وفاقی حکومت کا1700 یوٹیلٹی اسٹورز بند ، 6 ہزار ملازمین کو فارغ کرنے کا فیصلہ
اشاعت کی تاریخ: 22nd, March 2025 GMT
اسلام آباد(اوصاف نیوز)سینیٹر عون عباس کی زیر صدارت سینیٹ کی قائمہ کمیٹی صنعت و پیداوار کا اجلاس منعقد ہوا۔ اجلاس میں یوٹیلیٹی اسٹورز کارپوریشن کے مستقبل پر بریفنگ دی گئی۔
ایم ڈی یوٹیلیٹی اسٹورز کارپوریشن نے کہا ہے کہ آڈٹ نہ ہونے کے سبب یوٹیلیٹی اسٹورز کی نجکاری رک گئی، آڈٹ مکمل ہونے پر نجاری ہوگی، 5 ہزار مستقل ملازمین کو سرپلس پول بھیجا جائیگا، چھ ہزار کنٹریکٹ اور ڈیلی ویجز فارغ ہوجائیں گے۔
ایم ڈی یوٹیلٹی اسٹورز کارپوریشن نے کہا کہ یوٹیلیٹی اسٹورز حکومت کی نجکاری لسٹ پر ہے، دوسالہ آڈٹ نہ ہونے کے باعث نجکاری کا عمل رک گیا، اگست 2025ء میں دوسالہ آڈٹ مکمل کرنے کا ہدف ہے، یوٹیلٹی اسٹورز کی پراپرٹی کی ابتدائی تخمینہ لگایا گیا ہے۔
انہوں ںے بتایا کہ یوٹیلٹی اسٹورز کارپوریشن حکومت کی سیکنڈ نجکاری لسٹ پر ہے، اس وقت یوٹیلٹی اسٹورز کے پانچ ہزار ملازمین ریگولر ہیں، چھ ہزار کے قریب کنٹریکٹ اور ڈیلی ویجز پر ہیں، مستقل ملازمین کو سرپلس پول میں بھیجا جائے گا، ڈیلی ویجز اور کنٹریکٹ ملازمین کو کوئی پیکیج نہیں دیا جائے گا، جب ادارہ پرائیویٹ ہوگا تو ڈیلی ویجز اور کنٹریکٹ ملازمین فارغ ہوجائیں گے۔
انہوں نے بتایا کہ اس وقت ملک بھر میں 3 ہزار 20 0سے زائد اسٹورز ہیں، منافع میں نہ چلنے والے 1700 یوٹیلیٹی اسٹورز بند ہوں گے، پرائیویٹ کرنے کے بعد صرف 1500 سٹورز کیلئے اسٹاف درکار ہوگا، ایک ہزار کے قریب اس وقت فرنچائزز ہیں، یوٹیلٹی اسٹورز کا ماہانہ خرچہ 1ارب 2کروڑ تھا۔
ان کا کہنا تھا کہ نقصان میں چلنے والے اسٹورز بند کرنے کے بعد ماہانہ خرچہ 52 کروڑ روپے رہ گیا ہے، ایک ماہ میں یوٹیلٹی اسٹورز بند کرنے سے ماہانہ نقصان 22 میں کروڑ میں کمی آئی ہے۔
کمیٹی کے ارکان نے معاون خصوصی ہارون اختر اور سیکرٹری کی عدم شرکت پر برہمی کا اظہار کیا۔ کمیٹی نے شوگر ایڈوائزری بورڈ کے کردار اور فنکشنز پر بریفنگ مانگی تھی۔ قائمہ کمیٹی نے آئندہ اجلاس مسابقتی کمیشن کو طلب کرلیا۔
اٹک : نامعلوم افراد کی اندھا دھند فائرنگ ، جے یو آئی رہنما قاری نظام الدین جاں بحق
ذریعہ: Daily Ausaf
کلیدی لفظ: اسٹورز کارپوریشن یوٹیلیٹی اسٹورز یوٹیلٹی اسٹورز ملازمین کو اسٹورز بند ڈیلی ویجز اسٹورز کا
پڑھیں:
منافع میں نہ چلنے والے 1700 یوٹیلٹی سٹورز بند ہوں گے: ایم ڈی
