پاکستان کشمیریوں کیساتھ ساتھ پوری امت مسلمہ کی امیدوں کا مرکز ہے، مسرت عالم
اشاعت کی تاریخ: 22nd, March 2025 GMT
حریت رہنما کا اپنے پیغام مین کہنا ہے کہ پاکستان ایک عظیم نظریے کی بنیاد پر قائم ہوا ہے اور کشمیری عوام اس نظریے کی بقا کی جنگ لڑ رہے ہیں اور روزانہ کی بنیاد پر اپنی جانوں کا نذرانہ پیش کر رہے ہیں۔ اسلام ٹائمز۔ کل جماعتی حریت کانفرنس کے غیر قانونی طور پر نظربند چیئرمین مسرت عالم بٹ اور دیگر حریت رہنمائوں اور تنظیموں نے ”یوم پاکستان“ کے موقع پر پاکستانی عوام اور حکومت کو مبارک باد دیتے ہوئے ملک کی ترقی، استحکام اور دن دوگنی اور رات چوگنی ترقی کی دعا کی ہے۔ ذرائع کے مطابق مسرت عالم بٹ نے نئی دلی کی بدنام زمانہ تہاڑ جیل سے اپنے ایک پیغام میں پاکستانی عوام اور حکومت کو مبارکباد پیش کرتے ہوئے کہا کہ پاکستان مظلوم کشمیریوں کے ساتھ ساتھ پوری امت مسلمہ کی امیدوں کا مرکز ہے اور یہ ملک مسلمانوں کے لیے ایک عظیم نعمت ہے۔ انہوں نے کہا کہ پاکستان ایک عظیم نظریے کی بنیاد پر قائم ہوا ہے اور کشمیری عوام اس نظریے کی بقا کی جنگ لڑ رہے ہیں اور روزانہ کی بنیاد پر اپنی جانوں کا نذرانہ پیش کر رہے ہیں۔ انہوں نے کہا کہ دنیا کی کوئی طاقت کشمیریوں اور پاکستانیوں کے عظیم دینی، ثقافتی اور تہذیبی رشتوں کو کمزور نہیں کر سکتی۔ مسرت عالم بٹ نے کہا کہ کشمیری دراصل تکمیل پاکستان کی جدوجہد کر رہے ہیں اور مملکت خداداد میں شمولیت کا ان کا خواب ایک روز ضرور پورا ہو گا۔
کل جماعتی حریت کانفرنس کے رہنماﺅں اور تنظیموں مولوی بشیر عرفانی، غلام محمد خان سوپوری، ایڈووکیٹ ارشد اقبال، محمد یوسف نقاش، زمردہ حبیب، فریدہ بہن جی، یاسمین راجہ، خادم حسین، سید سبط شبیر قمی، امتیاز ریشی، سلیم زرگر، عبدالصمد انقلابی، خواجہ فردوس، غلام نبی وار ،محمد حسیب وانی اور مولانا مصعب ندوی نے سرینگر اور جموں سے جاری اپنے بیانات میں 23 مارچ 1940ء کو منظور کی گئی قرارداد پاکستان کی اہمیت پر روشنی ڈالتے ہوئے کہا کہ بلاشبہ یہ جنوبی ایشیا کی تاریخ کا اہم ترین واقعہ ہے۔ ان کا کہنا تھا کہ 23 مارچ کی قرارداد نے خطے کے مسلمانوں کو نئی توانائی اور حوصلہ دیا جو قائداعظم محمد علی جناح کی قیادت میں آل انڈیا مسلم لیگ کے پلیٹ فارم پر جمع ہو کر جدوجہد آزادی کر رہے تھے۔ انہوں نے کہا کہ بھارت میں اس وقت اقلیتوں بالخصوص مسلمانوں کی جو حالت زار ہے اس نے اب یہ حقیقت واضح کر دی ہے کہ خطے میں مسلمانوں کے لیے علیحدہ وطن کا مطالبہ جائز تھا۔ انہوں نے کہا کہ کشمیری عوام حق خودارادیت کے لیے اپنی منصفانہ جدوجہد کی مسلسل سیاسی، سفارتی اور اخلاقی حمایت پر پاکستان کی حکومت اور عوام کے بے حد مشکور ہیں۔
