پاکستانی شخص کا بغیر ویزا بھارت کا سفر؛ ممبئی ایئرپورٹ اہلکار بھی حیران؛ ویڈیو وائرل
اشاعت کی تاریخ: 22nd, March 2025 GMT
پاکستان کی ایک کاروباری شخصیت نے بھارت کا ویزا لیے بغیر انڈیگو فلائٹ پر بھارت کے سفر کا تجربہ کرکے لوگوں کو حیران کردیا ہے۔
پاکستانی کاروباری وقاص حسن نے ایک انڈین ایئرلائن کے ساتھ پرواز کرنے اور ممبئی میں لی اوور کا تجربہ شیئر کیا ہے، جس نے ہزاروں لوگوں کو حیران کردیا۔
تکنیکی طور پر، پاکستانی پاسپورٹ ہولڈرز ویزا حاصل کرنے کے بعد بھارت کا سفر کرسکتے ہیں، لیکن بھارت اور پاکستان کے درمیان تاریخی تناؤ اور سیکیورٹی خدشات کی وجہ سے پاکستانی شہریوں کےلیے ویزا درخواست کا عمل کافی سخت ہے۔ دونوں ممالک کے درمیان تفریحی سیاحت نایاب ہے۔
تاہم، وقاص حسن نے جو کچھ کیا، وہ بالکل قانونی تھا، حالانکہ اُنھوں نے بھارتی ویزا بھی حاصل نہیں کیا تھا۔
پاکستانی کاروباری شخصیت نے سنگاپور سے سعودی عرب جانے کےلیے انڈیگو فلائٹ بک کی، جس میں ممبئی میں چھ گھنٹے کا لی اوور تھا۔
وقاص حسن نے اپنی انسٹاگرام ویڈیو میں اس بات کی وضاحت کی کہ پاکستانی پاسپورٹ رکھنے والے افراد بھارت تک پرواز کرسکتے ہیں، بشرطیکہ یہ ایک کنیکٹنگ فلائٹ ہو۔ پاکستانی شہریوں کو لی اوور کے دوران ایئرپورٹ سے باہر نکلنے کی اجازت نہیں ہوتی، جس کا مطلب ہے کہ پاکستانی شہریوں کےلیے سیلف چیک اِن فلائٹس کی اجازت نہیں ہے۔
وقاص نے اپنی انسٹاگرام اسٹوری ویڈیو میں کہا ’’اس بار میں سنگاپور سے سعودی عرب جا رہا ہوں۔ اور فی الحال میں ممبئی میں ہوں‘‘۔
View this post on InstagramA post shared by WAQAS HASSAN (@waqashassn)
AiForAll کے بانی وقاص حسن واضح طور پر ممبئی ایئرپورٹ پر اپنے مختصر قیام سے لطف اندوز ہوئے۔ اُنہوں نے ایئرپورٹ لاؤنج میں وقت گزارا، کچھ یادگار چیزیں خریدیں اور ممبئی کے سب سے مشہور ناشتے ’’ وڈا پاؤ‘‘ کو بھی آزمایا۔ انھوں نے کہا ’’یہ ایک بہت مزیدار احساس ہے‘‘۔
وقاص نے یہ بھی وضاحت کی کہ اُنہوں نے ممبئی میں لی اوور کے ساتھ انڈین ایئرلائن کے ساتھ پرواز کرنے کا انتخاب کیوں کیا۔ اُنہوں نے کہا کہ انڈین ایئرلائنز عام طور پر مشرق سے مغرب کی طرف جانے والی فلائٹس پر اچھی ڈیل پیش کرتی ہیں، جیسا کہ اُن کے معاملے میں سنگاپور سے سعودی عرب۔
اُنہوں نے تسلیم کیا کہ بہت سے لوگ نہیں جانتے کہ یہ قانونی ہے، اور اُنہیں خود بھی ٹکٹ بک کرتے وقت خطرات کا خدشہ تھا۔
سنگاپور میں مقیم پاکستانی کاروباری شخصیت نے کہا ’’میں 15 سال سے سفر کر رہا ہوں۔ کسی نے مجھے نہیں بتایا کہ ہم (پاکستانی) بھارت کے ذریعے ٹرانزٹ کرسکتے ہیں۔ اس لیے جب میں نے یہ ٹکٹ بک کیا، تو تھوڑا سا خطرہ بھی تھا‘‘۔
وقاص حسن نے انکشاف کیا کہ ممبئی ایئرپورٹ کے اہلکار بھی حیران رہ گئے جب اُنہوں نے اُن کا پاکستانی پاسپورٹ دیکھا۔