اسلام آباد (نمائندہ خصوصی) سینٹ کی قائمہ کمیٹی برائے صنعت وپیداوار کے اجلاس میں شوگر ایڈوائزری بورڈ کی ساخت کا جائزہ لیا گیا۔ اجلاس میں اس ادارے کی چینی کی قیمت مقرر کر نے کے حوالے سے کردار پر بھی بات چیت کی گئی۔ اجلاس میں بتایا گیا کہ نیشنل شوگر پالیسی بورڈ کا کردار سفارشات کرنے والے ادارے جیسا ہے جو نیشنل شوگر پالیسی چینی کی پیداوار اور اس کی درآمدو برآمد کا جائزہ لیتا ہے۔ کمیٹی کے چیئرمین سینیٹر عون عباس نے سوال کیا کہ حکومت نے چینی کی ملکی ضروریات کو پیش نظر رکھا تھا جب 7 لاکھ ٹن چینی برامد کرنے کی اجازت دی گئی؟۔ انہوں نے کہا کہ شوگر ملزنے چینی کی قیمت بڑھا دی اور اس کی وجہ ان پٹ کاسٹ کو بتایا۔ انہوں نے چینی کی پرائس کے تعین کرنے میں شوگر ایڈوائزری بورڈ کے رول پر بھی سوالات کیے۔ ادارے کے نمائندے نے کہا کہ شوگر ایڈوائزری بورڈ نے سٹرٹیجک سٹاک کو برقرار رکھنے پر زور دیا تاہم چینی کی قیمت مقرر کرنے میں اس کا کوئی کردار نہیں ہے۔ سرکاری نمائندے نے کہا یوٹیلٹی سٹور کارپوریشن کو نجکاری کی فہرست میں ڈال دیا گیا ہے اور اس کی رائٹ سائزنگ کا عمل شروع ہے۔ گزشتہ دو سال کے آڈٹ نہیں ہوئے۔ ان اڈٹس کو اگست میں مکمل کر لیا جائے گا۔ ایم ڈی سٹورز کارپوریشن نے کہا کہ ادارے کے اثاثوں کی مجموعی مالیت 8 ارب 30 کروڑ روپے ہے جبکہ ادارے پر 14 ارب روپے کی ذمہ داریاں موجود ہیں ادارے کے 11ہزار 14 ملازمین ہیں جن میں سے 5 ہزار باقاعدہ ملازمین اور 5 ہزار سے ذائد ملازمین کنٹریکٹ یا روزانہ معاوضہ کی بنیاد پر ہیں ریگولر ملازمین کو سرپلس پول میں ڈالا گیا ہے جبکہ کنٹریکٹ اور ڈیلی ویجز ملازمین کے بارے میں ابھی کوئی فیصلہ نہیں ہوا سیکرٹری صنعت و پیداوار کی اجلاس میںعدم شرکت پر گہری تشویش ظاہر کی گئی اجلاس میں سیکرٹری کو ہدایت کی گئی کہ وہ ائندہ اجلاس میں شرکت کو یقینی بنائی، ایم ڈی یو ایس سی نے کہا کہ اس وقت ملک بھر میں 3 ہزار سے زائد سٹورز ہیں، منافع میں نہ چلنے والے 1700 یوٹیلٹی سٹورز بند ہوں گے، پرائیویٹ کرنے کے بعد صرف 1500 سٹورز کیلئے سٹاف درکار ہوگا، ایک ہزار کے قریب اس وقت فرنچائزز ہیں، یوٹیلٹی سٹورز کا ماہانہ خرچہ 1ارب 2کروڑ تھا۔ نقصان میں چلنے والے سٹورز بند کرنے کے بعد ماہانہ خرچہ 52 کروڑ روپے رہ گیا ہے، ایک ماہ میں یوٹیلٹی سٹورز بند کرنے سے ماہانہ نقصان 22 میں کروڑ میں کمی آئی ہے۔
متحدہ عرب امارات کی اسرائیل میں بڑی افطاری؛ یہودیوں کی بھی شرکت