انہوں نے کہا کہ کشمیری اور پاکستانی دین اسلام کے ایک عظیم رشتے میں بندھے ہوئے ہیں اور دنیا کی کوئی طاقت انہیں جدا نہیں کر سکتی۔ انہوں نے کہا کہ کشمیریوں کی جدوجہد دراصل تحریک پاکستان کا تسلسل ہے اور بھارتی تسلط کیخلاف مصروف جدوجہد کشمیری 23 مارچ 1940ء کی تاریخی قرارداد سے تحریک لیتے ہیں۔ انہوں نے کہا کہ ایک مضبوط و مستحکم پاکستان جموں و کشمیر کی بھارتی تسلط سے آزادی کا ضامن ہے، کشمیریوں کی بیش بہا قربانیاں ضرور رنگ لائیں گی اور جموں و کشمیر بھارت کے ناجائز تسلط سے آزاد ہو کر پاکستان کا حصہ بنے گا۔
دریں اثنا، کل جماعتی حریت کانفرنس آزاد جموں و کشمیر شاخ کے رہنمائوں محمد فاروق رحمانی، محمود احمد ساغر، سید یوسف نسیم، میر طاہر مسعود، شمیم شال، شیخ متین، مشتاق احمد بٹ، زاہد صفی، شیخ محمد یعقوب، شیخ عبدالماجد، سید مشتاق گیلانی، زاہد اشرف، سید گلشن احمد، امتیاز وانی، سید اعجاز رحمانی، الطاف احمد بٹ، منظور احمد اور محمد اشرف ڈار نے بھی 23 مارچ کو یوم پاکستان کے موقع پر پاکستانی عوام، حکومت پاکستان اور پاک فوج کو مبارکباد دی ہے۔ انہوں نے اپنے بیانات میں کہا کہ پاکستان کشمیریوں کی امیدوں اور آرزﺅں کا مرکز ہے، کشمیری دراصل تکمیل پاکستان کی جدوجہد کر رہے ہیں۔ انہوں نے کہا کہ پاکستان عالمی فورموں پر تنازعہ کشمیر کو بھرپور طریقے سے اجاگر کر رہا ہے جس پر کشمیری اس کے مشکور ہیں۔ انہوں نے کہا کہ کشمیریوں کی جدوجہد ضرور رنگ لائے گی اور پاکستان میں شمولیت کا ان کا خواب پورا ہو کر رہے گا۔
ذریعہ: Islam Times
کلیدی لفظ: انہوں نے کہا کہ کشمیری کہا کہ پاکستان کشمیریوں کی کی بنیاد پر پاکستان کی کر رہے ہیں کی جدوجہد مسرت عالم نظریے کی ایک عظیم ہیں اور ہے اور
پڑھیں:
برطانیہ، ڈاکٹر محمد فیصل کی برطانوی ڈپٹی پرائم منسٹر سے ملاقات
ویب ڈیسک:برطانیہ میں پاکستان کے ہائی کمشنر ڈاکٹر محمد فیصل نے آکسفورڈ سنٹر آف اسلامک اسٹڈی میں افطار کے موقع پر منعقدہ پروقار تقریب میں برطانیہ کی ڈپٹی پرائم منسٹر انجیلا رینر کے ساتھ ایک ملاقات کی۔
ملاقات کے بعد اپنے سوشل میڈیا پلیٹ فارم پر ہائی کمشنر نے کہا ہے کہ انجیلا رینر کے ساتھ میری شاندار بات چیت ہوئی ہے۔
انہوں نے کہا کہ وہ پاکستان کی ایک عظیم دوست اور برطانیہ اور پاکستان کے مابین مضبوط تعلقات کی حامی ہیں۔
خبردار ! رات گئے تک جاگنا اچھا نہیں۔۔
کوئٹہ میں پولیس موبائل کے قریب دھماکے سے اہلکار شہید، 5 افراد زخمی