کراچی: ملیر میں 15 سالہ بچی کی پراسرار موت، قتل کا شبہ
اشاعت کی تاریخ: 22nd, March 2025 GMT
کراچی:
ملیر کے علاقے چمن کالونی لاسی گوٹھ میں 15 سالہ بچی کی پراسرار موت کا واقعہ پیش آیا ہے۔
پولیس کے مطابق نصرت نامی لڑکی کی لاش گھر کے کمرے سے ملی جسے اہل خانہ نے فوری طور پر ایدھی ایمبولینس کے ذریعے جناح اسپتال منتقل کیا۔
پولیس نے اسپتال پہنچ کر اہل خانہ کا ابتدائی بیان ریکارڈ کیا، جس میں بتایا گیا کہ بچی کی طبیعت افطار کے بعد خراب ہوئی تھی۔ اہل خانہ اسے قریبی اسپتال لے گئے، جہاں ابتدائی طبی امداد کے بعد اسے ڈرپ لگا کر گھر بھیج دیا گیا، تاہم گھر پہنچنے کے بعد بچی کو کمرے میں لیٹاکر اہلخانہ اپنے کاموں میں مصروف ہوگئے، اہلخانہ کے مطابق کچھ دیر بعد کمرے میں جاکر دیکھا تو بچی مردہ پائی گئی۔
پولیس کے مطابق اہل خانہ نے بچی کی موت کی وجہ اسپتال انتظامیہ کی مبینہ غفلت کو قرار دیا ہے تاہم حقائق جاننے کے لیے پولیس نے لاش کا پوسٹ مارٹم کرانے کا فیصلہ کیا جو جناح اسپتال میں مکمل کر لیا گیا ہے۔
ذرائع کے مطابق شبہ ظاہر کیا جا رہا ہے کہ بچی کو گلا دبا کر قتل کیا گیا تاہم حتمی نتیجہ پوسٹ مارٹم رپورٹ آنے کے بعد سامنے آئے گا۔
پولیس حکام کا کہنا ہے کہ پوسٹ مارٹم رپورٹ کے بعد تفتیش کو مزید آگے بڑھایا جائے گا تاکہ بچی کی پراسرار موت کی اصل وجوہات معلوم کی جا سکیں۔
دوسری جانب لواحقین جناح اسپتال سے لاش لے کر روانہ ہو گئے ہیں اور اب بھی بچی کی موت کو ڈاکٹر کی غفلت کا نتیجہ قرار دے رہے ہیں۔
.ذریعہ: Express News
کلیدی لفظ: اہل خانہ کے مطابق کے بعد بچی کی
پڑھیں:
نالے سے ماں بیٹی کی تشدد زدہ لاشیں برآمد
لاہور(اُردو پوائنٹ اخبارتازہ ترین - این این آئی۔ 21 مارچ2025ء)شمالی چھائونی کے علاقہ ٹیرا گا ئوں رنگ روڈ نالے سے ماں بیٹی کی تشدد زدہ لاشیں برآمدہوئی ہیں۔ اطلاع ملتے ہی پولیس ، امدادی اور فرانزک ٹیمیں جائے وقوعہ پرپہنچ گئیں ۔(جاری ہے)
پولیس نے ریسکیو ٹیموں کے ذریعے 10 سالہ بیٹی اور 32 سالہ ماں کی لاشیں باہر نکالیں جن کی شناخت نہیں ہو سکی ۔پولیس اور فرانزک ٹیم نے شواہد اکٹھے کر کے مختلف پہلوئوں پر تحقیقات کا آغاز کر دیا ۔پولیس اور تحقیقاتی اداروں کی کارروائی کے بعد لاشوں کو ایدھی ایمبولینس کے ذریعے مردہ خانے منتقل کر دیا گیا۔
جنوبی امریکا میں طوفانی بگولوں کے نتیجے میں 34 افراد ہلاک