدیلی کے حوالے سے اہمیت رکھتا ہے۔
پاکستان میں پانی کی قلت کو ایک سنگین مسئلہ قرار دیتے ہوئے انہوں نے فوری اقدامات کی ضرورت پر زور دیا اور کہا کہ صاف اور پینے کے لیے محفوظ پانی کی دستیابی کو یقینی بنانے کے لیے اقدامات ضروری ہیں۔
انہوں نے 2022 کے تباہ کن سیلاب کو موسمیاتی تبدیلی کے پاکستان پر مہلک اثرات کی واضح مثال قرار دیتے ہوئے آبی ذخائر کے تحفظ اور پائیدار زرعی طریقوں کو فروغ دینے کی اہمیت پر زور دیا۔
صدر مملکت نے کہا کہ ڈرپ ایریگیشن، بارش کے پانی کو محفوظ کرنا اور پانی کے ضیاع کو روکنا زرعی ترقی کے لیے لازم ہے۔ انہوں نے یہ بھی کہا کہ صنعتوں اور گھریلو سطح پر پانی کے مؤثر استعمال کو یقینی بنانا ضروری ہے۔
آخر میں، صدر مملکت نے کہا کہ پاکستان ماحولیاتی تحفظ، توانائی کے تحفظ اور آبی وسائل کی پائیداری کے لیے پرعزم ہے اور توانائی، ایندھن اور پانی کے تحفظ کے لیے ہر پاکستانی کو اپنی ذمہ داری ادا کرنی ہوگی۔
انہوں نے کہا کہ پائیدار طرز زندگی اپنا کر ہم پاکستان کو موسمیاتی تبدیلی کے خطرات سے محفوظ بنا سکتے ہیں اور ایک ساتھ مل کر اس زمین کو ماحولیاتی تبدیلی کے خطرے سے محفوظ بنانے میں اپنا کردار ادا کریں۔
Post Views: 1
ترجمان خیبرپختونخوا حکومت نے حنیف عباسی کے بیان کو ’خدا حافظ چین‘ کا سرکاری اعلان قرار دیدیا