ماہرہ شرما اور محمد سراج نے رومانوی تعلقات کی افواہوں پر خاموشی توڑ دی
اشاعت کی تاریخ: 22nd, March 2025 GMT
بھارتی ڈراموں کی مشہور اداکارہ ماہرہ شرما اور بھارتی کرکٹر محمد سراج کے درمیان چلنے والی رومانوی تعلقات کی افواہوں پر دونوں نے بالآخر اپنی خاموشی توڑ دی ہے۔
جمعہ کے دن ماہرہ نے اپنے انسٹاگرام پر ایک اسٹوری شیئر کی جس میں واضح الفاظ میں اپنی ڈیٹنگ کے بارے میں مداحوں کو اطلاع دی۔
ماہرہ نے اپنی انسٹا اسٹوری میں لکھا کہ ’’افواہیں پھیلانا بند کرو، میں کسی کے ساتھ ڈیٹنگ نہیں کر رہی۔‘‘
یہ بیان اُس وقت سامنے آیا جب محمد سراج نے بھی اپنی انسٹاگرام پوسٹ میں ان افواہوں کی تردید کی، جسے بعد میں اُنہوں نے ڈیلیٹ کردیا تھا۔
بھارتی کرکٹر نے اپنی پوسٹ میں لکھا تھا کہ ’’میں پاپارازی سے گزارش کرتا ہوں کہ میرے اردگرد ایسے سوالات کرنا بند کریں۔ یہ بالکل جھوٹ اور بے بنیاد ہے۔ مجھے امید ہے کہ اب یہ ختم ہوجائے گا۔‘‘
ماہرہ شرما اور محمد سراج کے درمیان تعلقات کی افواہیں کو اُس وقت مزید ہوا ملی تھی جب ماہرہ نے 20 مارچ کو ممبئی میں ایک ایونٹ میں شرکت کی، جہاں پاپارازیوں نے اُن سے اُن کی آئی پی ایل کی ترجیحات کے بارے میں سوال کرکے سراج سے ان کا تعلق پتا لگانے کی کوشش کی۔
ایک وائرل ویڈیو میں فوٹوگرافروں کو یہ سوالات کرتے سنا جاسکتا تھا: ’’کل سے آئی پی ایل شروع ہو رہا ہے۔ ماہرہ جی، آپ کس کے ساتھ ہیں؟ کس ٹیم کو سپورٹ کر رہی ہیں؟ آپ کی پسندیدہ ٹیم کون سی ہے؟‘‘
اداکارہ اور انڈین فاسٹ بولر کے درمیان ممکنہ تعلقات کی افواہیں کئی مہینوں سے چل رہی تھیں۔ بھارتی میڈیا نے پہلے رپورٹ کیا تھا کہ دونوں ’’رومانوی تعلقات میں ایک ساتھ ہیں‘‘۔ بھارتی میڈیا میں نامعلوم ذرائع کا حوالہ دیتے ہوئے کہا گیا تھا کہ دونوں گزشتہ کچھ مہینوں سے خاموشی سے ڈیٹنگ کر رہے ہیں۔
ڈیٹنگ کی ان افواہوں کو اس وقت مزید تقویت ملی تھی جب مداحون نے دیکھا کہ سراج نے ماہرہ کی ایک انسٹاگرام پوسٹ کو لائیک کیا، اور پھر دونوں نے پلیٹ فارم پر ایک دوسرے کو فالوو کرنا شروع کردیا۔ اس سوشل میڈیا سرگرمی نے مداحوں میں ایک ممکنہ رومانس کے بارے میں قیاس آرائیوں کو ہوا دے دی۔
.ذریعہ: Express News
کلیدی لفظ: تعلقات کی
پڑھیں:
بھارتی کرکٹرز جواپنی شادیاں بچانے میں ناکام رہے
گزشتہ روز بمبئی ہائیکورٹ کی درخواست پر فیملی کورٹ کو ہدایت کی گئی تھی کہ دونوں کے درمیان طلاق کے پراسس کو تیز تر بنایا جائے کیونکہ باہمی رضامندی سے علیحدگی اختیار کررہے ہیں۔
کارروائی کے کچھ دیر بعد یوزویندرچہل کو عدالت کے احاطے سے نکلتے دیکھا گیا، فیملی کورٹ کے باہر میڈیا سے بات کرتے ہوئے ان کے وکیل نے طلاق کی تصدیق کرتے ہوئے بتایا کہ کوریوگرافر دھناشری ورما اور کرکٹر یوزویندر چہل کی شادی باضابطہ طور پر ختم ہوگئی ہے۔
یوزویندر چہل اور دھناشری ورما
یوزویندر چہل حال ہی میں ان کرکٹرز کی فہرست میں شامل ہوگئے ہیں جنہوں نے طلاق کا سامنا کیا۔ انہوں نے 2020 میں ڈانسر اور کوریوگرافر دھناشری ورما سے شادی کی تھی لیکن صرف 2 سال بعد ہی ان کے تعلقات میں کشیدگی پیدا ہوگئی۔ یہ جوڑی گزشتہ 2 سال سے الگ رہ رہی تھی۔
