پاکستان میں اسٹار لنک کو سیٹلائٹ انٹرنیٹ سروسز فراہم کرنے کی عارضی منظوری
اشاعت کی تاریخ: 22nd, March 2025 GMT
اسلام آباد (اُردو پوائنٹ ۔ DW اردو۔ 22 مارچ 2025ء) پاکستان کی سرکاری خبر رساں ایجنسی ای پی پی کی ایک رپورٹ میں وزیر برائے انفارمیشن ٹیکنالوجی شزہ فاطمہ خواجہ کے بیان کا حوالہ دیتے ہوئے بتایا گیا ہے کہ حکومت نے امریکی ارب پتی بزنس مین ایلون مسک کی کمپنی اسٹار لنک کو ملک میں سیٹلائٹ انٹرنیٹ سروسز کی فراہمی شروع کرنے کے لیے عارضی این او سی (no-objection certificate) جاری کر دیا ہے۔
اے پی پی کے مطابق شزہ فاطمہ نے کہا کہ اسٹار لنک کی رجسٹریشن کے لیے عارضی این او سی وزیر اعظم شہباز شریف کی ہدایت پر تمام سکیورٹی اور ریگولیٹری اداروں کی اتفاق رائے کے بعد جاری کیا گیا۔ ان کا مزید کہنا تھا کہ پاکستان ٹیلی کمیونیکیشن اتھارٹی اسٹار لنک کی جانب سے فیسوں کی ادائیگی اور لائسنسگ کی شرائط پر عمل درآمد کی نگرانی کرے گی۔
(جاری ہے)
انہوں نے کہا، ''وزیر اعظم نے پاکستان میں انٹرنیٹ انفراسٹرکچر کی بہتری کے لیے جامع اصلاحات کی ہدایت کی ہے اور اسٹار لنک کی رجسٹریشن اس سفر میں ایک اہم قدم ہے۔‘‘ ان کے بقول ملک میں سیٹلائٹ انٹرنیٹ سروسز کی فراہمی کی منظوری ایک ''سنگ میل‘‘ ہے اور اس طرح کی جدید ٹیکنالوجی ذریعے ملک میں ''کنیکٹوٹی‘‘ کو بہتر بنایا جا سکے گا۔
شزہ فاطمہ نے مزید بتایا کہ اسٹار لنک کی رجسٹریشن کے معاملے میں تمام متعلقہ حکومتی اداروں کے تعاون کے ساتھ کام کیا گیا۔ اس حوالے سے انہوں نے خاص طور پر سائبر کرائم اور سکیورٹی ایجسیوں، پاکستان ٹیلی کمیونیکیشن اتھارٹی اور اسپیس اتھارٹی کے اہم کردار کا ذکر کیا۔
انہوں نے امید ظاہر کی کہ اسٹار لنک کی سروسز کے آغاز سے ملک میں ڈیجیٹل کنکٹیوٹی کے ایک نئے دور کی شروعات ہو گی۔
م ا / ر ب (نیوز ایجنسیاں)
.ذریعہ: UrduPoint
کلیدی لفظ: تلاش کیجئے اسٹار لنک کی ملک میں
پڑھیں:
اسٹار لنک سروسز جلد پاکستان میں، این او سی جاری کر دیا گیا
اسٹار لنک سروسز جلد پاکستان میں شروع ہونے کا امکان ظاہر کیا گیا ہے۔ اسپیس ایکٹیوٹی ریگولیٹری بورڈ کی اسٹار لنک کو این او سی کی منظوری دے دی۔
ذرائع کے مطابق ایلون مسک کی کمپنی اسٹار لنک کے پاکستان میں شروع ہونے کے حوالے سے ایک اہم پیش رفت سامنے آئی ہے۔ لائسنس کے اجراء میں تمام این او سی حاصل کرلیے گئے، اسٹار لنک کو پی ٹی اے کی جانب سے لائسنس اجراء ہونے میں پیشرفت ہوئی ہے۔
ذرائع کے مطابق اسٹار لنک نے اسپیس ریگولیٹری بورڈ کے تمام تقاضے پورے کرلیے ہیں، جس کے بعد وزارت داخلہ کی کلیئرنس کے بعد اسپیس ریگولیٹری بورڈ نے این او سی جاری کیا ہے اور اب پی ٹی اے آئندہ 2 ہفتوں میں اسٹار لنک کو لائسنس جاری کردے گا۔ذرائع کا کہنا ہے کہ سیٹلائٹ سروس فراہمی کیلئے ریگولیٹری بورڈ کی این او سی لازمی تھی، این او سی ملنے کے بعد پی ٹی اے لائسنس کیلئےعمل درآمد شروع کرے گا۔
واضح رہے کہ اسٹار لنک پہلے ہی پاکستان ٹیلی کام اتھارٹی میں لائسنس کے لیے درخواست دینے کے علاوہ پی ٹی اے میں ٹیکنیکل اور بزنس پلان بھی جمع کروا چکا ہے۔ اسٹار لنک نے پاکستان میں رجسٹریشن کے 3 مراحل مکمل کرلیے ہیں۔اسٹار لنک کی جانب سے ایس ای سی پی اور پاکستان سافٹ وئیر ایکسپورٹ بورڈ سے رجسٹریشن حاصل کی گئی ہے۔ اس کے علاوہ کمپنی نے پاکستان اسپیس ایکٹیوٹیز ریگولیٹری بورڈ سے بھی رجسٹریشن حاصل کرلی جس کے بعد آخری مرحلہ پی ٹی اے سے رجسٹریشن حاصل کرنا ہوگا۔
پانی کا مسئلہ، سفارتی حل یا تصادم؟