جب تک فوج کے کنٹرول کا 100 فیصد یقین نہ ہوجائے لبنان میں رہیں گے،اسرائیل
اشاعت کی تاریخ: 22nd, March 2025 GMT
تل ابیب (اُردو پوائنٹ اخبارتازہ ترین - این این آئی۔ 22 مارچ2025ء)اسرائیل کے ایک سفارتی ذریعے نے تصدیق کی ہے کہ اسرائیلی فوج لبنان کے پانچ مقامات پر اس وقت تک موجود رہے گی جب تک اس بات کی تصدیق نہیں ہو جاتی کہ لبنانی فوج سرحدوں کو کنٹرول کرنے کی 100 فیصد صلاحیت رکھتی ہے۔میڈیارپورٹس کے مطابق ذرائع نے کہا کہ اسرائیل لبنان میں حزب اللہ کو مسلح کرنے اور اس کو رقوم کی منتقلی اور متعلقہ حکام کو ہتھیاروں کی فراہمی کو روکنے کے لیے کام کر رہا ہے۔
ہم صرف نگرانی کے کردار سے مطمئن نہیں ہوں گے۔(جاری ہے)
ذریعہ نے کہا کہ جنوبی لبنان میں 5 پوائنٹس پر اسرائیلی افواج کی موجودگی لبنان کے ساتھ جنگ بندی کے معاہدے کے نتیجے میں مانیٹرنگ میکانزم کے مطابق ہے۔ یہ جنگ اسرائیل نے حزب اللہ کے ساتھ گزشتہ موسم خزاں میں لڑی تھی۔ایک اور تناظر میں سفارتی ذریعے نے کہا کہ اسرائیل حقیقی اور عملی طور پر اور فوجی کارروائیوں کے ذریعے ایرانی محور کے خاتمے کو یقینی بنانے کے لیے کام کر رہا ہے۔ اسرائیل 7 اکتوبر 2023 کے حملے کے بعد فوجی کارروائی کو حل کے طور پر دیکھ رہا ہے۔ ذریعے نے یہ بھی کہا کہ اسرائیل شام میں جو کچھ ہو رہا ہے اس کی نگرانی بھی کر رہا ہے۔
.ذریعہ: UrduPoint
کلیدی لفظ: تلاش کیجئے کہ اسرائیل رہا ہے
پڑھیں:
اسرائیلی طیاروں کی جنوبی لبنان پر بمباری، 2شہری شہید، 10زخمی
اسرائیلی طیاروں کی جنوبی لبنان پر بمباری، 2شہری شہید، 10زخمی WhatsAppFacebookTwitter 0 22 March, 2025 سب نیوز
بیروت (سب نیوز)لبنان سے اسرائیل پر راکٹ حملوں کے بعد اسرائیل طیاروں نے نیتن یاہو کی اجازت سے جنوبی لبنان میں بمباری کردی جس میں 2 شہری جاں بحق اور 10 زخمی ہوگئے۔
عرب میڈیا کے مطابق اسرائیل نے راکٹ حملوں کے بعد جنوبی لبنان میں کارروائی کا اعلان کردیا، نیتن یاہو نے جنوبی لبنان میں کارروائی کی اجازت دے دی، اسرائیلی طیاروں نے جنوبی لبنان میں بمباری شروع کردی۔رپورٹ کے مطابق اسرائیلی طیاروں کی جنوبی لبنان پر بمباری میں 2 شہری جاں بحق اور 10 زخمی ہوگئے۔
عرب میڈیا کا کہنا ہے کہ اسرائیلی طیاروں نے جنوبی لبنان کے گاوں تولین میں ایک گھر کو میزائلوں سے نشانہ بنایا۔اس سے قبل جنوبی لبنان سے اسرائیل پر راکٹ حملے کے بعد لبنانی وزیراعظم نے ایک بیان میں کہا تھا کہ جنگ اور امن کا فیصلہ کرنے کا اختیار صرف حکومت کا ہے، ضرورت پڑی تو جنوبی لبنان میں آپریشن کریں گے۔
ریاست خطرے میں ہے، موجودہ سیاسی حالات میں نواز شریف اہم کردار ادا کرسکتے ہیں، مولانا فضل الرحمان