طلاق کے معاہدے کے تحت چہل دھناشری کو 4.75 کروڑ (یعنی پاکستانی روپوں میں انہیں 15 کروڑ 36 لاکھ سے زائد) ادا کریں گے۔
ہاردیک پانڈیا اور نتاشا اسٹینکووک
فہرست میں دوسرا نام ہاردیک پانڈیا اور سربین اداکارہ نتاشا اسٹینکووک کا ہے جنہوں نے 2020 اپنی منگنی کا اعلان کیا اور اسی سال انکے ہاں بیٹے اگستیا کی پیدائش ہوئی تاہم، یہ جوڑی بھی 2024 میں علیحدہ ہوگئی اور طلاق لے لی۔
شیکھر دھون اور عائشہ مکھرجی
شیکھر دھون کا تعلق میلبرن کی کک باکسر عائشہ مکھرجی سے ایک زمانے میں ایک کہانی کی طرح لگتا تھا، عائشہ ایک مطلقہ اور دو بچوں کی ماں تھیں لیکن انہوں نے دھون کا دل جیت لیا تاہم، تقریباً 10 سال کی شادی اور اپنے بیٹے کی پیدائش کے بعد یہ جوڑا 2021 میں علیحدگی کا اعلان کردیا۔
محمد شامی اور حسین جہاں
محمد شامی اور حسن جہاں کی شادی نے 2018 میں ایک ڈرامائی موڑ لیا، جب انکی اہلیہ نے محمد شامی پر بے وفائی اور گھریلو تشدد کے الزامات لگائے۔ شامی نے ان الزامات کو مسترد کیا اور معاملہ عدالت تک پہنچ گیا۔
اگرچہ وہ اب علیحدہ ہیں لیکن ان کی کہانی ہندوستانی کرکٹ کی سب سے متنازع اور زیر بحث طلاقوں میں سے ایک ہے۔
یوگراج سنگھ اور شبنم سنگھ
بھارتی کرکٹر یوگراج سنگھ کی ذاتی زندگی نے کافی توجہ حاصل کی۔ ان کی پہلی اہلیہ شبنم سنگھ، کرکٹر یوراج سنگھ کی والدہ ہیں، بعد میں یوگراج نے پنجابی اداکارہ ستویر کور سے شادی کی۔
دینیش کارتک اور نکیتا ونزارا
دینیش کارتک کی پہلی شادی نکیتا ونزارا سے ہوئی تھی، جو کافی متنازع رہی۔ یہ جوڑی، جو بچپن کے دوست تھے، 2007 میں شادی کے بندھن میں بندھ گئے تاہم، نکیتا اور دینیش کے ساتھی کرکٹر مرالی وجے کے ساتھ تعلقات کی افواہوں نے تعلقات کو خراب کردیا۔
دونوں 2012 میں طلاق کے لے کر علیحدہ ہوگئے اور پھر نکیتا نے مرالی وجے سے شادی کرلی، جس کے بعد مرلی وجے کو شدید تنقید کا سامنا کرنا پڑا کہ انہوں نے اپنے دوست کی اہلیہ کیساتھ ہی چکر چلایا۔
محمد اظہرالدین اور ناورین، سنجیتا بجلانی
سابق بھارتی کپتان محمد اظہرالدین کی ذاتی زندگی ان کے کرکٹ کیریئر کی طرح ہی پرتجسس رہی، سابق کرکٹر نے پہلی شادی 1987 میں ناورین سے کی، جن کے ساتھ ان کے دو بچے تھے تاہم، 1996 میں بالی ووڈ اداکارہ سنجیتا بجلانی کے ساتھ تعلقات کی وجہ سے ان کی پہلی شادی ختم ہوگئی۔
انہوں نے 1996 میں بالی ووڈ اداکارہ سنگیتا بجلانی سے شادی کی، جنکا اسوقت نام اداکار سلمان خان کیساتھ جوڑا جارہا تھا بعدازاں انہوں نے بھی 2010 میں اظہر الدین سے طلاق لیکر رشتہ ختم کردیا۔
ونود کمبلی اور نوئلا لیوس
بھارتی بیٹر ونود کمبلی کی پہلی شادی سابق رسیپشنسٹ نوئلا لیوس سے ہوئی تھی، جو کچھ سال بعد طلاق پر اختتام پذیر ہوئی، اس مشہور کرکٹر نے بعد میں اینڈریا ہیوٹ سے شادی کی، جن کے ساتھ ان کا ایک بیٹا ہے۔
روی شاستری اور ریتو سنگھ
معروف کمنٹیٹر روی شاستری اور ریتو سنگھ 20 سال تک ساتھ رہنے کے بعد 2012 میں علیحدہ ہوئے۔ خیال کیا جاتا ہے کہ شاستری کے مصروف کوچنگ کیرئیر اور کمنٹری کے باعث وقت نہ دینے کی وجہ سے تعلقات کمزور ہوئے اور طلاق پر شادی اختتام پذیر ہوگئی۔
Post Views: 1
میرپور آزاد کشمیر میں درزی سڑکوں پر نکل آئے