پاکستان ڈے پریڈ کے موقع پر بڑی گاڑیوں کے داخلے پر پابندی
اشاعت کی تاریخ: 22nd, March 2025 GMT
پاکستان ڈے پریڈ کے موقع پر بڑی گاڑیوں کے داخلے پر پابندی WhatsAppFacebookTwitter 0 22 March, 2025 سب نیوز
اسلام آباد: نیشنل ہائی ویز اینڈ موٹروے پولیس کی جانب سے اطلاع دی جاتی ہے کہ پاکستان ڈے پریڈ کے سلسلے میں اسلام آباد اور راولپنڈی میں بڑی گاڑیوں کے داخلے کے اوقات کار میں عارضی تبدیلی کی گئی ہے۔
تفصیلات کے مطابق: تمام بڑی گاڑیوں (HTVs، ٹرک، ٹریلر، مزدا اور دیگر مال بردار گاڑیاں) کا اسلام آباد / راولپنڈی میں داخلہ
آج رات 22 مارچ 2025، رات 12 بجے سے لے کر 23 مارچ 2025، سہ پہر 3 بجے تک بند رہے گا۔
روکنے کے مقامات:
پشاور سے جی ٹی روڈ کے ذریعے آنے والی تمام بڑی گاڑیاں:
مارگلہ اور ٹیکسلا کے مقامات پر روکی جائیں گی۔
پشاور سے موٹروے کے ذریعے آنے والی تمام بڑی گاڑیاں:
➤ برہان انٹرچینج پر روک دی جائیں گی۔
لاہور سے موٹروے کے ذریعے آنے والی تمام بڑی گاڑیاں:
چکری انٹرچینج پر روکی جائیں گی۔
لاہور سے جی ٹی روڈ کے ذریعے آنے والی تمام بڑی گاڑیاں:
➤ مندرا ٹول پلازہ پر روکی جائیں گی۔
کشمیر اور مری سے آنے والی بڑی گاڑیاں:
➤ 17 میل ٹول پلازہ سے 20 کلومیٹر پہلے روک دی جائیں گی۔
اہم ہدایات:
تمام بڑی گاڑیوں کے مالکان اور ڈرائیوران کو ہدایت کی جاتی ہے کہ:
آج رات 12 بجے سے کل 23 مارچ سہ پہر 3 بجے تک اسلام آباد اور راولپنڈی کی جانب سفر سے گریز کریں۔ کسی بھی قسم کی تکلیف یا پریشانی سے بچنے کے لیے اپنے سفر کو مناسب وقت پر روکا جائے۔
کسی محفوظ مقام پر اپنے قیام کو یقینی بنائیں۔
.ذریعہ: Daily Sub News
کلیدی لفظ: بڑی گاڑیوں کے
پڑھیں:
یوم پاکستان بھرپور ملی جوش و جذبے سے منایا جائے گا، آئی ایس پی آر کی جانب سے ملی نغمہ جاری
اسلام آباد (ڈیلی پاکستان آن لائن) یوم پاکستان ملی جوش و جذبے سے منایا جائے گا، 23 مارچ کی مناسبت سے آئی ایس پی آر کی جانب سے نغمہ جاری کر دیا گیا۔
آئی ایس پی آر کی جانب سے جاری کردہ ملی نغمے کے بول میرے محبوب پاکستان، میری جان پاکستان ہیں، ملی نغمے کو معروف گلوکار عاطف اسلم نے گایا ہے۔
رواں سال یوم پاکستان پریڈ محدود پیمانے پر روایتی جوش و جذبہ کے ساتھ منعقد کرنے کا فیصلہ کیا گیا ہے، یوم پاکستان پریڈ ایوان صدر کے احاطے میں منعقد کی جائے گی۔
پریڈ میں تینوں مسلح افواج کے دستے بھرپور شرکت کریں گے، صدر مملکت آصف زرداری یوم پاکستان کی تقریب کے مہمان خصوصی ہوں گے، یوم پاکستان پریڈ میں مسلح افواج کے دستے مہمان خصوصی کو سلامی پیش کریں گے۔
ڈاکٹر حامد عتیق سرور--ستارہ امتیاز 2025
اس دن کی مناسبت سے وفاقی و صوبائی دارالحکومتوں، تمام ڈویژنل و ضلعی ہیڈ کوارٹرز پر خصوصی پروگرام منعقد کئے جائیں گے اور قومی پرچم لہرائے جائیں گے۔یوم پاکستان کے موقع پر وفاقی دارالحکومت میں 31 اور صوبائی دارالحکومتوں میں 21، 21 توپوں کی سلامی دی جائے گی۔
"دنیا نیوز " کے مطابق دن کا آغاز مساجد میں نماز فجر کے بعد ملک و قوم کی سلامتی ،خوشحالی کی دعاؤں سے ہوگا جبکہ تحریک پاکستان کے رہنماؤں اور تقسیم برصغیر کی جدوجہد کے دوران جام شہادت نوش کرنے والے اسلاف کی آخری آرام گاہوں پر پھولوں کی چادریں چڑھائی جائیں گی اور فاتحہ خوانی کی جائے گی۔
ایران کے سفارتخانے کا یومِ پاکستان پر خصوصی پیغام
دہشت گردی کی حالیہ لہر کی وجہ سے یوم پاکستان کے موقع پر کسی بھی نا خوشگوار واقعہ سے نمٹنے کیلئے سکیورٹی کے غیر معمولی انتظامات کیے گئے ہیں۔
کھلاڑیوں کی فیملیز سے متعلق انڈین کرکٹ بورڈ کے نئے ضابطوں پر ویرات کوہلی کی شدید تنقید