لکی مروت: تھانہ درہ پیزو پر رواں ہفتے کا تیسرا حملہ ناکام
اشاعت کی تاریخ: 22nd, March 2025 GMT
خیبر پختونخوا کے علاقے لکی مروت میں پولیس نے مسلح افراد کا تھانے پر ایک ہفتے میں تیسرا حملہ بھی ناکام بنا دیا۔ پولیس اور حملہ آوروں کے درمیان فائرنگ کا تبادلہ ہوا۔ پولیس کی بھر پور جوابی کارروائی سے حملہ آور فرار ہوگئے۔
پولیس کے مطابق لکی مروت میں تھانہ درہ پیزو پر نامعلوم مسلح افراد نے حملہ کر دیا۔ پولیس اور حملہ آوروں کے درمیان فائرنگ کا تبادلہ بھی ہوا۔ دونوں جانب سے بھاری ہتھیاروں اور راکٹ لانچرز کا استعمال کیا گیا۔ پولیس کی بروقت جوابی کارروائی سے حملہ آور فرار ہو گئے۔
حملے میں پولیس کا کوئی جانی نقصان نہیں ہوا۔ حملہ آوروں کی گرفتاری کے لئے علاقے میں کارروائی شروع کر دی گئی ہے۔ رواں ہفتے تھانہ درہ پیزو پر تیسرا حملہ ہے۔
یاد رہے کہ خیبر پختونخوا میں ان دنوں تھانے اور پولیس اہلکار دہشت گردوں کے نشانے پر ہیں، لکی مروت میں بھی تھانوں، پولیس اہلکاروں اور خوارج کے تواتر سے حملے جاری ہیں۔ چند روز قبل بھی پولیس موبائل پر دھماکے سے 3 پولیس اہلکار زخمی ہوئے تھے۔
دوسری جانب وفاقی وزیر داخلہ محسن نقوی نے لکی مروت میں تھانے پر دہشت گردوں کا حملہ ناکام بنانے پر پولیس کو شاباش دی ہے۔ انہوں نے کہا کہ پولیس نے دلیری کے ساتھ خوارجی دہشت گردوں کا مقابلہ کیا۔
محسن نقوی نے کہا کہ دہشت گردوں کےعزائم ناکام بنانے پر کے پی پولیس کو سلام پیش کرتے ہیں، ہمیں خیبر پختونخوا کے پولیس کے جری سپوتوں پر فخر ہے۔
Post Views: 1.ذریعہ: Daily Mumtaz
کلیدی لفظ: لکی مروت میں
پڑھیں:
ڈیرہ غازی خان، سرحدی چیک پوسٹ پر خارجی دہشتگردوں کا حملہ ناکام
ترجمان پنجاب پولیس کے مطابق پولیس اہلکاروں کے الرٹ ہونے پر تھرمل امیج کیمروں سے دہشت گردوں کی فوری نشاندہی کر لی گئی، پولیس کے جوانوں کی بھرپور جوابی کاروائی سے دہشت گرد چیک پوسٹ کے قریب پہنچنے میں ناکام رہے۔ اسلام ٹائمز۔ پنجاب پولیس نے ڈیرہ غازی خان میں سرحدی چیک پوسٹ پر خارجی دہشتگردوں کا ایک اور حملہ ناکام بنا دیا، دہشت گردوں نے تھانہ وہوا کی لکھانی چیک پوسٹ پر رواں ماہ پانچواں حملہ کیا۔ رپورٹ کے مطابق ترجمان پنجاب پولیس کا کہنا ہے کہ 10 سے 12 خارجی دہشت گرد سحری کے وقت چیک پوسٹ لکھانی پر 3 اطراف سے حملہ آور ہوئے اور راکٹ لانچرز سمیت دیگر بھاری ہتھیاروں کا استعمال کیا۔ ترجمان پنجاب پولیس کے مطابق پولیس اہلکاروں کے الرٹ ہونے پر تھرمل امیج کیمروں سے دہشت گردوں کی فوری نشاندہی کر لی گئی، پولیس کے جوانوں کی بھرپور جوابی کاروائی سے دہشت گرد چیک پوسٹ کے قریب پہنچنے میں ناکام رہے اور 2 گھنٹے جاری رہنے والے مقابلے کے بعد بھاری نقصان اٹھا کر فرار ہو گئے۔ ترجمان پنجاب پولیس کے مطابق آر پی او ڈیرہ غازی خان کیپٹن (ر) سجاد حسن خان نے آپریشن کی کمانڈ کی، ڈی پی او ڈیرہ غازی خان سید علی کی زیرِ کمانڈ کیو آر ایف ٹیمیں بروقت لکھانی چوکی پہنچیں، سرحدی علاقے میں پولیس اور دیگر قانون نافذ کرنے والے اداروں کا سرچ آپریشن جاری ہے۔ آئی جی پنجاب ڈاکٹر عثمان انور نے دہشت گردوں کا بہادری سے مقابلہ کرنے والے اہلکاروں کو شاباش دیتے ہوئے کہا ہے کہ خارجی دہشت گرد بزدلانہ حملوں سے ہمارے عزم کو متزلزل نہیں کر سکتے، پنجاب پولیس خارجی دہشت گردوں کے سامنے سیسہ پلائی دیوار ہے۔
پاکستانیوں کے امریکی سفر پر پابندی کا امکان نہیں، حسین حقانی