انھوں نے اپنی انسٹاگرام پوسٹ میں لکھا ’’جب میں نے ایئرپورٹ پر اُنہیں اپنا پاسپورٹ دیا، تو اُنہوں نے بھی حیرت سے میری طرف دیکھا۔ اُنہوں نے کہا کہ زیادہ پاکستانی لوگ ایسا نہیں کرتے، اس لیے یہ اُن کے لیے بھی ایک نیا تجربہ تھا‘‘۔
وقاص کی ویڈیو سوشل میڈیا پر تیزی سے وائرل ہورہی ہے، جس پر لوگوں کے ردعمل مختلف ہیں۔
ایک بھارتی صارف نے لکھا ’’پاکستانی عوام کو بھارت کا دورہ کرنے کی اجازت ہونی چاہیے اور اسی طرح بھارتیوں کو پاکستان آنے کی۔ میں آپ لوگوں سے محبت کرتا ہوں اور کوئی اچھا یا برا نہیں ہے، ہم سب خاکی رنگ کے ہیں۔ میں آپ کی ثقافت اور ملک کا احترام کرتا ہوں اور میں اپنی حکومت سے درخواست کروں گا کہ دونوں ممالک کے شہریوں کے لیے ایک دوسرے کے ہاں آنا آسان بنایا جائے‘‘۔
جبکہ ایک اور صارف نے سوال کیا کہ ’’ایسے ملک کے ایئرپورٹ پر رہنے میں کیا خوشی ہے جو آپ کو باہر قدم رکھنے کی اجازت نہیں دے گا؟‘‘
.
ذریعہ: Express News
کلیدی لفظ: ا نہوں نے کی اجازت بھارت کا لی اوور ا نہیں
پڑھیں:
فون توڑنے کے بعد رضوان نے نسیم شاہ کو اپنا موبائل دیدیا، ویڈیو وائرل
قومی ٹیم کے کپتان محمد رضوان نے فاسٹ بولر نسیم شاہ کا فون توڑنے کے بعد اپنا موبائل دیکر انہیں خوش کردیا۔
گزشتہ روز سوشل میڈیا پلیٹ فارمز پر ایک ویڈیو وائرل ہوئی تھی جس میں دیکھا گیا تھا کہ کیویز کیخلاف وائٹ بال سیریز کے پریکٹس سیشن کے دوران محمد رضوان نے ایک شارٹ کھیلا جو براہ راست اس جگہ جا لگا جہاں کھلاڑی اور ان کے معاونین اپنی کِٹ اور دیگر سامان کیساتھ موجود تھے۔
بدقسمتی سے، محمد رضوان کا شارٹ فاسٹ بولر نسیم شاہ کے بیگ پر جاکر لگا جس کے باعث انکا موبائل فون ٹوٹ گیا، بولر نے فوری طور پر اپنے موبائل کی طرف دیکھا اور کپتان کے شارٹ پر ناراضگی کا اظہار کیا تھا۔
مزید پڑھیں: رضوان نے نسیم کا موبائل فون توڑ دیا، مگر کیوں؟ ویڈیو وائرل
تاہم نیوزی لینڈ روانگی کے موقع پر نسیم شاہ سے ایک شخص نے پوچھا "کیا آپکا فون ٹوٹ گیا تھا؟" جس پر فاسٹ بولر نے رضوان کی طرف اشارہ کرتے ہوئے کہا کہ 'انہوں نے میرا فون توڑ دیا، جس کے بعد کپتان نے فوراً اپنا موبائل فون نسیم کو دیدیا' جس کی ویڈیو سوشل میڈیا پلیٹ فارمز پر وائرل ہورہی ہے۔
مزید پڑھیں: رضوان، نسیم شاہ کا فون توڑنے کے بعد نیوزی لینڈ روانہ
رضوان نے بعد میں کہا کہ "وہ بورڈنگ کا عمل مکمل ہونے کے بعد اپنا فون نسیم کو دیں گے کیونکہ ان کا فلائٹ ٹکٹ اسی فون میں تھا"۔
دوسری جانب پاکستانی ٹیم کے 9 اراکان ون ڈے انٹرنیشنل سیریز میں حصہ لینے کیلئے رات گئے نیوزی لینڈ روانہ ہوئے تھے۔
بدین: 2 گروپس کے درمیان تصادم،6 شہری جاں بحق، 7 زخمی، وزیر اعلیٰ سندھ کا نوٹس