طورخم سرحد پر افغانستان کے لیے پیدل آمد و رفت بحال ہو گئی
اشاعت کی تاریخ: 22nd, March 2025 GMT
پشاور:
طورخم سرحد امیگریشن سیکشن میں مرمتی کام مکمل ہونے کے بعد افغانستان کے لیے پیدل آمدورفت شروع ہوگئی ہے۔
امیگریشن ذرائع کے مطابق صرف ویزا اور پاسپورٹ رکھنے والے مسافروں ہی کو افغانستان جانے کی اجازت ہوگی۔ طورخم سرحد کو پیدل آمدورفت کے لیے جمعہ کے روز بحال ہونا تھا لیکن امیگریشن سسٹم میں خرابی کے باعث جمعہ کو پیدل آمدورفت کی بحالی ممکن نہ ہوسکی۔
امیگریشن ذرائع کا کہنا ہے کہ 21 فروری کو پاکستان اور افغان فورسز کے مابین مسلح جھڑپیں ہوئیں اور افغان فورسز کی فائرنگ سے امیگریشن سسٹم کو نقصان پہنچا تھا۔
بدھ کے دن 25 روز بعد طورخم سرحدی گزرگاہ صرف مال بردار گاڑیوں اور مریضوں کے لیے کھول دی گئی تھی۔ امیگریشن ذرائع کا کہنا ہے کہ طورخم سرحد کے راستے یومیہ اوسطاً 10 ہزار مسافر آمدورفت کرتے ہیں۔
.ذریعہ: Express News
کلیدی لفظ: کے لیے
پڑھیں:
طورخم سرحد امیگریشن سیکشن میں مرمتی کام مکمل
طورخم سرحد امیگریشن سیکشن میں مرمتی کام مکمل ہوگیا ہے۔ خیبر سے ذرائع کے مطابق کل سے افغانستان جانے کیلئے پیدل آمد و رفت شروع کی جائے گی۔
امیگریشن ذرائع کے مطابق 25 دن بعد طوخم سرحدی گزرگاہ گزشتہ روز تجارت کے لیے کھول دیا گیا تھا۔
امیگریشن سسٹم میں خرابی کے باعث پیدل آمدورفت گزشتہ روز بحال نہ ہوسکی۔
امیگریشن ذرائع کے مطابق صرف افغان مریضوں کو پاکستان آنے کی اجازت دی گئی ہے، طورخم سرحد امیگریشن سیکشن میں مرمتی کام مکمل ہوگیا ہے۔
کوئٹہ میں پولیس موبائل کے قریب دھماکے سے اہلکار شہید، 5 افراد زخمی